ஐடி துறையே ஆடிப் போய் கிடக்கு.. 6 ஆயிரம் பேரை வீட்டுக்கு அனுப்பிய பிரபல நிறுவனம்! தலைக்கு மேல் கத்தி

நியூயார்க்: உலகின் முன்னணி தொழில்நுட்ப நிறுவனங்களில் ஒன்றான மைக்ரோசாஃப்ட், தனது 6,000 ஊழியர்களை பணிநீக்கம் செய்ய முடிவு செய்துள்ளது. இது மைக்ரோசாஃப்ட் நிறுவனத்தின் உலகளாவிய பணியாளர்கள் எண்ணிக்கையின் 3 சதவீதமாகும். 2023ஆம் ஆண்டு முதல் தொடர்ந்து மைக்ரோசாஃப்ட் பணியாளர்கள் எண்ணிக்கையை குறைக்கும் நடவடிக்கைகளை மேற்கொண்டு வருவது குறிப்பிடத்தக்கது.

ஐடி துறையே ஆட்டம் கண்டது போல் தான் இருக்கிறது. ஏஐ வந்த பிறகு டெக் துறையில் புரட்சி ஏற்பட்டாலும், அது ஊழியர்களை வேலையை காலி செய்து வருவது பலரையும் கவலைக்குள்ளாக்கி வருகிறது. எப்போது யார் வேலை போகும் என்பதே தெரியாத அளவுக்கு ஐடி ஊழியர்கள் நிலை உள்ளது.

கூகுள் போன்ற முன்னணி நிறுவனங்கள் கூட தனது ஊழியர்களை அடிக்கடி வேலையை விட்டு நீக்கி வருகிறது. அந்த வகையில், உலகின் முன்னணி தொழில்நுட்ப நிறுவனங்களில் ஒன்றான மைக்ரோசாஃப்ட், தனது 6,000 ஊழியர்களை பணிநீக்கம் செய்ய முடிவு செய்துள்ளது.

இது மைக்ரோசாஃப்ட் நிறுவனத்தின் உலகளாவிய பணியாளர்கள் எண்ணிக்கையின் 3 சதவீதமாகும். 2023ஆம் ஆண்டு முதல் தொடர்ந்து மைக்ரோசாஃப்ட் பணியாளர்கள் எண்ணிக்கையை குறைக்கும் நடவடிக்கைகளை மேற்கொண்டு வருவது குறிப்பிடத்தக்கது. இதற்கு முந்தைய காலகட்டங்களில், டிஜிட்டல் மாற்றம் மற்றும் செயற்கை நுண்ணறிவு (ஏஐ), கிளவுட் கம்ப்யூட்டிங் உள்ளிட்ட துறைகளில் மைக்ரோசாஃப்ட் கணிசமான வளர்ச்சி பெற்றிருந்தாலும், தொழில்நுட்ப வளர்ச்சிக்கான மூலதனத்தை அதிகரிக்க, செலவுகளை குறைக்க இந்த நடவடிக்கை எடுக்கப்பட்டுள்ளது.

பணி நீக்கம் தொடர்பாக மைக்ரோசாஃப்ட் வெளியிட்ட அறிக்கையில், "பன்முகத்தன்மை வாய்ந்த சந்தையில் நிலைத்துநிற்பதை உறுதிப்படுத்த, செயல்திறனில் மேம்பாடு தேவைப்படுவதால், நிறுவன மாற்றங்கள் அவசியமாகியுள்ளது" என்று தெரிவிக்கப்பட்டுள்ளது. இம்முறை பணிநீக்கமானது, பணியில் குறைந்த செயல்திறன் கொண்டவர்களைக் குறிவைத்து மட்டும் அல்லாமல், நிறுவனத்தின் செயற்திறனை மேம்படுத்தும் நோக்கில் மேற்கொள்ளப்பட்டதாக கூறப்படுகிறது.

சமீப காலமாக அமேசான், கூகுள், மெட்டா ஆகியவை ஆயிரக்கணக்கில் ஊழியர்களை வீட்டுக்கு அனுப்பி வருகின்றன. அந்த வகையில், அமேசான்: 27,000, கூகுள் (அல்பபெட்): 12,000, மெட்டா (ஃபேஸ்புக்): 21,000, ட்விட்டர்: 7,500, டெல்: 6,650, ஐபிஎம்: 3,900 பேரை வீட்டுக்கு அனுப்பியுள்ளது குறிப்பிடத்தக்கது.

இந்த நிலையில், தொழில்நுட்ப உலகில் ஏஐ ஆதிக்கம் தொடர்ந்து அதிகரிக்கிறது. ஏஐ தொழில்நுட்பங்கள் மனிதவளத்தைத் தேவைப்படுத்தாமல் பல பணிகளை தானாகவே நிறைவேற்றும் நிலைக்கு வந்துள்ளன. இதனால் பெருமளவிலான தொழில்நுட்ப நிறுவனங்கள் தங்கள் செயல்பாடுகளை மெருகூட்ட, ஏஐ மற்றும் கிளவுட் கம்யூட்டிங் சேவைகளில் கவனம் செலுத்துகின்றன. இதன் காரணமாக் உலகின் முன்னணி தொழில்நுட்ப நிறுவனங்களில் பணிநீக்கங்களை அதிகரித்து வருகின்றன.

English summary

Microsoft plans to lay off 6,000 employees worldwide, accounting for 3% of its workforce, as part of a major restructuring focused on AI and cloud computing.