ஐயோ பாவம்.. பரிதாபமாக இறந்து கிடந்த துணை நடிகர் “மோகன்”.. அபூர்வ சகோதரர்கள் படத்தில் நடித்தவர்

Updated: Wednesday, August 2, 2023, 14:10 [IST]

Subscribe to Oneindia Tamil

மதுரை: நடிகர் கமல்ஹாசன் நடித்த அபூர்வ சகோதரர்கள் திரைப்படத்தில் துணை நடிகராக நடித்த மோகன் மதுரை திருப்பரங்குன்றம் பகுதியில் ஆதரவற்ற நிலையில் இறந்து கிடந்தார்.

இவர் நான் கடவுள், அதிசய மனிதர்கள் போன்ற ஒரு சில திரைப்படங்களில் நடித்திருந்த நிலையில் இப்போது பட வாய்ப்புகள் எதுவும் இல்லாத நிலையில் வறுமையில் வாழ்ந்து வந்திருக்கிறார்.

யாருடைய உதவியையும் இல்லாததால் திருப்பரங்குன்றம் பகுதியில் தனியாகவே வசித்து வந்திருக்கிறார்.

Aboorva sagotharargal Movie Supporting Actor Mohan Death

சேலம் மாவட்டம் மேட்டூரை சேர்ந்தவர் சின்னு. இவருடைய மகன் மோகன் திரைப்படங்களில் துணை நடிகராக நடித்து வந்தார். அதுவும் அதுவும் நடிகர் கமல்ஹாசன் நடிப்பில் 1989 ஆம் ஆண்டு வெளியான அபூர்வ சகோதரர்கள் திரைப்படத்தில் நடிகர் கமல் அதாவது அப்புவின் நண்பர்களில் ஒருவராக நடித்திருந்தார்.

அந்த திரைப்படத்தில் அவருடைய நடிப்புக்கு பிறகு சில வருடங்களாக எந்த வாய்ப்பும் இல்லாமல் இருந்திருக்கிறார். அதற்கு பிறகு நடிகர் ஆர்யாவின் நடிப்பில் வெளிவந்த நான் கடவுள் மற்றும் அதிசய மனிதர்கள் உட்பட சில திரைப்படங்களில் நடித்திருக்கிறார்.

பிறகு மோகனுக்கு திரைப்பட வாய்ப்புகள் எதுவும் கிடைக்காததால் சொந்த ஊரை விட்டு திருப்பரங்குன்றம் பகுதியில் சில ஆண்டுகளுக்கு முன்பு வந்திருக்கிறார். அங்கே வறுமையின் காரணமாக பெரிய ரத வீதியில் அவர் பிச்சை எடுத்து வந்ததாக கூறப்படுகிறது.

இந்த நிலையில் நேற்று முன் தினம் அதாவது ஜூலை 31 பெரிய ரத வீதியில் மோகன் ஆதரவற்ற நிலையில் இறந்து கிடந்து இருக்கிறார். இது பற்றி அங்கிருந்தவர்கள் திருப்பரங்குன்றம் போலீசாருக்கு தகவல் கொடுக்க அவர்கள் மோகனின் உடலை மீட்டு மதுரை அரசு மருத்துவமனைக்கு பிரேத பரிசோதனைக்காக அனுப்பி உள்ளனர்.

பிறகு இந்த தகவல் மேட்டூரில் உள்ள அவரது குடும்பத்தினருக்கு தெரிவிக்கப்பட்டிருக்கிறது. அதைத் தொடர்ந்து பிரேத பரிசோதனைக்கு பிறகு ஆம்புலன்ஸ் மூலம் அவரது உடல் மேட்டூருக்கு கொண்டு செல்லப்பட்டது. மோகனுக்கு இரண்டு சகோதரர்கள் மற்றும் மூன்று சகோதரிகள் உள்ளனர் என்று போலீஸ் தரப்பில் கூறப்படுகிறது.