நெப்போலியன் மகன் திருமணத்திற்கு பிறகு குஷ்பூ போட்ட போஸ்ட்.. இதெல்லாம் வெளியே தெரியாது என நெகிழ்ச்சி
சென்னை: நடிகர் நெப்போலியன் மகன் திருமணம் நேற்று நடைபெற்றது. இதில் கலந்துகொண்ட நடிகை குஷ்பூ நெப்போலியன் மகன் மற்றும் மருமகள் குடும்பத்தை பற்றி நெகிழ்ந்து ஒரு போஸ்ட் போட்டிருக்கிறார். இதற்கு இணையத்தில் அதிகமானோர் கமெண்ட் கொடுத்து இருக்கிறார்கள்.
சிலரை பார்க்கும்போது இவர்கள் இப்படித்தான் என்று ஒரு பின்பம் மனதிற்குள் பதிந்துவிடும். ஆனால் அவர்கள் அப்படியெல்லாம் கிடையாது என்று இன்னொருவர் சொல்லும் போதோ அல்லது அவர்களைப் பற்றிய உண்மைகள் வெளியே தெரியும் போது தான் இவரா இப்படி என்று எல்லோரையும் சொல்ல வைக்கும்.
அதுபோல்தான் வில்லனாகவும், கதாநாயகனாகவும் பல படங்களில் நடித்த நெப்போலியன் பார்ப்பதற்கு கம்பீரமாக இருப்பார். ஆனால் நேற்று அவருடைய மகன் கல்யாணத்தில் அவரையும் மீறி கண்கலங்கி அழுத வீடியோ நேற்றிலிருந்து இணையத்தில் பலருடைய மனதையும் கவர்ந்து வருகிறது. நெப்போலியன் மீசையை முறுக்கிக் கொண்டு எந்த இடத்திலும் கணீர் என்ற குரலோடு பேசுபவர் தான். ஆனால் தன்னுடைய குடும்ப விஷயத்தில் அவர் ரொம்பவும் சென்டிமென்டான ஆளு என்று பல பேட்டிகளில் சொல்லி இருக்கிறார்.
நெப்போலியன் மூத்த மகன் தனுஷுக்கு நான்கு வயதில் இருந்தே தசை சிதைவு நோய் பாதிக்கப்பட்டு இருந்த நிலையில் 10 வயதிற்கு மேலே அவரால் நடக்க முடியாத சூழ்நிலை வந்தது. ஆனாலும் தன்னுடைய மகன் எப்போதும் சந்தோஷமாக இருக்க வேண்டும் என்று தன்னுடைய மகனின் வாழ்க்கையை அடிக்கடி பேட்டிகளில் பகிர்ந்து கொண்டிருந்தார்.
அதுபோல தசை சிதைவு நோயால் பாதிக்கப்பட்ட மற்றவர்களுக்கும் ஒரு வாழ்க்கை இருக்கிறது, இது ஒரு நோய் மட்டும்தான் என்று விழிப்புணர்வு ஏற்படுத்தும் வகையில் கூட நெப்போலியன் பேசியிருக்கிறார். தன்னுடைய மகனைப் போல தசை சிதைவால் பாதிக்கப்பட்டவர்களுக்கு திருநெல்வேலியில் மயோபதி மருத்துவமனையையும் கட்டியிருக்கிறார்.
இந்த நிலையில் தன்னுடைய மகனுக்கு வாழ்க்கைத் துணை தேவை என்று அவர் நேற்று திருநெல்வேலியை சார்ந்த அக்ஷயா என்ற பெண்ணோடு தன்னுடைய மகனுக்கு ஜப்பானில் திருமணம் செய்து வைத்தார். இது இணையத்தில் பலருடைய பாராட்டுகளை பெற்று வருகிறது. ஆனால் சிலர் இந்த திருமணத்தை விமர்சித்து வருகிறார்கள்.
இந்த நிலையில் நெப்போலியன் உடன் பல படங்களில் நடித்த அவருடைய தோழியான குஷ்பூ இந்த திருமண பங்க்ஷனில் கலந்து கொண்டார். அதற்கு பிறகு தன்னுடைய இன்ஸ்டாகிராம் பக்கத்தில் திருமண வீடியோவை பகிர்ந்து ஒரு போஸ்ட் போட்டு இருக்கிறார்.
அதில், நல்லவர்களுக்கு நல்லது நடக்கும் போது குடும்பத்தில் ஒரு பகுதியாக இருப்பதில் மிகவும் மகிழ்ச்சியாக இருந்தது மற்றும் அழகான ஆத்மாக்களின் அழகான சங்கமத்திற்கு சாட்சியாக இருந்தது. தனுஷ் மற்றும் அக்ஷயாவிற்கு மகிழ்ச்சியான திருமண வாழ்த்து. அவர்களுக்கு எல்லா மகிழ்ச்சியையும் இறைவன் அருளட்டும்.
நெப்போலியனும் அவரது மனைவி சுதாவும் இது போன்ற மகிழ்ச்சியான நேரங்களுக்கு தகுதியானவர்கள். இன்னும் சுயநலமற்றவர்களாகவும், பலருக்கு கொடுப்பவர்களாகவும் எப்போதும் அவர்களைப் போல உதவி செய்யும் தம்பதிகளாகவும் பார்க்க வேண்டும் என்று பெற்றோர் என்ற முறையில் நான் உறுதி அளிக்கிறேன்.
நெப்போலியனும் அவருடைய மனைவியும் மற்றவர்களைப் போல அல்ல. பலருக்கு உதவி செய்து கொண்டிருக்கிறார்கள். என் வாழ்க்கையில் நீங்கள் என் சிறந்த நண்பர்களாக இருப்பது மிகவும் மகிழ்ச்சி. உங்கள் இருவரையும் நான் நேசிக்கிறேன். மேலும் நீங்கள் ஒரு அற்புதமான சகோதரராக இருந்தீர்கள் என்று நெப்போலியனின் இரண்டு மகன்கள் மற்றும் மனைவி குறித்து பெருமையாக குஷ்பூ போஸ்ட் போட்டு இருக்கிறார். இதற்கு அதிகமான கமெண்டுகள் குவிந்து வருகிறது.
Click it and Unblock the Notifications
Sign in with Google