Hema committee: பேச வேண்டியவங்க பேசணும்.. அபிராமி சொன்ன பாயிண்ட்.. டக்குனு கோபப்பட்ட பரத்

சென்னை: நடிகை அபிராமி, பரத் உட்பட பலர் நடித்த "ஒன்ஸ் அப் ஆன் ய டைம் இன் மெட்ராஸ் (Once Upon A Time In Madras)" என்ற படத்தின் ஃபர்ஸ்ட் லுக் போஸ்டர் வெளியானதை தொடர்ந்து நேற்று இந்த படத்திற்கான பிரஸ் மீட் நடைபெற்றது. அப்போது செய்தியாளர்கள் அபிராமியிடம் கேட்ட கேள்வியை கேட்டு பரத் கோபப்பட்டு இருக்கிறார். அது இணையத்தில் அதிகமாக பேசப்பட்டு வருகிறது.

மலையாள சினிமா உலகில் நடிகைகளுக்கு நடக்கும் பாலியல் தொந்தரவுகள் மற்றும் அட்ஜஸ்ட்மென்ட் பிரச்சனை, அடிப்படை தேவைகள் போன்ற பல விஷயங்களை கடந்த வாரத்தில் ஹேமா கமிட்டி அறிக்கை வெளியிட்டது. அதைத் தொடர்ந்து பல நடிகைகள் தங்களுக்கு நடந்த பாலியல் தொந்தரவுகள் மற்றும் அட்ஜஸ்ட்மென்ட் பிரச்சனைகள் குறித்து வெளிப்படையாக பேச தொடங்கி இருக்கிறார்கள்.

பல முன்னணி நடிகர்கள், இயக்குனர்கள் மீது பாலியல் புகார்கள் குவிந்து வருகிறது. இந்த நிலையில் மலையாள சினிமா சங்கம் (அம்மா சங்கம்) அதிரடியாக கலைக்கப்பட்டிருக்கிறது. அந்த சங்கத்தின் தலைவராக இருந்த மோகன்லால் உட்பட 17 உறுப்பினர்கள் ராஜினாமா செய்தது பெரிய அளவில் பேசப்பட்டு வருகிறது. இந்த நிலையில் நேற்று நடந்த ஒன்ஸ் அப் ஆன் ய டைம் இன் மெட்ராஸ் திரைப்படத்தின் பிரஸ் மீட்டிங்கில் இது பற்றி நடிகை அபிராமி இடம் கேள்வி எழுப்பப்பட்டது.

அதற்கு அபிராமி இது இந்த இடத்தில் கேட்க வேண்டிய கேள்வியா? இது திரைப்படத்திற்கான பிரஸ் மீட்டிங். இங்கே இந்த திரைப்படத்தை பற்றி மட்டும் கேள்வி கேளுங்கள். அதைப்பற்றி சம்பந்தப்பட்டவர்கள் பேசுவார்கள். நிறைய நடிகைகள் ஹேமா கமிட்டி குறித்து பேசி வருகிறார்கள். அதை பேசுவதற்கு வேற மேடை இருக்கிறது. அங்கே இதைப் பேசிக் கொள்ளலாம் என்று சொல்ல, செய்தியாளர்களின் இந்த கேள்வியை சற்றும் எதிர்பார்க்காத பரத் என்ன இப்படி எல்லாம் இந்த இடத்தில் வந்து கேட்டுட்டு இருக்கீங்க என்று கோபப்பட்டு இருக்கிறார்.

மேடையில் பரத் கோவப்பட்டது அதிகமாக பேசப்படுகிறது. அதற்கு முன்பு பரத்திடம் செய்தியாளர்கள் பல்வேறு கேள்விகள் கேட்டிருந்தனர். அதற்கு சிரித்த முகமாக பரத் பதில் சொல்லி இருந்தார். அதிலும் சினிமா உலகத்திற்கு நீங்க வந்து பல வருடங்கள் ஆகிவிட்டது ஆனாலும் நீங்கள் இன்னும் இளமை குறையாமல் அப்படியே இருக்கிறீர்களே அதற்கு ரகசியம் என்ன என்று கேட்கப்பட்டது.

அதற்கு பரத் ஒரு பெரிய ரகசியம் ஒன்றும் இல்லை. டென்ஷன் இல்லாத வாழ்க்கை தான். நான் அதிகமாக எதையும் மண்டையில் ஏற்றிக்கொள்ள மாட்டேன். இருக்கிறதை வைத்து அப்படியே வாழ்ந்து விட்டு போய்விட வேண்டும். ஆரோக்கியமான சாப்பாடு மற்றும் உடற்பயிற்சியை முறையாக செய்ய வேண்டும் அவ்வளவுதான் என்று சொல்லி இருந்தார்.

அதுபோல பல திரைப்பட பிரஸ் மீட்டிங்கில் நடிகர்கள்தான் அதிகமாக இருப்பார்கள். ஒரு சில நடிகைகள் இருப்பார்கள். ஆனால் இந்த திரைப்படத்தில் அதிக நடிகைகள் இருக்கிறார்கள். அவர்களோடு நீங்கள் உட்கார்ந்திருப்பது பற்றி சொல்லுங்க என்று கேட்ட கேள்விக்கு அதற்கும் சிரித்த முகமாக எத்தனை நடிகைகள் உடன் நடித்தாலும் வீட்டில் ஒரு மனைவி தான் இருக்க முடியும். எல்லோரையும் பார்க்க மட்டும் தான் முடியும் நான் இவர்கள் எல்லோரோடும் நடிக்கவில்லை, ஒரே ஒரு நடிகையோடு தான் இந்த படத்தில் நடித்திருக்கிறேன். இது நான்கு விதமான காதல் கதை உள்ள படம் என்று விளக்கம் கொடுத்திருந்தார்.

English summary

Hema committee report: After the release of the first look poster of the film "Once Upon A Time In Madras" starring Abhirami, Bharat and many others, the press meet for this film was held yesterday. Bharath is angry after hearing the question asked by the reporters to Abhirami. It is being talked about a lot on the internet.