மலேசியா வாசுதேவன் என் சொந்த சித்தப்பா தான்! ஆனால், பூவே உனக்காக படத்தில் விஜய் செய்தது! சங்கீதா ஓபன்

Updated: Tuesday, June 24, 2025, 7:05 [IST]

Subscribe to Oneindia Tamil

சென்னை: பூவே உனக்காக திரைப்படத்தின் மூலம் பிரபலமடைந்த நடிகை சங்கீதா சமீபத்தில் ஒரு பேட்டியில் கலந்து கொண்டார். அதில் மறைந்த பாடகரும் நடிகருமான மலேசிய வாசுதேவன் தன்னுடைய சொந்த சித்தப்பா என்று கூறி இருக்கிறார். அதோடு தங்கள் இருவருக்கும் உள்ள உறவு முறை குறித்தும் தாங்கள் இருவரும் சேர்ந்து பூவே உனக்காக திரைப்படத்தில் நடிக்கும் போது ஏற்பட்ட அனுபவம் குறித்தும் சங்கீதா பேசியிருக்கிறார்.

நடிகை சங்கீதா குழந்தை நட்சத்திரமாக சினிமாவில் அறிமுகமானார். தன்னுடைய அண்ணனுக்கு ஆடிஷனுக்காக வந்த இடத்தில் இவருக்கும் திரைப்படத்தில் நடிக்க வாய்ப்பு கிடைத்தது. ஆரம்பத்தில் நடிக்கிறோம் என்றதும் சந்தோஷமாக ஓகே சொன்ன சங்கீதா 16 வயதிலேயே ஒரு குழந்தைக்கு அம்மாவாகவும் நடித்திருந்தார். நடிகர் ராஜ்கிரண் நடித்த எல்லாமே என் ராசா திரைப்படத்தில் சங்கீதா கதாநாயகியாக நடித்திருந்தார். அந்த திரைப்படத்தில் அவர் பாதியிலேயே இறந்து போவது போன்ற காட்சிகள் இருக்கும் அந்த படத்தில் உள்ள பாடல்கள் இப்போதும் எவர்கிரீன் பாடல்களாக பலருடைய பேவரைட் லிஸ்டில் இடம் பிடித்திருக்கிறது.

ராஜ்கிரணுக்கு ஜோடி

ஆரம்பத்தில் ராஜ்கிரணுக்கு ஜோடியாக நடித்தாலும் சங்கீதாவுக்கு பூவே உனக்காக திரைப்படம் பெரிய அளவில் பெயர் வாங்கி கொடுத்தது. இந்த திரைப்படத்தில் நடிகர் விஜய்க்கும் பெரிய அளவில் பெயர் கிடைத்தது. விஜய் அதற்கு முன்பு பல திரைப்படங்களில் நடித்திருந்தாலும் அவர் மீது இருந்த மொத்த பார்வையும் பூவே உனக்காக திரைப்படத்திற்கு பிறகு மாறிவிட்டது.

மீண்டும் நடிப்பு

குடும்ப ரசிகர்களை வெகுவாக இந்த படத்தின் மூலம் கவர்ந்து விட்டார். இந்த திரைப்படத்தில் மிகப்பெரிய பட்டாளமே நடித்திருந்தது. நடிகர் நாகேஷ், நம்பியார், மலேசியா வாசுதேவன் உட்பட பலர் இதில் நடித்திருந்தனர். இந்த திரைப்படத்தில் நடித்த அனுபவம் குறித்து சமீபத்தில் நடிகை சங்கீதா பேசி இருந்தார். தன்னுடைய திருமணத்திற்கு பிறகு சில வருடங்களாக சினிமாவை விட்டு விலகி இருந்த சங்கீதா இப்போது மீண்டும் நடிக்க தொடங்கி இருக்கிறார்.

மலேசியா வாசுதேவன் சித்தப்பா

இந்த நிலையில் அவர் பூவே உனக்காக படம் பற்றி சொல்லும்போது "இந்த படம் எனக்கு மறக்க முடியாத அனுபவங்களை தந்தது. நடிகரும் மறைந்த பாடகருமான மலேசியா வாசுதேவன் என்னுடைய சொந்த சித்தப்பா தான். என்னுடைய அம்மாவின் தங்கையின் கணவர்தான் அவர். அதனால் பூவே உனக்காக படத்தில் நடிக்கும் போது எனக்கு நல்ல கம்பர்ட்டபிளாக இருந்தது. அதுபோல அந்த படத்தில் விஜய் நடிக்கும் போது அவரும் ரொம்பவும் அமைதியாக இருப்பார், நானும் பெருசாக எதுவும் பேச மாட்டேன்.

காதல் தெரிந்தது

டேக் என்று சொன்னதும் நாங்கள் நடிக்க தொடங்கி விடுவோம். மற்ற நேரத்தில் அமைதியாக தான் இருப்பார். அந்த நேரத்தில் தான் பூவே உனக்காக பட ஒளிப்பதிவாளர் சரவணனை காதலித்தேன். அந்த விஷயம் விஜய்க்கு தெரிய வந்ததும் அவர் அதிர்ச்சி அடைந்தது சொல்லவே இல்ல என்று சொன்னாரு. அதுபோல அவரும் சங்கீதாவை காதலித்துக் கொண்டிருந்த விஷயத்தை எங்களிடம் சொல்லி இருந்தாரு. ஆனால் அந்த படத்தில் நடித்துக் கொண்டிருக்கும் போது விஜய் சங்கீதாவை காதலிக்கிறார் என்றதும் எங்கள் இருவரையும் இணைத்து பல செய்திகள் வந்தது என அந்த பேட்டியில் சங்கீதா பேசியிருக்கிறார்.