ஜியோ vs ஏர்டெல்.. ஐபிஎல் மேட்ச் பார்க்க நிஜமாகவே எது பெஸ்ட்.. இந்த வோடபோன் ரேஸிலயே இல்ல பாருங்க

டெல்லி: ஐபிஎல் போட்டிகள் விறுவிறுப்பாகத் தொடங்கியுள்ள நிலையில், இந்த போட்டிகளை நாம் கண்டுகளிக்க ஏர்டெல் மற்றும் ஜியோ பேக்குகள் வழங்கும் திட்டம் குறித்து நாம் பார்க்கலாம்.

இந்தக் காலத்தில் இளைஞர்கள் பலரும் டிவி காட்டிலும் மொபைலில் ஸ்டிரீமிங் மூலமாகவே வீடியோக்களை பார்க்க விரும்புகிறார்கள். இதனால் டெலிகாம் நிறுவனங்கள் போட்டிப் போட்டுக் கொண்டு பல பேக்குகளை வாரி வழங்குகின்றன.

புதிய திட்டம்: ஐபிஎல் திருவிழா தொடங்கியுள்ள நிலையில், ரிலையன்ஸ் ஜியோ ஒரு புதிய ஆட்-ஆன் டேட்டா பேக்கை அறிமுகப்படுத்தியுள்ளது, இந்த ஆட் ஆன் மூலம் நமக்கு 25 ஜிபி 4ஜி டேட்டா கிடைக்கிறது. 25 ஜிபி முடித்துவிட்டால் இணைய வேகம் 64Kbps ஆகக் குறைக்கப்படும். வெறும் ரூ.49க்கு அறிமுகப்படுத்தும் இந்தத் திட்டம் கிரிக்கெட் ரசிகர்களுக்கு ஏற்ற பேக்காக இருக்கும்.

தற்போது நடந்து வரும் ஐபிஎல் போட்டிகளை தங்கள் மொபைலில் லைவில் பார்க்க விரும்பும் பயனர்களுக்கு இந்த புதிய கிரிக்கெட் பேக்கை பயன்படுத்திக் கொள்ளலாம். மேலும், ஹாட்ஸ்பாட் மூலம் லேப்டாப் மற்றும் ஸ்மார்ட் டிவி மூலமாகக் கூட ஐபிஎல் போட்டிகளை ஸ்ட்ரீம் செய்ய முடியும். ஒரு போட்டி முழுமையாகப் பார்த்து முடிக்க இந்த 25 ஜிபி சரியாக இருக்கும். இதன் காரணமாகவே இதன் வெலிடிட்டியும் 24 மணி நேரமாக வழங்கப்பட்டுள்ளது.

சத்யம் தியேட்டரில் கூலாக படம் பார்த்த "தல" தோனி.. எந்த படம் தெரியுமா! ரசிகர்களுக்கு செம சர்ப்ரைஸ்


ஏர்டெல்: ஏர்டெல் நிறுவனமும் இதே போன்ற திட்டத்தை வழங்குகிறது. ஏர்டெல் ரூ.49க்கு வழங்கும் திட்டமும் ஒரு நாள் தான் வெலிடிட்டி ஆனால் அதில் நமக்கு வெறும் 20 ஜிபி டேட்டா தான் கிடைக்கும். அதேபோல வோடபோன் நிறுவனத்திலும் ரூ. 49 பேக் இருக்கிறது. ஆனால், அதில் வெறும் 6 ஜிபி டேட்டா மட்டுமே வழங்குகிறது, இது ஏர்டெல் மற்றும் ஜியோ விட ரொம்பவே குறைவாகும்.

ஜியோ, ஏர்டெல், வோடபோன் நிறுவனங்கள் வழங்கும் இந்த ரூ.49 பேக் டேட்டா ஒன்லி ஏட் ஆன் திட்டமாகும். இதில் நமக்கு அழைப்பு அல்லது எஸ்எம்எஸ் என எதுவும் கிடைக்காது. மேலும் இந்த திட்டம் 24 மணிநேரத்திற்கு மட்டுமே வெலிடிட்டி இருக்கும். மீதமுள்ள டேட்டாவை அடுத்த ரீச்சார்ஜிற்கு எடுத்துச் செல்லும் carry forward ஆப்ஷன் இதில் இல்லை.

தேவைப்படாது: அதேநேரம் உங்களிடம் 5ஜி ஸ்மார்ட்போன் இருந்தால்.. நீங்கள் ஏர்டெல் அல்லது ஜியோ பயன்படுத்தும் நபர் இருந்தால்.. இந்த பேக் உங்களுக்குத் தேவைப்படாமல் போகலாம்,.. ஏனெனில் இந்த இரு டெலிகாம் நிறுவனங்களும் பெரும்பாலான நகரங்களில் 5ஜி சேவையை வழங்குகின்றன. இப்போது இந்த இரு நிறுவனங்களும் அன்லிமிட்டட் 5ஜி டேட்டாவை வழங்குவதால் 5ஜி ஸ்மார்ட்போன் இருக்கும் நபர்களுக்கு இந்த பேக் தேவைப்படாமல் போகலாம்.

இது தவிர மேலும் சில ஏட் ஆன் பிளான்களும் உள்ளன. ஜியோவில் நீங்கள் ரூ.222 செலுத்தி 50 ஜிபி டேட்டாவை பெற்றுக்கொள்ளலாம். உங்கள் வெலிடிட்டு முடியும் வரை இந்த 50 ஜிபி டேட்வை பயன்படுத்திக் கொள்ளலாம். அதேபோல ஏர்டெல் ரூ.301 செலுத்தினால் 50 GB 4G டேட்டாவையும் கிடைக்கும்.

English summary

Jio and airtel which is best for watching cricket matches: Jio new plan will offber huge date benifits.