கங்கை நதிக்கரையில் ரம்யா பாண்டியன் திருமணம்.. வெளியான க்யூட்டான புகைப்படம்.. குவியும் வாழ்த்து
சென்னை: நடிகை ரம்யா பாண்டியனுக்கு அவருடைய காதலர் தவோன் என்பவருடன் இன்று (நவம்பர் 8ஆம் தேதி) ரிஷிகேஷ் அருகே சிவபுரி கங்கை நதிக்கரையில் திருமணம் நடைபெற்று இருக்கிறது. அப்போது எடுத்த புகைப்படங்கள் இணையத்தில் வெளியாகி இருக்கிறது .ரசிகர்கள் பலரும் இந்த தம்பதிக்கு வாழ்த்துக்கள் தெரிவித்து வருகிறார்கள்.
சமீபத்தில் பல நடிகைகள் சின்னத்திரையில் இருந்து வெள்ளித்திரையில் கலக்கி கொண்டு வருகிறார்கள். ஆனால் நடிகை ரம்யா பாண்டியன் ஜோக்கர் திரைப்படம் மூலமாக சினிமாவில் அறிமுகமானார். ஆனால் அங்கு பெரிய அளவில் இவருக்கு பிரபலம் கிடைக்காததால் சின்னத்திரையில் குக் வித் கோமாளி, பிக் பாஸ் போன்ற நிகழ்ச்சிகளில் கலந்து கொண்டார்.
இணையத்தில் அதிகமான ரசிகர்களை வைத்திருக்கும் ரம்யா பாண்டியன் பிக் பாஸ் நிகழ்ச்சியில் நடந்து கொண்ட போது அதிக அளவில் விமர்சனங்களையும் சந்தித்தார். ஆனாலும் அவருடைய ரசிகர்களின் ஆதரவால் இந்த நிகழ்ச்சியில் அதிக நாட்கள் இருந்தார். அந்த நிகழ்ச்சியில் ரம்யா பாண்டியன் இருக்கும்போது அவர்தான் பலருடைய ஸ்டேட்டஸ் சாங்குகளில் இடம் பிடித்துக் கொண்டு இருந்தார்.
மொட்டை மாடி போட்டோ ஷூட்டிங் மூலம் பிரபலம் அடைந்த ரம்யா பாண்டியன் அடுத்த மாதம் திருமணம் செய்ய இருப்பதாக சில வாரங்களுக்கு முன்பு செய்திகள் பரவி வந்தது. பெரிய அளவில் இவருக்கு சினிமா வாய்ப்பு கை கொடுக்காததால் இவர் திருமண வாழ்க்கையில் செட்டிலாக முடிவெடுத்து விட்டதாக கூறப்பட்டது.
லவால் தவான் என்பவரை ரம்யா பாண்டியன் திருமணம் செய்ய போவதாகவும், தவோன் யோகா பயிற்சி மாஸ்டராக இருக்கிறார். வாழ்க்கையில் நினைத்ததை சாதிக்க நினைப்பவர்களுக்கு அதற்கான வழிமுறைகளை சொல்லிக் கொடுக்கும் மோட்டிவேஷனராக இருக்கும் தவான் தான் ரம்யா பாண்டியனின் வருங்கால கணவர் என்று கூறப்பட்டது.
ஆனால் பலருக்கும் யார் அந்த தவோன் என்று பெரிய அளவில் தெரியாமல் இருந்த நிலையில் இன்று தன்னுடைய வருங்கால கணவரோடு ரீல்ஸ் வீடியோ ஒன்றை எடுத்து சில வாரங்களுக்கு முன்பு தன்னுடைய இன்ஸ்டாகிராம் பக்கத்தில் பகிர்ந்து இருந்தார். அந்த வீடியோவிற்கு சின்னத்திரை, வெள்ளித்திரை பிரபலங்கள் பலரும் வாழ்த்துக்கள் தெரிவித்திருந்தனர்.
அதைத் தொடர்ந்து இன்று நவம்பர் 8ஆம் தேதி ரிஷிகேஷ் அருகே சிவபுரி கங்கை நதிக்கரையில் நடிகை ரம்யா பாண்டியன் மற்றும் அவருடைய காதலன் தவோன் இருவருக்கும் திருமணம் நடைபெற்றிருக்கிறது. இந்த ஃபங்ஷனில் அவருடைய நண்பர்கள் மற்றும் உறவினர்கள் மட்டும் கலந்து கொண்டு இருக்கிறார்கள். இந்த தம்பதிக்கு வாழ்த்துக்கள் குவிந்து வருகிறது.
Click it and Unblock the Notifications
Sign in with Google