எம்ஜிஆரின் வளர்ப்பு என்பதை நிரூபித்த ராமராஜன்.. அமுதவாணனுக்கு கொடுத்த ஸ்பெஷல் பரிசு

கலக்கப்போவது யாரு நிகழ்ச்சியில் நடிகர் ராமராஜன் அமுதவாணுக்கு தன்னுடைய மோதிரத்தை பரிசாக வழங்கியிருக்கிறார்.

சென்னை: முதல் முறையாக சின்னத்திரையில் நடிகர் ராமராஜன் அறிமுகம் ஆகி இருக்கிறார்.

விஜய் டிவியில் கலக்கப்போவது யாரு சீசன் 4இல் சிறப்பு விருந்தினராக நடிகர் ராமராஜன் கலந்து கொண்டிருக்கிறார்.

தன்னைப் போலவே பர்பாமன்ஸ் செய்த அமுதவாணனை பாராட்டி தன்னுடைய கையில் இருந்த மோதிரத்தை பரிசாக நடிகர் ராமராஜன் வழங்கி இருக்கிறார்.

சின்னத்திரையில் ராமராஜன்

இதுவரைக்கும் இல்லாத வகையில் முதல் முறையாக சின்னத்திரைக்கு நடிகர் ராமராஜன் வந்திருக்கிறார். விஜய் டிவியில் கலக்கப்போவது யாரு நிகழ்ச்சியில் நான்காவது சீசனில் சிறப்பு விருந்தினராக நடிகர் ராமராஜன் கலந்து கொண்டிருக்கிறார். இந்த வாரம் இந்த நிகழ்ச்சியில் காதல் ரவுண்டு நடைபெற்று வருகிறது. அதில் அமுதவாணன் ராமராஜனை போலவே ஆடி காட்டி அனைவரையும் மகிழ்வித்து இருக்கிறார். முதல்முறையாக இதை பார்த்து ரசித்த நடிகர் ராமராஜன் அமுதவாணனை பாராட்டி தன் தன்னுடைய கையில் இருந்த R என்ற இன்ஷியல் போட்ட தன்னுடைய மோதிரத்தை அமுதவாணனுக்கு அணிவித்திருக்கிறார்.

நான்காவது சீசன்

விஜய் டிவியில் ஒளிபரப்பாகி வரும் கலக்கப்போவது யாரு நிகழ்ச்சியின் மூலமாகத்தான் அமுதவாணன், வடிவேல் பாலாஜி சிங்கப்பூர் தீபன், புகழ், பாலா, ராமர், நாஞ்சில் விஜயன், தங்கதுரை போன்ற பல கலைஞர்கள் பிரபலமானார்கள். இந்த நிகழ்ச்சியில் மக்களிடையே நல்ல வரவேற்பு பெற்று வருகிறது. இதன் அடிப்படையில் தான் தற்போது நான்காவது சீசன் தொடங்கப்பட்டிருக்கிறது. தொடங்கி இரண்டாவது வாரத்தில் முதல் முறையாக நடிகர் ராமராஜன் கலந்து கொண்டிருக்கிறார். 90களில் முன்னணி நடிகராக இந்த நிகழ்ச்சியில் கலந்து கொண்டது அவருடைய ரசிகர்களின் மத்தியில் மகிழ்ச்சியை கொடுத்திருக்கிறது.

மீண்டும் திரைப்படத்தில்

நடிகர் ராமராஜன் 1977 ஆம் ஆண்டு மீனாட்சி குங்குமம் என்ற திரைப்படத்தின் மூலமாக நடிக்க தொடங்கினார். பிறகு நம்ம ஊரு நல்ல ஊரு என்கிற படத்தில் 1986 ஆம் ஆண்டு ஹீரோவாக அறிமுகமானார். ஒரு நடிகராக மட்டுமல்லாமல் சில திரைப்படங்களையும் ராமராஜன் இயக்கி இருக்கிறார். அது மட்டுமல்லாமல் ஒரு அரசியல் பிரமுகராகவும் இருந்து வருகிறார். அதுவும் குறிப்பாக எம்ஜிஆரின் தீவிரமான ரசிகராகவும் அவரை பின்பற்றும் ஒரு நபராகவும் அந்த காலத்தில் இருந்தே ராமராஜன் இருந்து வருகிறார். இந்த நிலையில் தற்போது பல வருடங்களுக்குப் பிறகு மீண்டும் வெள்ளித் திரையில் புது படத்தில் நடித்துக் கொண்டிருக்கிறார். சாமானியன் என்ற திரைப்படத்தில் நடித்து வருகிறார்.

மோதிரம் பரிசு

நடிகர் ராமராஜன் நடித்துக் கொண்டிருக்கும் சாமானியன் திரைப்படத்தின் போஸ்ட் ப்ரடக்ஷன் பணிகள் முடிவடைந்து விரைவில் வெளியாக இருக்கும் நிலையில் அதற்கான பிரமோஷன் பணிகளும் தற்போது நடைபெற்று வருகிறது. அந்த வகையில் தற்போது விஜய் டிவியில் ஒளிபரப்பாகி வரும் கலக்கப்போவது யாரு சீசன் நான்காவது நிகழ்ச்சியில் சிறப்பு விருந்தினராக ராமராஜன் கலந்து கொண்டிருக்கிறார். அப்போது அவரைப் போலவே "மதுர மரிக்கொழுந்து" பாடலுக்கு அமுதவாணன் டான்ஸ் ஆடி காட்டுகிறார். மேலும் இந்த பாட்டுக்கு நீங்கள் எத்தனை முறை டான்ஸ் ஆடி இருப்பீர்கள் என்று ராமராஜனிடம் அமுதவணான் கேட்க அதற்கு அவர் ஒரே முறை தான் நடனமாடினேன் என்று பதில் சொல்ல, ஆனால் நான் பல இடங்களில் உங்களை போல் நடனமாடி பரிசுகளை பெற்று இருக்கிறேன். சொந்தமாக ஒரு வீட்டையே இந்த பாட்டால் கட்டி இருக்கேன் என்றால் பார்த்துக்கோங்க என்று சொல்ல, இதை பார்த்து மகிழ்ந்து போன ராமராஜன் தன் கையில் இருந்த மோதிரத்தை கழட்டி அமுதவனனுக்கு அணிவிக்கிறார். இந்த பிரமோ தற்போது வெளியாகி வைரலாகி பரவி வருகிறது.

English summary

Actor Ramarajan is debuting on the small screen for the first time.Actor Ramarajan is a special guest in Vijay TV's kalakka povathu yaaru season 4.Actor Ramarajan has given the ring on his hand as a gift to Amudavanan who performed like him.