7 வருடத்திற்கு பிறகு அதே விஷயம் நடந்திருக்கு.. என்னால மறக்க முடியல! எமோஷனலாக பேசிய நடிகை நீலிமா

Updated: Monday, July 1, 2024, 18:59 [IST]

Subscribe to Oneindia Tamil

சென்னை: நடிகை நீலிமா ராணி தான் வாணி ராணி சீரியல் நடித்த போது இருந்த சூட்டிங் வீட்டிற்கு ஏழு வருடம் கழித்து மீண்டும் வந்திருந்த நிலையில் அந்த வீடு பற்றிய நினைவுகளை தன்னுடைய instagram பக்கத்தில் பகிர்ந்து இருக்கிறார். இந்த வீடியோவிற்கு ரசிகர்கள் பலர் தங்களுடைய நினைவுகளை பகிர்ந்து வருகிறார்கள்.

அந்த வகையில் நடிகை நீலிமா ராணி கமல்ஹாசன் நடித்து பெரிய அளவில் ஹிட் அடித்த தேவர் மகன் படத்தில் குழந்தை நட்சத்திரமாக தமிழ் சினிமாவில் அறிமுகமாகி இருக்கிறார். அதற்கு பிறகு பல படங்களில் குழந்தை நட்சத்திரமாக நடித்து வந்த இவர் டும் டும் டும் என்ற படத்தில் துணை கதாபாத்திரத்தில் நடித்திருந்தார். அதற்கு பிறகு துணை கதாநாயகியாக பல படங்களில் நடித்திருந்தார்.

Television Entertainment Sun TV Neelima Rani

அது மட்டும் அல்லாமல் தமிழ், தெலுங்கு, மலையாளம் என பல மொழி சீரியல்களிலும் நடித்திருந்தார். இதுவரைக்கும் 15 மேற்பட்ட தமிழ் மெகா சீரியல்களில் முக்கிய கேரக்டரில் நீலிமா நடித்திருக்கிறார். அதோடு விஜய் தொலைக்காட்சியில் ஒளிபரப்பான அரண்மனைக்கிளி, ஜீ தமிழில் தலையணை பூக்கள் போன்ற சீரியல்களில் நடித்தும் இருந்தார்.

அதுபோல நடிகை ராதிகா நடித்த வாணி ராணி சீரியலிலும் நீலிமா டிம்பிள் என்ற கேரக்டரில் நடித்திருந்தார். இந்த நிலையில் இப்போது பல வருடங்கள் கழித்து சன் டிவியில் வானத்தைப்போல சீரியல் ரீஎன்ட்ரி கொடுத்திருக்கிறார். இந்த நிலையில் இன்று தன்னுடைய instagram பக்கத்தில் நீலிமா ஒரு போஸ்ட் போட்டு இருக்கிறார் அதில், வாணி ராணி சீரியலில் நடிக்கும் போது டிம்பிள் வீட்டை இப்போது பார்த்தபோது என்னால் அந்த உற்சாகத்தை அடக்க முடியவில்லை.

நாங்கள் அனைவரும் இந்த வீட்டில் சைக்கிள் ஓட்டி விளையாடி இருக்கிறோம். இந்த வீட்டில் நாங்கள் பல வருடங்களாக ஒன்றாக சுற்றி திரிந்திருக்கிறோம். இது படப்பிடிப்பு வீடாக இருந்தாலும் ஒவ்வொரு செங்கலுக்கும் என்னோடு தொடர்புண்டு. தூணில் சாய்ந்திருக்கிறேன், தரையில் அமர்ந்து அழுது இருக்கிறேன். அந்த கூரையின் கீழ் ஒன்றாக நாங்களும் எல்லோரும் வாழ்ந்தோம்.

பல நினைவுகளை இந்த வீடு எனக்கு ரீவைண்ட் செய்து இருக்கிறது. வீட்டை பார்த்ததும் பல ஏக்கமான உணர்வுகள் எனக்குள் வருகிறது. அதை உங்களோடு பகிர்ந்து கொள்கிறேன் என்று பதிவு வெளியிட்டிருக்கிறார். இந்த வீடு பல சீரியல்களில் காட்டப்பட்டிருந்தாலும் நீலிமா இன்று தன்னுடைய பழைய நினைவுகளை பகிர்ந்து இருக்கும் நிலையில் ரசிகர்களும் இந்த வீடு பற்றிய நினைவுகளை பகிர்ந்து வருகிறார்கள்.