வெண்ணிற ஆடை மூர்த்தியின் பேரன் மனஸ் மானு சினிமாவில் அறிமுகம் – கீர்த்தி சுரேஷ், பி. சுசிலா பாராட்டு!

சென்னை: தமிழ் சினிமாவின் முன்னணி சீனியர் நடிகர்களில் ஒருவராக 60 ஆண்டுகளுக்கும் மேலாக கலைப்பயணத்தை தொடர்ந்த வெண்ணிற ஆடை மூர்த்தி, தற்போது சினிமாவிலிருந்து ஓய்வெடுத்து வருகிறார். 89 வயதான இவரின் குடும்பத்தில் இருந்து இப்போது புதிய தலைமுறை அறிமுகமாக இருக்கிறார். அவர் பேரன் மனஸ் மானு விரைவில் கலைத்துறையில் அறிமுகமாக உள்ளதாக தகவல்கள் வெளியாகியுள்ளன.

அமெரிக்காவில் கல்வி

நடிகர் வெண்ணிற ஆடை மூர்த்தி நடிகை மணிமாலாவை காதலித்த திருமணம் செய்து கொண்டார். இந்த தம்பதிகளின் ஒரே மகன் தற்போது அமெரிக்காவில் உயர்ந்த பதவியில் பணியாற்றி வருகிறார். அவரது மகன் மனஸ் மானு அமெரிக்காவில் கல்வி கற்றவராக இருந்தாலும், தமிழை அழகாகவும் தெளிவாகவும் பேசக்கூடியவர்.

பாடகராக அறிமுகம்

சினிமா பின்னணி கொண்ட இவருக்கு கலைத்துறையிலேயே முன்னேற வேண்டும் என்ற ஆர்வம் அதிகம். இதன் பகுதியாக, மனஸ் மானு தற்போது பாடகராக அறிமுகம் பெற முயற்சி செய்து வருகிறார். இதோடு, அவர் முறைப்படி கராத்தே பயிற்சியும் பெற்றிருப்பது குறிப்பிடத்தக்கது. சினிமாவுக்கான பயணத்தைத் தொடங்குவதற்கு முன்பே, மனஸ் சில ஆல்பம் பாடல்களையும் பாடி இருக்கிறார்.

பி. சுசிலா மற்றும் கீர்த்தி சுரேஷின் பாராட்டு

சமீபத்தில் மனஸ் மானு இரண்டு பிரபலங்களைச் சந்தித்து தன் குரல் திறமையை வெளிப்படுத்தியுள்ளார். பாடகி பி. சுசிலாவை நேரில் சந்தித்த மனஸ், அவர்முன் 'சின்னத்தாயவள்' பாடலைப் பாடி கேட்டிருந்தார். மனஸின் குரல் , சாயல் மாற்றங்களும் மிக அழகாக இருந்ததாக சுசிலா பாராட்டியுள்ளார். இந்த சந்திப்பு சம்பவத்தை மனஸ் தனது இன்ஸ்டாகிராம் பக்கத்தில் பகிர்ந்துள்ளார்.

நடிகை கீர்த்தி சுரேஷுடன் புகைப்படம்

அத்துடன், நடிகை கீர்த்தி சுரேஷையும் சந்தித்து தன் பாடலைப் பாடியிருந்தார். மனஸின் குரல் திறமையை கீர்த்தியும் பாராட்டியுள்ளார். இந்த சந்திப்பின் போது இருவரும் எடுத்துக் கொண்ட புகைப்படத்தை மனஸ் சமூக வலைதளங்களில் பகிர்ந்தவுடன், அது வைரலாகி வருகிறது.

ரசிகர்கள் மத்தியில் எதிர்பார்ப்பு

கீர்த்தி சுரேஷுடன் மனஸ் எடுத்துகொண்ட புகைப்படம் இணையத்தில் பரவியதால், அவர் வெறும் பாடகராக மட்டும் அல்லாது விரைவில் நடிகராகவும் அறிமுகமாகிறாரா? என்ற கேள்வி ரசிகர்கள் மத்தியில் எழுந்துள்ளது. இருவரும் இணைந்து ஒரு படத்தில் நடிக்க வாய்ப்புள்ளதா என்ற ஆவலும் அதிகரித்துள்ளது.

மொத்தத்தில், வெண்ணிற ஆடை மூர்த்தியின் பேரன் மனஸ் மானு, சினிமா பாரம்பரியத்தைத் தொடர்ந்து தமிழ் சினிமாவுக்குள் புதிய தலைமுறையின் கலைஞராக வருகிறார் என்ற எதிர்பார்ப்பு உருவாகியுள்ளது.

English summary

Actor Vennira Aadai Moorthy: Veteran Tamil actor Vennira Aadai Moorthy, who has contributed over 60 years to cinema, is now seeing the next generation of his family enter the industry. His grandson Manas Manu, raised and educated in the United States yet fluent in Tamil, is preparing for his debut as a singer. Passionate about the arts, Manas has already sung several independent album tracks and is also trained in karate. Recently, he met legendary singer P. Susheela and performed “Chinnathaayaval,” earning her appreciation. He also sang for actress Keerthy Suresh, who praised his voice, and their photo together went viral online. As the images circulate, fans are now curious whether Manas will also step into acting. With strong legacy roots through his grandfather, Manas Manu is widely expected to become a promising new face in Tamil cinema.