நெப்போலியன் மகன் திருமணத்தில்.. குஷ்பூ, ராதிகாவை தங்க வைக்க ஹோட்டல் வாடகை எவ்வளவு?
சென்னை: நடிகர் நெப்போலியனின் மகன் தனுஷின் திருமணம் ஜப்பானில் நடைபெற இருக்கும் நிலையில் அங்கு விருந்தினராக வந்திருக்கும் குஷ்பூ, ராதிகா, மீனா போன்றோர்களை தங்க வைப்பதற்காக நெப்போலியன் அரேஞ்ச் செய்த அறையின் வாடகை ஒரு நாளைக்கு எவ்வளவு என்ற தகவல்கள் வெளியாகி இருக்கிறது.
நடிகர் நெப்போலியனின் மூத்த மகன் தனுஷ்க்கு நாளை திருமணம் நடைபெற இருக்கிறது. இந்த திருமணத்திற்காக நெப்போலியனின் திரைத்துறை நண்பர்கள் பலரும் கடந்த வாரத்தில் இருந்து ஜப்பானுக்கு படையெடுத்துக் கொண்டிருக்கிறார்கள்.
அதிலும் நெப்போலியனின் நெருங்கிய நண்பரான நடிகர் சரத்குமார் அவருடைய மனைவி ராதிகா மற்றும் மகனோடு நேற்று முன்தினம் ஜப்பானுக்கு சென்றிருந்தார். அதற்கு இரண்டு தினங்களுக்கு முன்பே நடிகை மீனா, குஷ்பூ, கலா மாஸ்டர், கார்த்தி, பாண்டியராஜன் போன்றோரும் ஜப்பானுக்கு சென்று விட்டார்கள்.
இவர்கள் எல்லோரும் தங்குவதற்கு நெப்போலியன் தான் அங்கு ஹோட்டல் ரூம் அரேஞ்ச் செய்து இருக்கிறாராம். அங்கு அறையில் ஒரு இரவுக்கான வாடகை இந்திய மதிப்பில் சுமார் 50,000 ரூபாய்க்கு மேலே இருக்கிறது. ஆனாலும் 15 அறைகளுக்கு மேலே நெப்போலியன் புக் பண்ணி வைத்திருக்கிறாராம்.
தன்னுடைய மகன் திருமணத்திற்கு வரும் பிரபலங்கள் எல்லோரையும் ஏர்போர்ட்டில் இருந்து நேரடியாக சென்று நெப்போலியனே அழைத்து வந்து இருக்கிறார். மேலும் பிரிமியர் பிரிவில் புக் செய்யப்பட்ட அறையில் மேக்கப் செய்வதற்கு ஒரு அறை, மாஸ்டர் பெட்ரூம், பால்கனி என பல வசதிகள் உள்ளதாம். ஷாப்பிங் செய்வதற்கும் மால், ரெஸ்டாரன்ட் என பெரிய அளவில் நல்ல லொகேஷன் உள்ள ஹோட்டலில் தான் நெப்போலியன் தன்னுடைய நண்பர்களுக்காக அறையை அரேஞ்ச் செய்து கொடுத்திருக்கிறாராம்.
அதுபோல ஜப்பானில் திருமணம் நடந்தாலும் அங்கு இந்திய உணவு தான் நெப்போலியன் அரேஞ்ச் செய்து இருக்கிறாராம். இட்லி, பொங்கல், பூரி, தோசை, சட்னி, சாம்பார் என்று எல்லாவிதமான உணவுகளும் தமிழ்நாட்டை சார்ந்த செஃப்கள் கொண்டு சமைக்கப்பட்டு இருக்கிறதாம். அதோடு தன்னுடைய நண்பர்கள் திருமணத்திற்கு சில நாட்களுக்கு முன்பே ஜப்பானில் சுற்றி பார்ப்பதற்கு ஏதுவாகவும் பல ஏற்பாடுகளை நெப்போலியன் செய்து கொடுத்திருக்கிறாராம்.
Click it and Unblock the Notifications
Sign in with Google