"அம்புக்குறி” இருக்கா? இனி 2 வாட்ஸ் அப் யூஸ் பண்ண தேவையே இல்ல.. வந்தாச்சு ‘செம அப்டேட்’.. எப்படி?

சென்னை: வாட்ஸ்-அப் யூசர்கள் நீண்ட காலமாக எதிர்பார்த்துக் காத்திருந்த அப்டேட்டிற்கான விதையைப் போட்டுள்ளது வாட்ஸ் அப் நிறுவனம். விரைவில் இந்த புதிய அம்சம் அனைவருக்கும் கிடைக்க உள்ளது. இனி வாட்ஸ் அப்பை க்ளோன் செய்து 2 ஆப்களை பயன்படுத்த தேவையில்லை.

உலகம் முழுவதும் வாட்ஸ் அப் செயலியை பயன்படுத்துவோரின் எண்ணிக்கை நாளுக்கு நாள் அதிகரித்து வருகிறது. மெட்டா நிறுவனம் தங்களது யூசர்களுக்கு திருப்திகரமான சேவைகளை வழங்குவதற்காக பல்வேறு புதிய வசதிகளை அவ்வப்போது வழங்கி வருகிறது. அந்தவகையில் நீண்ட காலமாக வாட்ஸ் அப் யூசர்கள் எதிர்பார்த்து காத்திருந்த புதிய அம்சம் தற்போது வெளியிடப்பட்டுள்ளது.

மல்டி அக்கவுன்ட்: தற்போது டூயல் சிம் பயன்படுத்தும்போது இரண்டு எண்களுக்கும் வாட்ஸ் அப் பயன்படுத்த விரும்பினால், நம் மொபைலில் 'டூயல் ஆப்' அல்லது 'ஆப் க்ளோன்' மூலம் இரண்டு வாட்ஸ் அப் செயலிகளை பேரலல் ஆக பயன்படுத்த வேண்டி இருக்கிறது. இனி ஒரே வாட்ஸ் அப் செயலிலேயே 2 எண்களையும் நிர்வகித்துக் கொள்ளலாம்.

ஒரே போனில் பல வாட்ஸ் அப் கணக்குகளை ஸ்விட்ச் செய்து பயன்படுத்த முடியும். இந்த அப்டேட் உலகம் முழுவதும் உள்ள வாட்ஸ் அப் யூசர்களுக்கு மகிழ்ச்சியை ஏற்படுத்தி உள்ளது. மல்டி அக்கவுன்ட் என்று அழைக்கப்படும் இந்த புதிய அம்சம் மூலமாக யூசர்கள் எளிதில் தங்களது அக்கவுண்ட்களை மாற்றிக்கொள்ள முடியும்.

எப்படி பயன்படுத்துவது?: இந்த புதிய அம்சம் முதல்கட்டமாக வாட்ஸ் அப் ஆண்ட்ராய்டு பீட்டா யூசர்களுக்கு வழங்கப்பட்டுள்ளது. பீட்டா டெஸ்டர்கள் மல்டி அக்கவுண்ட் அம்சத்தை பெற்றிருந்தால், தங்களுடைய வாட்ஸ் அப் செட்டிங்கில் உள்ள கியூ ஆர் கோடுக்கு அருகில் உள்ள சிறிய ஏரோ ஐ-கானை கிளிக் செய்து மற்றொரு கணக்கை சேர்க்கலாம். அதற்கு புதிய வாட்ஸ் அப் கணக்கின் மொபைல் எண் மற்றும் பாஸ்வேர்டை பதிவிட வேண்டும்.

மற்றொரு அக்கவுண்டுக்கு மாற்றிக்கொள்ள விரும்பினால் அதே ஐகானை மீண்டும் க்ளிக் செய்து இன்னொரு அக்கவுண்டுக்கு மாற்றிக் கொள்ளலாம். அக்கவுண்டை வேறுபடுத்திக் காட்ட, டிபி மற்றும் யூசர் நேம் காட்டப்படும்.

இதன் மூலம் இனி Parallel ஆப் பயன்படுத்தாமல் ஒரே வாட்ஸ் அப்பிலேயே ஒன்றுக்கு மேற்பட்ட எண்களைப் பயன்படுத்தலாம். தற்போது இந்த புதிய அம்சம் பீட்டா வெர்சனில் மட்டும் வழங்கப்பட்டுள்ள நிலையில் அனைவருக்கும் விரைவில் வழங்கப்படும் எனத் தகவல் வெளியாகி உள்ளது.

English summary

WhatsApp brings new feature that WhatsApp users have been waiting for a long time. Soon this new feature will be available to everyone. No need to clone WhatsApp, can use multiple whatsapp accounts within a single app.