தியேட்டர்களில் கூடுதல் ஷோக்கள் !

ஒரு படம் பார்க்காம தீபாவளியா?...

முருக்கு, சீடை, அடை, உடை, டமார், புஸ்...சுக்கு இணையாக தீபாவளி என்றால் சினிமாவும் ஒரு அங்கமாகிவிட்ட நம் ஊரில்இந்த முறை, தீபாவளியையொட்டி தியேட்டர்காரர்களுக்கு சில சிறப்பு சலுகைகளை அள்ளி வழங்கியிருக்கிறது அரசு.

தீபாவளிப் பண்டிகையையொட்டி வெளியாகும் புதிய திரைப்படங்களை, 7 நாட்கள் வரை தினசரி 5 காட்சிகள் வரை திரையிடஅனுமதி அளித்துள்ளது.

தீபாவளி நாளான 11ம் தேதியில் இருந்து இந்த ஸ்பெஷல் ஷோக்களைக் காட்டிக் கொள்ளலாம்.

அதன்படி 12,15,16 மற்றும் 17 ஆகிய தேதிகளில் கூடுதலாக ஒரு காட்சியும் (அதாவது 4 காட்சிகள்), 11,13 மற்றும் 14 ஆகியதேதிகளில் மேலும் ஒரு கூடுதல் காட்சியும் (அதாவது 5 காட்சிகள்) காட்டிக் கொள்ளலாம்.

இது டூரிங் டாக்கீஸ்களுக்கும் பொருந்தும்.