"ஒரு மாசம் தான் டைம்!" பல லட்சம் ஜிமெயில் கணக்குகளை டெலிட் செய்யும் கூகுள்.. உடனே இதை செய்யுங்க

வாஷிங்டன்: கூகுள் நிறுவனம் அடுத்த மாதம் பல லட்சம் ஜிமெயில் கணக்குகளை டெலிட் செய்ய உள்ளது. எதற்காகக் கூகுள் இதைச் செய்கிறது. உங்கள் கணக்குகளும் டெலிட் செய்யப்படும் ஆபத்து இருக்கிறதா என்பது குறித்துப் பார்க்கலாம்.

இந்த நவீன காலத்தில் கூகுள் இல்லாமல் எதுவுமே நடப்பதில்லை. இப்போது நாம் கூட எந்தவொரு விஷயத்தையும் கூகுளிடமே கேட்கிறோம். கூகுள் இல்லாமல் இணையத்தை யோசிப்பதே கடினம் என்ற சூழலே இருக்கிறது.

இதனால் டெக் உலகில் மன்னர் போலவே கூகுள் இருந்து வருகிறது. அதேநேரம் கூகுளில் பலரும் கணக்குகளைத் தொடங்கிவிட்டு, அதைப் பயன்படுத்தாமல் விட்டுவிடுகிறார்கள். இதனால் கூகுள் பல சிக்கல்களை எதிர்கொள்கிறது.

கூகுள்: அப்படி முறைப்படுத்தப்படாமல் இருக்கும் ஜிமெயில் கணக்குகளைச் சரி செய்யக் கூகுள் இப்போது நடவடிக்கை எடுக்கிறது. ஜிமெயில் கணக்குகளை முறையாகப் பயன்படுத்தாத நபர்கள் அடுத்த மாதம் தங்கள் ஜிமெயில் கணக்குகளை இழக்க வாய்ப்பு உள்ளது. அதாவது டிச. 2023க்கு பிறகு பல லட்சம் ஜிமெயில் கணக்குகள் டெலிட் செய்யப்படும். கடந்த இரண்டு ஆண்டுகளாகச் செயல்படாமல் இருக்கும் ஜிமெயில் கணக்குகள் டெலிட் செய்யப்படும் அபாயம் இருக்கிறது.

கடந்த மே மாதம் கூகுள் துணைத் தலைவர் ரூத் கிரிசெலி இது குறித்துக் கூறுகையில், "பயனாளர்கள் பாதுகாப்பு கருதி, அபாயத்தைக் குறைக்க நடவடிக்கை எடுத்து வருகிறோம். அதன்படி இரண்டு ஆண்டுகளாகப் பயன்படுத்தப்படாமல் இருக்கும் அனைத்து கூகுள் கணக்குகளை நாங்கள் நீக்குகிறோம். ஜிமெயில் மட்டுமின்றி Docs, Drive, Meet, Calendar மற்றும் Google Photos என அனைத்து தரவுகளும் நீக்கப்படும்

என்ன காரணம்: பொதுவாக இதுபோன்ற கணக்குகளில் பழைய மற்றும் பலவீனமான பாஸ்வேர்டுகள் தான் இருக்கும். அவை சமரசம் செய்யப்பட்டிருக்கலாம்.. மேலும், கூடுதலாக டூ பேக்டர் ஆத்தென்டிகேஷன் உள்ளிட்ட எந்தவொரு பாதுகாப்பு அம்சமும் இருக்காது. இதனால், அந்த கணக்குகளை யார் வேண்டுமானாலும் ஹேக் செய்யலாம். இதனால் அந்த கணக்குகளை வைத்து மோசடி நடக்கவும் வாய்ப்பு உள்ளது. இதன் காரணமாகவே நாங்கள் பழைய கணக்குகளை டெலிட் செய்யும் நடவடிக்கையை எடுக்கிறோம்" என்று தெரிவித்தார்.

யாருக்கு ஆபத்து: கடந்த இரண்டு ஆண்டுகளாகப் பயன்படுத்தப்படாமல் இருக்கும் கூகுள் கணக்குகள் மட்டுமே டெலிட் செய்யப்படும். அதேபோல தனிப்பட்ட கணக்குகளுக்கு மட்டுமே இது பொருந்தும். பள்ளிகள் அல்லது நிறுவனங்களில் கணக்குகள் இரண்டு ஆண்டுகளுக்கு மேல் பயன்படுத்தாமல் இருந்தாலும் அவை எந்த விதத்திலும் பாதிக்கப்படாது என்று அறிவிக்கப்பட்டுள்ளது.

என்ன செய்ய வேண்டும்: உங்கள் கூகுள் கணக்குகள் டெலிட் ஆகாமல் இருக்க அதை லாகின் செய்தால் போதும். கடந்த இரண்டு ஆண்டுகளில் உங்கள் கணக்குகளை லாகின் செய்யாமல் இருந்தால் அதை லாகின் செய்தாலே போதும், உங்கள் கணக்கு டெலிட் ஆகாது. ஜிமெயில் என்று இல்லை, மேற்கூறிய எந்தவொரு கூகுள் கணக்கில் லாகின் செய்தாலும் போதும் உங்கள் ஜிமெயில் டெலிட் செய்யப்படாது.

அதாவது, மெயில் படிப்பது, மெயில் அனுப்புவதும், கூகுள் ஹாட்ர் டிரைவ் பயன்படுத்துவது, கூகுள் ப்ளே ஸ்டோரில் எதாவது செயலியைப் பயன்படுத்துவது, கூகுளை சேர்ச்சுக்கு பயன்படுத்துவது ஆகியவை மூலம் கூகுள் கணக்குகள் டெலிட் ஆகாமல் பார்த்துக் கொள்ளலாம். அவ்வளவு ஏன் அந்த குறிப்பிட்ட கணக்கில் இருந்து யூடியூப் வீடியோவைப் பார்த்தால் கூட போதும். உங்கள் கணக்குகள் டெலிட் ஆகாது. மேலும், உங்கள் கூகுள் கணக்கில் கூகுள் ஒன் அல்லது ஏதேனும் ஒரு கூகுள் சப்ஸ்கிரிப்ஷன் இருந்தாலும் அது டெலிட் செய்யப்படாது என்று கூகுள் அறிவித்துள்ளது.

English summary

Google is planning to delte lakhs of account from next month: Google is now clearing up unused Gmail accounts.