ஆணுறுப்பில் வெளியேறும் மாதவிடாய்,விந்து.. பிரபல நடிகரின் வேதனை.. இடுப்புக்கு மேலே ஆண், கீழே பெண்

சென்னை: பிரபல நடிகராகவும் தொகுப்பாளராகவும் டப்பிங் ஆர்டிஸ்ட் ஆகவும் இருக்கும் சக்கரவர்த்தி என்பவர் தான் சமீபத்தில் தமிழக அரசால் இடை பாலினத்தவர் என்ற சான்றிதழ் பெற்று இருக்கிறார்.

பத்து வயதிலே தன்னுடைய உடம்பில் ஏற்பட்ட வித்தியாசத்தை பார்த்து பயந்து போன சக்கரவர்த்தியில் வாழ்க்கையில் பல கஷ்டங்கள் வந்திருக்கிறது.

ஒரே உடம்பில் ஆண் ஆகவும் பெண்ணாகவும் வேதனையை சுமந்து கொண்டிருக்கும் நடிகர் தன்னுடைய வாழ்க்கையில் நடந்த கஷ்டங்களை குறித்து பேட்டி ஒன்றில் பேசியிருக்கிறார். அதை குறித்து விரிவாக பார்க்கலாம்.

பொதுவாக ஆயிரத்தில் ஒருவருக்கு தான் ஒரு சில பிரச்சனைகள் அரிதாக காணப்படும். அந்த மாதிரி ஒரு நபர்தான் நடிகர் சக்கரவர்த்தி. இவர் சில திரைப்படங்களிலும் சீரியல்களிலும் சின்ன சின்ன கேரக்டரில் நடித்திருக்கிறார். அதுபோல டப்பிங் ஆர்டிஸ்ட் ஆகவும் சில நிகழ்ச்சிகளை தொகுத்து வழங்கும் தொகுப்பாளராகவும் இருந்திருக்கிறார்.

ஆனால் பத்தரை வயதாக இருக்கும் போதே சக்கரவர்த்தியின் உடலில் மாற்றம் வர தொடங்கி இருக்கிறது. அவருடைய ஆணுறுப்பில் இருந்து ரத்தம் வந்திருக்கிறது. அதை தன்னுடைய அம்மாவிடம் சொன்ன சக்கரவர்த்திக்கு அவருடைய அம்மா ஏதாவது அடிபட்டு இருக்கும் என்று சொல்லி ஆறுதல் கூறியிருக்கிறார். ஆனால் பிறகு அது தொடர்ந்து கொண்டிருந்ததால் மருத்துவரிடம் சென்று பார்த்திருக்கிறார்கள். அப்போது மருத்துவர் அவரை செக் பண்ணி பார்த்துவிட்டு உங்களுக்கு கர்ப்பபை இருக்கிறது என்று கூறியிருக்கிறார்.

அதனால் பெண்ணாகத்தான் இருக்கிறார் என்று மருத்துவர்கள் சொல்லி அனுப்பி இருக்கின்றனர். பிறகு சில வருடங்கள் கழித்து அவருடைய ஆணுறுப்பில் இருந்து விந்து வெளியாகியிருக்கிறது. அதற்கு பிறகு தான் இவருக்கு ஆணாகவும் பெண்ணாகவும் இருக்கும் விஷயமே தெரிந்திருக்கிறது. இதை தெரிந்து கொண்ட இவருடைய பள்ளியில் படிக்கும் நண்பர்கள் கூட பலர் இவரிடம் தப்பாக நடப்பதற்கு முயற்சி செய்து கிண்டல் செய்து அவமானப்படுத்தி இருக்கின்றனர்.

இந்த நிலையில் சக்கரவர்த்தியின் அம்மா உனக்கு திருமணம் செய்து வைத்தாலும் அது சரிப்பட்டு வராது ஒரு ஆணை திருமணம் செய்தாலும் அதுவும் முடியாது. பெண்ணையும் திருமணம் செய்ய முடியாது என்று அடுத்தவர்களுடைய மனநிலையில் இருந்து யோசித்துக் கூறியிருக்கிறார். பிறகு ஒவ்வொரு மாதமும் ஆணுறுப்பின் வழியாகவே சிறுநீரும் வெளியே வருகிறது. அதே வழியாக மாதவிடாயும் வெளியேறுவதால் கிருமி தொற்றால் பாதிக்கப்பட்டிருக்கிறார். அதனால் கர்ப்பபையை ஆபரேஷன் செய்து எடுத்து இருக்கின்றனர்.

ஆனாலும் அதைத் தொடர்ந்து புற்றுநோய் பாதிப்பு வந்து விடக்கூடாது என்று இவருடைய ஆணுறுப்பை ஆப்ரேஷன் செய்து அகற்றி விட்டார்களாம். அதற்குப் பிறகு பல வருடங்களாக தன் வேதனையை அனுபவிக்க வந்த சக்கரவர்த்தி தன்னைப் போல இருப்பவர்களுக்கு விழிப்புணர்வு செய்யும் விதமாக பல வீடியோக்களை வெளியிட்டு இருக்கிறார். பல பேட்டிகளிலும் பேசி இருக்கிறார். இதனால் இவருக்கு நடிப்பு வாய்ப்பு கிடைக்காமல் போய்விட்டதாம்.

தொகுப்பாளராகவும் வாய்ப்பு கிடைக்காமல் ஒரு நடிகராகவும் வாய்ப்பு கிடைக்காமல் தான் இப்போது கஷ்டப்படுவதாக பேட்டி ஒன்றில் சக்கரவர்த்தி பேசி இருக்கிறார். அவருடைய வேதனைக்கு பலர் தொடர்ச்சியாக இவருக்கு ஆதரவு கொடுத்து வருகிறார். அதே நேரத்தில் இவருக்கு தமிழக அரசு சார்பாக ஏதாவது உதவி செய்ய வேண்டும் என்றும் பலர் வேண்டுகோள் வைத்து வருகிறார்கள்.

English summary

Chakravarthi, who is a popular actor, presenter and dubbing artist, has recently been certified as an intersex person by the Tamil Nadu government.At the age of ten, the emperor was frightened by the difference in his body, and many hardships have come in his life. The actor, who is suffering from being a man and a woman in the same body, has spoken about the hardships in his life in an interview. Let's see about it in detail.