தேவயானியின் மகள் இந்த டாப் நடிகரோடு நடிக்க போகிறாரா? அதற்காக இவ்வளவு ரிஸ்க்கா? ராஜகுமாரன் பளிச்

சென்னை: நடிகை தேவயானியின் இரண்டாவது மகள் பிரியங்கா நடிகர் ஷாருக்கானுடன் நடிக்க வேண்டும் என்று எட்டு கிலோ உடல் எடை குறைத்து இருப்பதாக தேவயானியின் கணவர் இயக்குனர் ராஜகுமாரன் பேட்டி ஒன்றில் பேசியிருக்கிறார். இந்த வீடியோ இணையத்தில் அதிகமாக பகிரப்பட்டு வருகிறது.

காதல் திருமணம்: சினிமா மற்றும் சீரியலில் ஒன்றாக நடிப்பவர்கள் காதலித்து திருமணம் செய்து கொள்வது ஒன்றும் புதியதல்ல. பலர் திருமணம் செய்திருந்தாலும் ஒரு சிலர் மட்டும்தான் தொடர்ச்சியாக திருமண வாழ்க்கையில் அதே காதலோடு பயணித்துக் கொண்டிருக்கின்றனர். அதில் ஒருவர் தான் நடிகை தேவயானி மற்றும் இயக்குனர் ராஜகுமாரன் தேவயானி முன்னணி நடிகையாக இருக்கும் போது இயக்குனர் ராஜகுமாரனை காதலித்து திருமணம் செய்திருந்தார்.

தமிழக அரசு விருது: இயக்குனர் ராஜகுமாரன் ஆரம்பத்தில் இயக்குனர் விக்ரமனிடம் உதவி இயக்குனராக பணியாற்றி இருக்கிறார். அதிலும் நடிகை தேவயானி நடித்த நீ வருவாய் என திரைப்படத்திலும் இயக்குனராக ராஜகுமாரன் பணியாற்றி இருக்கிறார். அந்த திரைப்படத்திற்காக ராஜகுமாரனுக்கு சிறந்த கதை ஆசிரியருக்கான தமிழக அரசு திரைப்பட விருது கிடைத்திருக்கிறது.

முதல் படத்தில் காதல்: அதுபோல அந்த திரைப்படத்திலேயே ராஜகுமாரனுக்கும் தேவயானிக்கும் காதல் ஏற்பட்டதாக கூறப்படுகிறது. அதை தொடர்ந்து ராஜகுமாரன் விண்ணுக்கும் மண்ணுக்கும் என்ற திரைப்படத்தை இயக்கி இருந்தார். அந்த திரைப்படத்திலும் நடிகை தேவயானி தான் கதாநாயகியாக நடித்திருந்தார். பிறகு 2001 ஆம் ஆண்டு திருத்தணி முருகன் கோவிலில் வைத்து இரண்டு வீட்டின் எதிர்ப்பையும் மீறி தேவயானி மற்றும் ராஜகுமாரன் காதல் திருமணம் செய்து கொண்டனர்.

தேவயானியின் மூத்த மகள்: இந்த தம்பதிக்கு இனியா மற்றும் பிரியங்கா என்ற இரண்டு மகள்கள் இருக்கின்றனர். அதில் மூத்த மகள் தேவயானியை போலவே நடிகையாக வேண்டும் என்று நடிப்பு பயிற்சிகளை முடித்து இருக்கிறாராம். அதுபோல அவருடைய குரல் வளமும் இனிமையாக இருப்பதால் முறைப்படி பாடலையும் கற்று இருக்கிறார். அது மட்டும் இல்லாமல் தன்னுடைய தந்தையை போலவே திரைப்படத்தை இயக்க வேண்டும் என்பதும் எனக்கு ஆசை என்று தெரிவித்திருக்கிறார்.

உடல் எடை குறைப்பு: அதுபோல தேவயானியின் இரண்டாவது மகள் பிரியங்கா தீவிரமான ஷாருக்கானின் ரசிகையாம் அவர் ஷாருக்கானுக்கு ஜோடியாக நடிக்க வேண்டும் என்று தீவிரமான உடற்பயிற்சி செய்து 8 கிலோ உடல் எடை குறைத்து இருக்கிறார் என்று பேட்டி ஒன்றில் இயக்குனர் ராஜகுமாரன் பேசி இருக்கிறார்.

ஷாருக்கானின் ரசிகை: ஷாருக்கான் 80ஸ் காலத்தில் இருந்து இப்ப வரைக்கும் முன்னணி நடிகராக இருந்து வருகிறார். சினிமா மட்டுமல்லாமல் சின்னதிரையையும் விட்டு வைக்காமல் தொகுப்பாளராகவும் இருந்து வரும் நிலையில் அவரின் தீவிர ரசிகையாக தேவயானியின் இரண்டாவது மகள் பிரியங்கா இருக்கும் நிலையில் தேவயானி அது குறித்து பேசுகையில், என்னுடைய மகள் சின்ன வயதிலிருந்து ஷாருக்கான் படம் தான் ரொம்ப விரும்பி பார்ப்பாங்க. அவங்க சாப்பாடு ஊட்டும் போது கூட ஷாருக்கான் படத்தை போட்டுத்தான் ஊட்டி இருக்கிறேன்.

தீவிர ரசிகை: இப்போதும் ஷாருக்கான் படம் வெளியானதுமே அவருடைய தோழிகளோடு படம் பார்க்க கிளம்பி விடுகிறார். ஷாருக்கான் தான் அவளுக்கு ரொம்பவே பிடிக்கும். எப்படியாவது ஒரு படத்தில் ஷாருக்கான் ஒரு நடித்து விடவேண்டும் என்று ஆசைப்படுறாங்க, அந்த பேட்டியில் தேவயானி தன்னுடைய மகள் குறித்து பேசி இருக்கிறார். 58 வயதான ஷாருக்கான் உடன் ஜோடியாக தேவயானி மகள் நடிக்க போகிறாரா? இல்லையா? என்று பொறுத்து இருந்து பார்க்கலாம்.

English summary

Actress Devyani's second daughter Priyanka has said in an interview that she has lost eight kilos to star with actor Shahrukh Khan. This video is being shared a lot on the internet.