விரைவில் கல்யாணம்.. காதலரை அறிமுகப்படுத்திய ரம்யா பாண்டியன்.. அந்த கேப்ஷன் செம
சென்னை: நடிகை ரம்யா பாண்டியன் தன்னுடைய காதலரோடு ரீல்ஸ் வீடியோ ஒன்று வெளியிட்டு இருக்கிறார். இது இணையத்தில் அதிகமான கமெண்ட்களை பெற்று வருகிறது. அதே நேரத்தில் அவருக்கு அடுத்த மாதம் கல்யாணம் என்பதை அவருடைய சகோதரியே அந்த போஸ்டில் உறுதிப்படுத்தி இருக்கிறார்.
சமீபத்தில் பல நடிகைகள் சின்னத்திரையில் இருந்து வெள்ளித்திரையில் கலக்கி கொண்டு வருகிறார்கள். ஆனால் நடிகை ரம்யா பாண்டியன் ஜோக்கர் திரைப்படம் மூலமாக சினிமாவில் அறிமுகமானார். ஆனால் அங்கு பெரிய அளவில் இவருக்கு பிரபலம் கிடைக்காததால் சின்னத்திரையில் குக் வித் கோமாளி, பிக் பாஸ் போன்ற நிகழ்ச்சிகளில் கலந்து கொண்டார்.
இணையத்தில் அதிகமான ரசிகர்களை வைத்திருக்கும் ரம்யா பாண்டியன் பிக் பாஸ் நிகழ்ச்சியில் நடந்து கொண்ட போது அதிக அளவில் விமர்சனங்களையும் சந்தித்தார். ஆனாலும் அவருடைய ரசிகர்களின் ஆதரவால் இந்த நிகழ்ச்சியில் அதிக நாட்கள் இருந்தார். அந்த நிகழ்ச்சியில் ரம்யா பாண்டியன் இருக்கும்போது அவர்தான் பலருடைய ஸ்டேட்டஸ் சாங்குகளில் இடம் பிடித்துக் கொண்டு இருந்தார்.
மொட்டை மாடி போட்டோ ஷூட்டிங் மூலம் பிரபலம் அடைந்த ரம்யா பாண்டியன் அடுத்த மாதம் திருமணம் செய்ய இருப்பதாக சில வாரங்களுக்கு முன்பு செய்திகள் பரவி வந்தது. பெரிய அளவில் இவருக்கு சினிமா வாய்ப்பு கை கொடுக்காததால் இவர் திருமண வாழ்க்கையில் சேட்டிலாக முடிவெடுத்து விட்டதாக கூறப்பட்டது.
லவால் தவான் என்பவரை ரம்யா பாண்டியன் திருமணம் செய்ய போவதாகவும், தவான் யோகா பயிற்சி மாஸ்டராக இருக்கிறார். வாழ்க்கையில் நினைத்ததை சாதிக்க நினைப்பவர்களுக்கு அதற்கான வழிமுறைகளை சொல்லிக் கொடுக்கும் மோட்டிவேஷனராக இருக்கும் தவான் தான் ரம்யா பாண்டியனின் வருங்கால கணவர் என்று கூறப்பட்டது.
ஆனால் பலருக்கும் யார் அந்த தவான் என்று பெரிய அளவில் தெரியாமல் இருந்த நிலையில் இன்று தன்னுடைய வருங்கால கணவரோடு ரீல்ஸ் வீடியோ ஒன்றை எடுத்து தன்னுடைய instagram பக்கத்தில் ரம்யா பாண்டியன் வெளியிட்டு இருக்கிறார். இந்த வீடியோவிற்கு சின்னத்திரை, வெள்ளித்திரை பிரபலங்கள் மற்றும் ரசிகர்கள் பலரும் வாழ்த்துக்கள் கூறி இருக்கிறார்கள்.
அதிலும் நடிகை வாணி போஜன், அனிதா சம்பத், அதிதி, கீர்த்தி பாண்டியன் உட்பட பலரும் இவருக்கு வாழ்த்துக்கள் சொல்லி இருக்கிறார்கள். அதில் ரம்யா பாண்டியனின் உறவினரான கீர்த்தி பாண்டியன் வெட்டிங் மூடு தொடங்கியாச்சு என்று கமெண்ட் கொடுத்து இருக்கிறார்.
அதுபோல ரம்யா பாண்டியன் வெளியிட்ட வீடியோவிற்கு லவ்வர் என்று ஹேஸ் டேக் கொடுத்து இருக்கிறார். ரம்யா பாண்டியனின் திருமணம் அடுத்த மாதம் நவம்பர் 8ம் தேதி இமயமலை ரிஷிகேஷ் அருகில் உள்ள ஒரு கோவிலில் வைத்து நடைபெற இருப்பதாக கூறப்படுகிறது.
Click it and Unblock the Notifications
Sign in with Google