Actor Vishal: 18 வருட மேனேஜரை நீக்கிய விஷால்.. எங்கேஜ்மென்ட்க்கு பிறகு நடந்த அதிரடி சம்பவம்!

Updated: Wednesday, December 17, 2025, 13:03 [IST]

Subscribe to Oneindia Tamil

சென்னை: நடிகர் விஷால் தன்னிடம் 18 வருடங்களாக மேனேஜராக இருந்த ஹரி என்பவரை மேனேஜர் பொறுப்பிலிருந்து நீக்கியதாக தகவல் வெளியாகி இருக்கிறது. அது பற்றி விரிவாக பார்க்கலாம்.

விஷால் ஆரம்பத்தில் அர்ஜுனிடம் உதவி இயக்குனராக இருந்து தன்னுடைய சினிமா பயணத்தை தொடங்கி இருந்தார். ஆனால் யாரும் எதிர்பார்க்காத வகையில் செல்லமே படத்தில் ஹீரோவாக அறிமுகமானார். அந்த படம் அவருக்கு பெரிய அளவில் வரவேற்பு கொடுத்தது. முதல் படமே அவருக்கு வெற்றியும் கொடுத்தது. அதனால் அடுத்ததாக சண்டக்கோழி, தாமிரபரணி, திமிரு உள்ளிட்ட படங்களில் நடித்து அடுத்தடுத்து வெற்றிக்கனியை ருசித்துக் கொண்டிருந்தார். இதற்கிடையில் சில திரைப்படங்களில் சறுக்கலும் ஏற்பட்டது.

இந்த சூழலில் ஆதிக் ரவிச்சந்தர் இயக்கத்தில் வெளிவந்த மார்க் ஆண்டனி படம் அவருக்கு மீண்டும் ஒரு கம் பேக் கொடுத்தது. அடுத்ததாக ஹரி இயக்கத்தில் ரத்தினம் என்ற படத்தில் நடித்திருந்தார். ஏற்கனவே ஹரி இயக்கத்தில் விஷால் நடித்த தாமிரபரணி, பூஜை படங்கள் அவருக்கு பெயர் வாங்கி கொடுத்தது. இதனால் மூன்றாவது முறையாக இவர்கள் இருவரும் இணைந்ததும் பெரிய அளவில் பேசப்பட்டது. ஆனால் அந்த படம் விஷாலுக்கு பெரிய வெற்றியை கொடுக்கவில்லை.

அதுபோல கடந்த சில மாதங்களுக்கு முன்பு பன்னிரண்டு வருடங்களுக்கு முன்பு உருவாக்கப்பட்ட மத கஜ ராஜா படமும் ரிலீஸ் ஆனது. இந்த படத்தின் ஃப்ரீ ரிலீஸ் நிகழ்ச்சி ஒன்று நடந்தது. அதில் விஷால் கைகள் நடுங்கியபடி கண்களில் இருந்து கண்ணீர் வந்தபடி பேசி இருந்தார். இதனால் விஷாலுக்கு என்ன ஆச்சு என்று பலரும் பதறிப் போய் இருந்தனர்.

அப்போது ரசிகர்களின் அன்பை பார்த்து சந்தோஷத்தில் சில நாட்களிலேயே பழைய நிலைக்கு வந்திருந்தார். அதுபோல விஷாலுக்கு நடிகை தன்ஷிகாவுடன் சமீபத்தில் தான் எங்கேஜ்மெண்டும் முடிவடைந்தது. பல வருடங்களாக இவர்கள் இருவரும் காதலித்து வந்தாலும் இந்த விஷயத்தை ரகசியமாக வைத்து ரசிகர்களுக்கு இன்ப அதிர்ச்சி கொடுத்திருந்தனர்.

இந்தநிலையில்தான், இப்போது யாரும் எதிர்பார்க்காத வகையில் விஷாலிடம் 18 வருடங்களாக மேனேஜராக இருந்த ஹரி என்பவரை, அந்த பொறுப்பில் இருந்து அதிரடியாக நீக்கி இருக்கிறார் விஷால்.

அது குறித்து செய்தியாளர்களுக்கு அனுப்பிய தகவலில், விஷால் பிலிம் ஃபேக்டர் (VFF), தேவி டிரஸ்ட் மற்றும் விஷால் ரசிகர் மன்றத்தின் அனைத்து பொறுப்புகளில் இருந்தும் ஹரி நீக்கப்படுகிறார். அதிகாரப்பூர்வ அறிவிப்பை விரைவில் வெளியிடுவோம் என்று தெரிவிக்கப்பட்டு உள்ளது. ஆனால் என்ன காரணத்திற்காக விஷால் இந்த முடிவு எடுத்தார் என்பது பற்றி இன்னும் வெளிப்படையாக அவர் தெரிவிக்கவில்லை.