டாப் சீரியலில் என்ட்ரியாகும் பாக்கியலட்சுமி பழைய “ராதிகா”.. என்ன கேரக்டர் தெரியுமா? மிரட்டலா இருக்கே

சென்னை: விஜய் டிவியில் ஒளிபரப்பாகும் பாக்கியலட்சுமி சீரியலில் ராதிகாவாக நடித்து பிரபலம் அடைந்த ஜெனிஃபர் பல வருடங்கள் கழித்து இப்போது மீண்டும் சீரியலில் என்ட்ரி கொடுத்திருக்கிறார். அவர் நடிக்கும் புது சீரியலில் அப்டேட் இப்போது இணையத்தில் வெளியாகியிருக்கிறது. அது பற்றி விரிவாக பார்க்கலாம்.

அந்த வகையில் சீரியல் நடிகை ஜெனிஃபர் ஒரு டஜனுக்கு மேற்பட்ட தமிழ், தெலுங்கு மற்றும் கன்னட மொழி படங்களில் குணசத்திர வேடங்கள் மற்றும் நடன மாஸ்டர் ஆகவும் நடித்திருக்கிறார். இவர் மட்டுமல்லாமல் இவருடைய தந்தை சின்னா ஒரு பிரபல நடன இயக்குனர். அதனாலேயே இவருக்கு டான்ஸ் என்பது ரத்தத்திலே ஊறிப்போன ஒன்றாக இருக்கிறது.

ஸ்ரீகாந்த், சினேகா நடிப்பில் வெளிவந்த பார்த்திபன் கனவு என்ற திரைப்படத்தில் வாடி மச்சினியே என்ற பாடலுக்கு இவர் ஆடிய குத்தாட்டத்தை அவ்வளவு எளிதாக யாரும் மறந்திருக்க மாட்டார்கள். அந்த அளவிற்கு டான்ஸ் என்றால் ஒரு கை பார்த்து விடும் ஜெனிஃபர் சின்னத்திரையில் சன் டிவி, ஜீ தமிழ், கலர்ஸ் தமிழ் மற்றும் விஜய் டிவி என அனைத்து சேனல்களில் வெளிவரும் ரியாலிட்டி நிகழ்ச்சிகள் மற்றும் சீரியல்களில் நடித்து இருக்கிறார்.

கலர்ஸ் தமிழில் இவர் நடிப்பில் வெளியான "அம்மன் சீரியல்" பெரிய அளவில் பேசப்பட்டது. அது போல விஜய் டிவியில் பாக்கியலட்சுமி சீரியலில் "ராதிகா" கேரக்டரில் இவர் ஆரம்பத்தில் அதிகமான ரசிகர்களை கவர்ந்திருந்தார். ஆனால் சீரியலில் ராதிகா கேரக்டர் நெகட்டிவாக போகும் என்று தெரிந்து கொண்ட ஜெனிஃபர் தான் அந்த சீரியலில் இருந்து வெளியேற போவதாக அறிவித்திருந்தார்.

அதே போல அந்த நேரத்தில் அவர் கர்ப்பமாகவும் இருந்தார். இந்த நிலையில் அவருக்கு இரண்டாவது குழந்தை பிறந்த பிறகு சில வருடங்கள் கழித்து இப்போது மீண்டும் சீரியலில் என்ட்ரி கொடுத்திருக்கிறார். அதுவும் ஜீ தமிழில் டாப் சீரியலாக இருக்கும் "கார்த்திகை தீபம்" சீரியலில் ரம்யா என்ற கேரக்டரில் என்ட்ரி கொடுத்திருக்கிறார். ஆரம்பமே அசத்தலாக இவருக்கு காட்சிகள் இருக்கிறது.

தைரியமான கேரக்டரில் இவர் நடித்திருக்கும் நிலையில் இவருடைய காட்சிகள் இருக்கும் ப்ரோமோ இப்போது வெளியாகி இருக்கிறது. இனி கார்த்திகை தீபம் சீரியலில் இவருடைய ஆபீசில் தான் கார்த்தி வேலை செய்வார் என்று எதிர்பார்க்கப்படுகிறது. லேடிஸ் ஹிட்லர் போன்ற கதாபாத்திரத்தில் இவர் நடிக்க இருப்பதாகவும் தெரிய வருகிறது.

English summary

Jennifer, who rose to fame by playing the role of Radhika in Vijay TV's Baakiyalakshmi serial, has now made an entry in the serial after many years. An update on his new serial is now out on the internet. Let's see about it in detail.