நடிகர் விஜய் தந்தையுடன் சீரியலில் இணையும் ராதிகா.. அதுவும் பிரபலமான "அந்த” திரைப்பட பாணியில்
நடிகர் விஜய்யின் தந்தையான எஸ் ஏ சந்திரசேகர் உடன் நடிகை ராதிகா சீரியலில் நடிக்கிறார் என்ற தகவல்கள் வெளியாகி இருக்கிறது.
சென்னை: நடிகர் விஜயின் தந்தையும் இயக்குனரும் ஆன எஸ் ஜே சந்திரசேகர் விஜய் டிவியில் விரைவில் ஒளிபரப்பாக இருக்கும் சீரியலில் நடிக்க இருப்பதாக தகவல்கள் வெளியாகி இருக்கிறது.
எஸ் ஏ சந்திரசேகர் நடிக்கும் சீரியலில் நடிகை ராதிகாவும் அவரோடு நடிக்க இருப்பதாக தகவல்கள் வெளியாகி இருக்கிறது.
இந்த சீரியலை ராதிகாவின் சொந்த நிறுவனமான ரேட நிறுவனம் தயாரிக்க இருப்பதாக கூறப்படுகிறது.
பல திறமை கொண்ட இயக்குனர்
திரைப்பட இயக்குனராகவும், தயாரிப்பாளராகவும், எழுத்தாளராகவும் இருக்கும் டைரக்டர் எஸ் ஏ சந்திரசேகர் பற்றிய தகவல்கள் தற்போது சமூக வலைத்தளத்தில் அதிகமாக பரவி வருகிறது. ஏற்கனவே அவருக்கும் அவருடைய மகன் நடிகர் விஜய்க்கும் பிரச்சனை என்கிற பல தகவல்கள் சமூக வலைத்தளத்தில் பரவி வரும் நிலையில், தற்போது அவர் சின்னத்திரை சீரியலில் நடிக்க இருப்பதாகவும் தகவல்கள் வெளியாகி இருக்கிறது. ஏற்கனவே பல ஹிட் திரைப்படங்களை தமிழ், தெலுங்கு, கண்டனம் ,கன்னடம், இந்தி என பல்வேறு மொழிகளில் 70 க்கும் மேற்பட்ட திரைப்படங்களை இயக்கியிருக்கிறார்.
நடிப்பும் இருக்கிறது
எஸ் ஏ சந்திரசேகர் இயக்கிய திரைப்படங்களில் வெற்றி,நான் சிகப்பு மனிதன் போன்ற பல ஹிட் திரைப்படங்கள் இவரை வேற லெவலில் ரசிகர்களின் மத்தியில் கொண்டு சேர்த்தது. இவர் இயக்கிய ஒரு சில திரைப்படங்களில் இவர் கெஸ்ட் ரோலில் நடித்து இருக்கவும் செய்கிறார். அது மட்டுமல்லாமல் கடைசியாக இவர் டிராபிக் ராமசாமி என்கிற திரைப்படத்திலும் தன்னுடைய நடிப்பை தத்ரூபமாக காட்டி இருக்கிறார். ஒரு இயக்குனருக்கு நடிக்கவும் தெரியும், தயாரிக்கவும் தெரியும் என்று பல்வேறு முகங்களை கொண்ட இவர் தற்போது சின்னத்திரை சீரியல்களிலும் நடிக்க இருப்பதாக தகவல்கள் வெளியாகி இருக்கிறது.
சம்சாரம் அது மின்சாரம் பாணியா
நடிகர் விஜயின் தந்தையான எஸ் ஏ சந்திரசேகருடன் நடிகை ராதிகா சீரியலில் நடிக்க உள்ளார் என்ற தகவல்கள் வெளியாகி இருக்கிறது. ஏற்கனவே சித்தி 2 சீரியலுக்கு பிறகு எந்த சீரியலிலும் நடிகை ராதிகா நடிக்காமல் இருந்த நிலையில் சில வருடங்கள் இடைவெளி விட்டு இந்த சீரியலில் நடித்திருக்கிறார். பல வருடங்களுக்கு பிறகு இந்த சீரியலில் நடிகை ராதிகா எஸ்.ஏ சந்திரசேகர் உடன் நடிக்க இருப்பது சம்சாரம் அது மின்சாரம் பாணியில் இருக்கும் என்று எதிர்பார்க்கப்படுகிறது.
புது கூட்டணி
தற்போது கிழக்கு வாசல் என்ற தொடரில் முக்கியமான கேரக்டரில் நடிகை ராதிகா நடிக்க உள்ளார். விஜய் டிவியில் இந்த சீரியல் ஒளிபரப்பாக உள்ளது. இதுவரைக்கும் ராதிகா நடித்து வந்த சீரியல்கள் அனைத்தும் சன் டிவியில் ஒளிபரப்பாகி வந்த நிலையில் தற்போது முதல் முறையாக விஜய் டிவி சீரியலில் நடிகை ராதிகா நடிக்க இருக்கிறார். இந்த கிழக்கு வாசல் சீரியலில் கதாநாயகியாக ஜீ தமிழில் பூவே பூச்சூடவா சீரியலில் நடித்த ரேஷ்மா மற்றும் ஒரு ஊர்ல ஒரு ராஜகுமாரி சீரியலில் நடித்த அஸ்வினி ஆகியோரும் நடிக்க இருக்கிறார்கள். இந்த நிலையில் இந்த சீரியலில் மீது எதிர்பார்ப்பு அதிகரித்து இருக்கிறது.
Click it and Unblock the Notifications
Sign in with Google