விஜய் அரசியலுக்கு வந்த பிறகு மாணவர்களின் மனநிலை மாறி இருக்கிறது.. நடிகர் ஷாம் சொன்ன காரணம்

சென்னை: நடிகர் விஜய் அரசியல் கட்சி தொடங்கிய பிறகு விஜய் குறித்து அதிகமான விமர்சனங்கள் வருகிறது. அதே நேரத்தில் ஒரு சில சினிமா பிரபலங்களும் விஜய்க்கு சப்போர்ட் ஆகவும் பேசி வருகிறார்கள். சமீபத்தில் அரசியல் பிரபலங்கள் முதல் சினிமா பிரபலங்கள் வரை பலரும் விஜய் கட்சியில் இணைந்து கொண்டிருக்கின்றனர்ர. இந்த நிலையில் விஜயின் அரசியல் பயணம் குறித்து நடிகர் ஷாம் தன்னுடைய கருத்தை தெரிவித்து இருக்கிறார்.

நடிகர் ஷாம் 90s காலகட்டத்தில் சினிமாவில் அறிமுகமானாலும் இவருக்கு ஒரு சில திரைப்படங்கள் பெரிய வெற்றியை கொடுத்தது. ஆனால் சில வருடங்களாக சினிமாவை விட்டு காணாமல் போயிருந்தார். இப்போது மீண்டும் நடிக்க தொடங்கி இருக்கிறார். அதிலும் நடிகர் விஜய் நடித்த வாரிசு படத்தில் விஜய்க்கு அண்ணனாக நடித்திருந்தார். ஆரம்பத்தில் வில்லன் போல இருந்து பிறகு தன்னுடைய தம்பியை புரிந்துகொள்ளும் கேரக்டரில் நடித்திருந்தார்.

இந்த படத்திற்குப் பிறகு நடிகர் விஜய்யும் தமிழக வெற்றிக்கழகம் என்ற கட்சியை தொடங்கியிருக்கிறார். வரும் 2026ல் அரசியல் மாற்றத்தை ஏற்படுத்த போகிறோம் என்ற விஜய் தன்னுடைய அரசியல் பயணத்தை தொடங்கி இருக்கிறார். இதற்காக தொடர்ச்சியாக மாநாடுகளையும் நடத்திக் கொண்டிருக்கிறார். மக்களை சந்தித்து பேசி வரும் விஜய் குறித்து சில பிரபலங்களும் கருத்து தெரிவித்து வருகிறார்கள்.

அந்த வரிசையில் நடிகர் ஷாம் விஜய் பற்றி பேசும்போது, விஜய் அண்ணா அரசியலில் வந்ததற்கு பிறகுதான் மாணவர்கள் எல்லாம் அரசியல் பற்றி பேச ஆரம்பிச்சு இருக்காங்க. அதற்கு முன்னாடி வரைக்கும் மாணவர்கள் அரசியல் என்றால் அசிங்கம், கேவலம் அப்படின்னு தான் நினைச்சுட்டு இருந்தாங்க. அந்த ஒரு மனுஷன் எல்லா பிம்பத்தையும் மாத்திட்டாரு. விஜய் அண்ணா அரசியலுக்கு வந்ததற்கு பிறகுதான் நிலைமையே மாறி இருக்கு என்று விஜய் குறித்து பெருமையாக பேசி இருக்கிறார்.

விஜய் பற்றி ஷாம் பேசிய கருத்தை விஜயனின் ரசிகர்களும் ட்ரெண்ட் செய்து கொண்டிருக்கின்றனர். உண்மையில் விஜய் ரசிகர்கள் நாங்கள் தற்குறி இல்ல எங்களுக்கும் அரசியல் தெரியும் என்று கமெண்ட் கொடுத்திருக்கிறார்கள். இன்னும் ஒரு சிலர் விஜய் அரசியலுக்கு வந்திருக்கிறார் சரி அவரிடம் உங்களுடைய கொள்கை என்னவென்று கொஞ்சம் கேட்டு சொல்லுங்க ஷாம் என்றும் கமெண்ட் கொடுத்திருக்கின்றனர். அதற்கு விஜயின் ரசிகர்கள் பதிலடி கொடுத்து வருகிறார்கள்.

English summary

Actor Shaam: After actor Vijay launched his political party Tamilaga Vettri Kazhagam (TVK), discussions and criticisms around his political journey have increased significantly. Alongside political reactions, several cinema personalities have also voiced their support for Vijay. Recently, actor Shaam shared his thoughts on Vijay’s entry into politics, and his comments have gone viral among fans.Shaam, who made his film debut in the 1990s and later appeared as Vijay’s elder brother in the film Varisu, spoke positively about Vijay’s influence. According to Shaam, Vijay’s decision to enter politics has brought a noticeable change among students. He stated that earlier, many youngsters viewed politics as something negative or unworthy of discussion, but Vijay’s entry has altered that mindset.Shaam remarked that Vijay has transformed the public perception of politics, especially among the younger generation, encouraging them to talk openly about political issues and social change. He praised Vijay for breaking old stereotypes and inspiring awareness among students.Following Shaam’s remarks, Vijay’s fans began trending his comments on social media. Supporters claimed that Vijay’s political entry has empowered fans to confidently engage in political discussions. However, some critics questioned Vijay’s political ideology and asked Shaam to clarify Vijay’s core principles. This led to heated debates online, with Vijay’s fans strongly defending him and continuing to promote his political vision.