Recharge: கூடுதல் டேட்டா வேண்டுமா? ஜியோ, ஏர்டெல், வோடஃபோன் .. எந்த நிறுவனம் வழங்கும் பிளான் பெஸ்ட்?

Updated: Sunday, July 6, 2025, 8:53 [IST]

Subscribe to Oneindia Tamil

சென்னை: ஏர்டெல், ஜியோ மற்றும் வோடபோன் ஐடியா (Vi) ஆகிய தனியார் டெலிகாம் நிறுவனங்கள், தினசரி டேட்டாவை கூடுதலாக பயன்படுத்தும் வாடிக்கையாளர்களுக்காக மிகவும் மலிவான டேட்டா வவுச்சர்களை வழங்குகின்றன.

இந்தியாவின் நம்பர் 1 டெலிகாம் நிறுவனமான ஜியோ, இரண்டாம் இடத்தில் இருக்கும் ஏர்டெல், அதற்கு அடுத்த இடத்தில் இருக்கும் வோடஃபோன் ஐடியா ஆகிய நிறுவனங்களுக்கு இடையே, வாடிக்கையாளர்களை ஈர்ப்பதில் பெரும் போட்டி நிலவுகிறது.

இந்த நிறுவனங்கள் அனைத்தும் பல ஒரு நாள் செல்லுபடியாகும் டேட்டா வவுச்சர்களை வழங்குகின்றன. இந்த டேட்டா வவுச்சர்கள் ஏற்கனவே செயல்பாட்டில் உள்ள வேலிடிட்டி திட்டத்தைக் கொண்டிருந்தால் மட்டுமே பயனர்களுக்கு வேலை செய்யும். 1 நாள் செல்லுபடியாகும் காலம் கொண்ட ஏர்டெல், ஜியோ மற்றும் வோடஃபோன் ஐடியாவின் பிளான்கள் பற்றி பார்ப்போம்.

ஏர்டெல் பிளான்

ஏர்டெல்லின் மலிவான ஒரு நாள் வேலிடிட்டி கொண்ட டேட்டா வவுச்சர் ரூ.22க்கு கிடைக்கிறது. இந்த டேட்டா வவுச்சர் 1 ஜிபி டேட்டாவுடன் வருகிறது. இந்த வவுச்சரில் கூடுதலாக வேறு எந்த நன்மையும் இல்லை. பயன்படுத்தப்படாத டேட்டா ஒரு நாள் முடிந்த பிறகு காலாவதியாகிவிடும். இந்த வவுச்சர் ரீசார்ஜ் செய்த அதே நாளில் முடிவடைகிறது என்பதை நினைவில் கொள்ளவும். நீங்கள் இரவு 10 மணிக்கு ரீசார்ஜ் செய்தால், நீங்கள் இந்த வவுச்சரை 2 மணி நேரம் மட்டுமே பயன்படுத்த முடியும்.

ஜியோ

ரிலையன்ஸ் ஜியோவின் மலிவான ஒரு நாள் வேலிடிட்டி கொண்ட டேட்டா வவுச்சர் ரூ.19க்கு கிடைக்கிறது. இது ஏர்டெல் வழங்கும் திட்டத்தை விட சற்று மலிவானது. இந்த திட்டத்திலும் 1 ஜிபி டேட்டா கிடைக்கிறது. பயனர் ஒரே நாளில் டேட்டாவை பயன்படுத்தவில்லை என்றால் இது காலாவதியாகிவிடும்.

வோடஃபோன் ஐடியா

வோடஃபோன் ஐடியாவின் மலிவான ஒரு நாள் வேலிடிட்டி டேட்டா வவுச்சர் ரூ.23க்கு கிடைக்கிறது. பட்டியலில் இதுவே மிகவும் விலை உயர்ந்தது. மற்ற நிறுவனங்களின் டேட்டா வவுச்சர் போல இதுவும் அதே நாளில் நள்ளிரவில் காலாவதியாகிறது. செல்லுபடியாகும் காலம் மீண்டும் ஒரு நாள் மட்டுமே. 1GB டேட்டா பயன்படுத்தப்படாவிட்டால் காலாவதியாகி விடும்.