சாந்தனுவோடு ஏற்காட்டில் ஹாலிவுட்டின் “மஞ்சும்மல் பாய்ஸ்”.. யாரெல்லாம் இருக்காங்கன்னு பாருங்க

Updated: Tuesday, May 7, 2024, 17:44 [IST]

Subscribe to Oneindia Tamil

சென்னை: நடிகர்களான சாந்தனு, விக்ராந்த், பரத், கலையரசன், ஆகியோர் தங்கள் குடும்பத்தினரோடு ஏற்காட்டில் ட்ரெக்கிங் போன புகைப்படங்கள் அதிகமாக பகிரப்பட்டு வருகிறது. அந்த புகைப்படத்தில் தொகுப்பாளர் டிடியில் முன்னாள் கணவர் ஸ்ரீகாந்த்தும் இருக்கிறார்.

நடிகராகவும் இயக்குனராகவும் இருக்கும் பாக்யராஜின் மகனான சாந்தனு தமிழ் சினிமாவில் இளம் நடிகராக வலம் வருகிறார். 15 ஆண்டுகளுக்கு மேலாக சினிமாவில் நடித்து வந்தாலும் அவருடைய திறமைக்கும் நடிப்புக்கும் தகுந்த அங்கீகாரம் கிடைக்காமல் தான் இருந்து வருகிறார். ஆரம்பத்தில் இவர் நடித்த சக்கரகட்டி திரைப்படம் பெரிய அளவில் வெற்றி பெற்றது.

actors Shanthanu Vikranth Bharath and Kalaiyarasan trekking in Yercaud

அதற்கு பிறகு பல திரைப்படங்களில் சாந்தனு நடித்திருந்தாலும் பெரிய அளவில் அது வெற்றி அடையவில்லை. இது சாந்தனுவுக்கு மட்டுமல்லாமல் பல வாரிசு நடிகர்களின் நிலைமை இப்படித்தான் இருக்கிறது. நடிகர்களின் குழந்தைகள் என்று வரும்போது மக்கள் மத்தியில் அவர்கள் குறித்த எதிர்பார்ப்பு வேறு விதமாக இருப்பதாலேயே இவர்களின் தனித்திறமைக்கு அங்கீகாரம் கிடைக்காமல் போய்விடுகிறதோ என்பதும் பலருடைய கேள்வியாக இருக்கிறது.

இப்படியான நிலையில் சாந்தனுக்கு பல வருடங்கள் கழித்து அண்மையில் வெளிவந்த ப்ளூ ஸ்டார் திரைப்படம் மிகப்பெரிய திருப்புமுனையாக அமைந்தது. ப்ளூ ஸ்டார் திரைப்படத்தில் சாந்தனுவுடன் அசோக் செல்வன், கலையரசன், நடிகர் பாண்டியராஜனின் மகனான ப்ரித்வி ஆகியோரும் நடித்திருந்தனர். இதில் பாண்டியராஜனின் மகன் பிரித்வியும் ஏற்கனவே ஒரு சில திரைப்படங்களில் நடித்தாலும் அதில் அவருக்கு கிடைக்காத அங்கீகாரம் ப்ளூ ஸ்டார் திரைப்படத்தில் கிடைத்திருந்தது.

இந்த நிலையில் இந்த வெற்றியை கொண்டாடும் வகையில் நண்பர்கள் எல்லோரும் இணைந்து ஏற்காடுக்கு குடும்பத்தோடு சுற்றுலா சென்று இருக்கின்றனர். அதில் நடிகர்களான பரத், கலையரசன், விக்ரம், ஆதவ் கண்ணதாசன் ஆகியோரும் சுற்றுலாவுக்கு ஃபேமிலியோடு சென்று இருக்கின்றனர். அப்போது ஏற்காட்டில் நண்பர்களோடு சென்ற போது எடுத்த புகைப்படங்களை தன்னுடைய இன்ஸ்டாகிராம் பக்கத்தில் சாந்தனு பகிர்ந்திருந்த நிலையில் அது பெரிய அளவில் வைரல் ஆகி வருகிறது.

அந்த பதிவில், "நண்பர்களுடன் இயற்கையில் தொலைந்து விட்டோம். கண்ணுக்கு எட்டிய தூரம் வரை சென்று வந்தோம்" என்று குறிப்பிட்டிருக்கிறார். நீங்கள் தான் கோலிவுட் மஞ்சும்மல் பாய்ஸா என்று கமெண்ட் கொடுத்து வருகிறார்கள். இந்த புகைப்படங்கள் இணையத்தில் அதிகமான லைக்களை குவித்து வருகிறது. அதே நேரத்தில் இந்த புகைப்படத்தில் தொகுப்பாளினி டிடியின் முன்னாள் கணவர் ஸ்ரீகாந்தம் இருக்கிறார். அது குறித்தும் பல ரசிகர்கள் கமெண்ட்களில் கருத்து வெளியிட்டு வருகின்றனர்.