Pazhampori Recipe: தித்திக்கும் கேரளா ஸ்டைல் பழம்பொறி.. உங்க மாலை நேரத்தை கூடுதல் இனிமையாக்குங்க
Pazhampori recipe in tamil: உங்கள் குழந்தைகளுக்கு ஆரோக்கியமான ஈவ்னிங் ஸ்நாக் செய்து கொடுக்க வேண்டும் என்று யோசிச்சிட்டு இருக்கீங்களா. சிம்பிளாகவும், குறைந்த நேரத்திலும் செய்யக்கூடிய இந்த கேரளா ஸ்டைல் பழம்பொறி ட்ரை பண்ணி பாருங்க..
தமிழகத்தில் வாழைக்காய் பஜ்ஜி எப்படி ஃபேமஸோ, கேரளத்தில் பழம்பொறி ரொம்ப ஃபேமஸ். கேரள மக்களின் சிற்றுண்டியாகவும், தின்பண்டமாகவும் உள்ள பழம்பொறி சிறுவர்கள் முதல் பெரியவர்கள் வரை ருசித்து சாப்பிடும் ஒரு உணவு வகையாகும். கேரளா ஸ்டைல் பழம்பொறியை வீட்டிலேயே மாலை நேர ஸ்நாக்காக ஈஸியாக செய்யலாம். நேந்திரம் பழத்தில் பொதுவாக பழம்பொறியை செய்வார்கள். ஆனால், இந்த ரெசிபியை எந்த பழம் கொண்டு செய்தாலுமே அட்டகாசமாக இருக்கும். வாங்க கேரளா ஸ்டைல் பழம்பொறி செய்வது எப்படி என்று பார்க்கலாம்.
தேவையான பொருட்கள்
மைதா மாவு - 1 கப்
அரிசி மாவு - 1 கப்
மஞ்சள் தூள் - 1 சிட்டிகை
உப்பு தேவையான அளவு
சீரகத்தூள் சிறிதளவு
பழம்பொறி செய்யும் முறை
1. முதலில் மைதா மாவை தண்ணீர் ஊற்றி பஜ்ஜி மாவு பதத்திற்கு எடுத்துக் கொள்ளவும்.
2. பின்னர், அதில் மேலே கூறிய அனைத்துப் பொருள்களையும் சேர்ந்து கலந்து கொள்ளவும். தேவைப்பட்டால் தண்ணீர் சிறிதளவு சேர்த்துக் கொள்ளவும்.
3. அதில், நேந்திரம் பழத்தை தோல் சீவி, நுனியை நீக்கிக் கொள்ளவும். பின்னர், நீளமாக வாழைக்காய் பஜ்ஜிக்கு சீவுவது போல சீவிக் கொள்ளவும்.
4. வாணலியில் எண்ணெய் ஊற்றி சூடாக்கவும். எண்ணெய் சூடானதும் வாழைப்பழ துண்டுகளை மாவில் நன்றாகப் போட்டு எடுத்து பொறிக்கவும். சூடான சுவையான கேரளா ஸ்டைல் பழம்பொறி ரெடி. மாலை மங்கும் நேரத்தில் சுடச்சுட ஒரு கப் தேநீருடன் பழம்பொறியை பரிமாறுங்க.. அசந்து போயிருவீங்க..
Click it and Unblock the Notifications
Sign in with Google