வீடியோ காலில் நடந்த நெப்போலியன் மகன் எங்கேஜ்மென்ட்.. பொண்ணு திருநெல்வேலி தான்.. யாருன்னு பாருங்க

Updated: Thursday, July 11, 2024, 10:04 [IST]

Subscribe to Oneindia Tamil

சென்னை: நடிகர் நெப்போலியனின் மூத்த மகன் தனுஷின் நிச்சயதார்த்த விழா வீடியோ காலில் நடந்து முடிந்த காட்சி இணையத்தில் வெளியாகி இருக்கிறது. தனுஷ் அமெரிக்காவில் இருக்கும் நிலையில் அவருடைய வருங்கால மனைவி திருநெல்வேலியில் இருக்க வீடியோ காலில் என்கேஜ்மென்ட் நடைபெற்று இருக்கிறது.

சினிமாவில் வில்லனாக அறிமுகமாகி பிறகு கதாநாயகனாக தொடர்ந்து நடித்துக் கொண்டிருந்த நெப்போலியன் அரசியலிலும் ஈடுபட்டு மத்திய அமைச்சராக பணியாற்றி இருக்கிறார். ஆனால் தன்னுடைய மகனின் உடல்நிலையை கருத்தில் கொண்டு குடும்பத்தோடு அமெரிக்காவில் செட்டில் ஆகி இருக்கிறார்.

நடிகர் நெப்போலியன் ஜெயசுதா என்பவரை திருமணம் செய்து இருந்த நிலையில் அவருக்கு தனுஷ் மற்றும் குணால் என்ற இரண்டு மகன்கள் இருக்கின்றனர். அதில் தனுஷிற்கு நான்கு வயதில் இருக்கும்போதே தசை சிதைவு நோய் ஏற்பட்டு இருந்த நிலையில் அவரை திருநெல்வேலியின் அருகே உள்ள ஒரு கிராமத்தில் பாரம்பரிய முறையில் மருத்துவம் பார்ப்பது தெரிய வந்ததும் அங்கு அழைத்து சென்று சிகிச்சை அளித்திருக்கிறார்.

அதில் தன்னுடைய மகனின் உடல்நிலை தேறி வர பிறகு தன்னுடைய மகனை அழைத்துக் கொண்டு வெளிநாடு சுற்றுலா சென்று வந்த நிலையில் அங்கு அவருக்கு அமெரிக்கா பிடித்து போக அமெரிக்காவில் குடும்பத்தோடு நெப்போலியன் செட்டில் ஆகி இருக்கிறார். அங்கு சொந்தமாக பிசினஸை கவனித்து வரும் நெப்போலியன் இயற்கை விவசாயத்தையும் செய்து வருகிறார்.

இந்த நிலையில் 25 வயதாகும் தன்னுடைய மகன் தனுஷ்க்கு திருமணம் செய்ய நெப்போலியன் ஏற்பாடு செய்திருந்த நிலையில் சமீபத்தில் அவருடைய என்கேஜ்மென்ட் நடந்து முடிந்திருக்கிறது. அது குறித்து தனுஷ் தன்னுடைய இன்ஸ்டாகிராம் பக்கத்தில் தன்னுடைய எங்கேஜ்மென்ட் முடிவடைந்துவிட்டது என்று வீடியோ ஒன்று வெளியிட்டு இருந்தார்.

இப்படியான நிலையில் நெப்போலியனின் மகன் நிச்சயதார்த்த வீடியோ இணையத்தில் வெளியாகி இருக்கிறது. தனுஷிற்கு உடல்நிலை பிரச்சனை இருப்பதால் தனுஷ் விமானத்தில் அதிகமாக பயணிக்க முடியாது என்பதால் அமெரிக்காவில் இருக்கும் நிலையில் நெப்போலியன் தன்னுடைய குடும்பத்தோடு இந்தியா வந்திருக்கிறார்.

இங்கு தான் நெப்போலியன் மருமகள் இருக்கிறார். அதுவும் நெப்போலியனின் வருங்கால மருமகள் அக்ஷயாவின் சொந்த ஊர் திருநெல்வேலி மாவட்டம் தான். திருநெல்வேலி மாவட்டம் மூலக்கரைப்பட்டியை சார்ந்த விவேகானந்தர் என்பவரின் மகளைத்தான் நெப்போலியன் தன்னுடைய மகனுக்கு திருமணம் செய்ய இருக்கிறார். இது குறித்த வீடியோக்கள் வெளியானதை தொடர்ந்து பலரும் தனுஷிற்கு வாழ்த்துக்கள் தெரிவித்து வருகிறார்கள்.