தில்லு முல்லு "மாதவி” ஞாபகம் இருக்கா? மகளுக்கு உலகின் மிகப்பெரிய 2 பல்கலைக்கழகங்களிலிருந்து அழைப்பு
சென்னை: ரஜினி கமல் திரைப்படங்களில் நடித்து பிரபலமடைந்த நடிகை மாதவி தன்னுடைய மகள் செய்த சாதனை குறித்து மகிழ்ச்சியாக ரசிகர்களிடம் பகிர்ந்து இருக்கிறார்
நடிகை மாதவியின் மகள் வெளிநாட்டில் அதிகமான மதிப்பெண்கள் பெற்று பட்டப்படிப்பில் தேர்ச்சி அடைந்ததால் அவருக்கு உலகின் மிகப்பெரிய இரண்டு பல்கலைக்கழகங்களில் இருந்து அழைப்பு வந்திருக்கிறது.
தமிழ் சினிமாவில் பல வருடங்களாக காணாமல் இருந்த மாதவி தன்னுடைய மகளைப் பற்றி பெருமையாக பேசி இருக்கும் நிலையில் அவருக்கு வாழ்த்துக்கள் குதிந்து வருகிறது.
ஒரு காலகட்டத்தில் முன்னணி கதாநாயகியாக நடித்த பல நடிகைகள் ஒரு சில திரைப்படங்களில் காணாமல் போயிருக்கின்றனர். பலர் தொடர்ந்து நடித்துக் கொண்டிருந்தாலும் சில வருடங்களுக்குப் பிறகு அம்மா அக்கா கேரக்டர்களில் நடித்து இருக்கின்றனர் அந்த வகையில் நடிகர் ரஜினி, கமல் திரைப்படங்களில் அதிகமாக நடித்து பிரபலம் அடைந்தவர் தான் மாதவி.
இவருடைய கெத்தான நடிப்பு இவருக்கு பல திரைப்படங்களில் கம்பீரமான கேரக்டரை பெற்றுக் கொடுத்தது. அதுவும் 70ஸ் காலகட்டத்தில் தெலுங்கு திரை உலகில் அறிமுகமாகி அதற்குப் பிறகு ஹிந்தி, மலையாளம், தமிழ் என பழமொழிகளிலும் முன்னணி நடிகையாக மாதவி வலம் வந்திருந்தார்.
குறிப்பாக இவர் நடித்து பிரபலம் அடைந்த தில்லு முல்லு, தம்பிக்கு எந்த ஊரு, விடுதலை மற்றும் எல்லாம் இன்பமயம், காக்கி சட்டை, மங்கம்மா சபதம் உள்ளிட்ட பல படங்கள் இவருக்கே பொருத்தமான கேரக்டராக அமைந்திருந்தது என்று சொல்லும் வகையில் பாராட்டுகளை பெற்று பிரபலம் அடைந்தார். அதற்குப் பிறகு 1996 இல் ரால்ப் சர்மா என்கிற தொழிலதிபரை திருமணம் செய்து திரை உலகில் இருந்து விலகி நியூ ஜெர்சியில் குடும்பத்தோடு செட்டில் ஆகிவிட்டார்.
மாதவிக்கு மூன்று மகள்கள் இருக்கின்றனர். இந்த நிலையில் அவர் தனது மகள் பிரிசில்லா என்பவர் அதிக மதிப்பெண்கள் பெற்று தனது இளங்கலை கல்லூரி படிப்பை முடித்துள்ளார் என்றும் அதுமட்டுமல்லாமல் அவரது மதிப்பெண்களை பார்த்து இவருக்கு உலகின் மிகப்பெரிய பல்கலைக்கழகங்களான ஹார்வர்டு பல்கலைக்கழகம் மற்றும் ஆக்ஸ்ஃபோர்ட் பல்கலைக்கழகம் ஆகியவற்றில் இருந்து மேல்படிப்பில் சேர்வதற்காக அழைப்பு வந்திருக்கிறது.
இது குறித்து இந்த மகிழ்ச்சியான செய்தியையும் தனது மகளின் படிப்பு குறித்தும் அவரது மதிப்பெண்கள் குறித்தும் ஒரு அம்மாவாக தான் பெருமைப்படுவதாக கூறி மாதவி சோசியல் மீடியா பக்கத்தில் பகிர்ந்து இருக்கிறார். இதற்கு அதிகமான ரசிகர்கள் வாழ்த்துக்கள் கூறி வருகின்றனர். நடிகைகள் என்றால் தங்களுடைய குழந்தைகளை அந்த பாதையிலேயே வளர்த்து விடாமல் அவர்களுக்கு திறமையை இப்படித்தான் வளர்க்க வேண்டும் என்று பலர் கூறி வருகிறார்கள்
Click it and Unblock the Notifications
Sign in with Google