விஜயகுமார் பேரை காப்பாற்றிய வனிதா! அதுவும் அடுத்த ராதிகா இவர்தானா? மேடையில் உடைத்த விஷயம்

சென்னை: நடிகை வனிதா விஜயகுமார் நடிகை சோனியா அகர்வாலோடு சேர்ந்து நடித்த "தண்டுபாளையம்" என்ற திரைப்படத்தின் ஆடியோ வெளியீட்டு விழா நேற்று நடைபெற்ற போது கலந்து கொண்டு பல்வேறு விஷயங்களை பகிர்ந்து இருந்தார். அப்போது தன்னுடைய நடிப்பை பார்த்து ஆறு இயக்குனர்கள் தனக்கு போன் பண்ணி பாராட்டி இருந்தார்கள் என்று வனிதா பேசியிருக்கிறார். இந்த வீடியோ இணையத்தில் வைரலாகி வருகிறது.

அந்த வகையில் நடிகர் விஜயகுமாருக்கு பெரிய அளவில் அறிமுகமே தேவையில்லை. பல வருடங்களுக்கு முன்பு இருந்து இப்போது வரைக்கும் முன்னணி கேரக்டரில் அதிகமான மரியாதையான கேரக்டரிலேயே நடித்துக் கொண்டிருக்கிறார். விஜயகுமார் வீட்டில் அவர் மட்டுமல்லாமல் அவருடைய மகள்கள் மகன் பேரப்பிள்ளைகள் என அதிகமானோர் நடிகர்களாக இருக்கின்றனர்.

அதில் விஜயகுமாரின் இரண்டாவது மனைவி மஞ்சுளாவின் மூத்த மகளான வனிதா விஜயகுமாரோடு ஏற்பட்ட கருத்து வேறுபாட்டால் குடும்பத்தை பிரிந்து தனியாக வசித்து வருகிறார். அதே நேரத்தில் வனிதா முதல் திருமணத்திற்கு முன்பு ஒரு சில திரைப்படங்களில் நடித்து பெயர் வாங்கி இருந்தாலும் இவருடைய திருமண வாழ்க்கை அடுத்தடுத்து ஏமாற்றத்தில் முடிவடைந்த பிறகு பிக் பாஸ் நிகழ்ச்சியின் மூலமாக தன்னுடைய இரண்டாவது இன்னிங்ஸை தொடங்கினார்.

பிக் பாஸ் நிகழ்ச்சியில் பெரிய அளவில் பரபரப்பை ஏற்படுத்தி இருந்தார். அதற்குப் பிறகு சின்னத்திரை மற்றும் வெள்ளி திரையில் நடித்துக் கொண்டிருக்கிறார். இந்த நிலையில் அவர் நடிகை சோனியா அகர்வாலோடு சேர்ந்து "தண்டு பாளையம்" என்ற படத்தில் நடித்திருக்கிறார். வெங்கட் இயக்கத்தில் வெளியான இந்த திரைப்படத்தின் ஆடியோ வெளியீட்டு விழா நேற்று சென்னையில் நடைபெற்றது.

இது ஹீரோயின் சப்ஜெக்ட் சம்பந்தப்பட்ட கதை. இந்த படத்தில் மிகவும் வித்தியாசமான கேரக்டரில் நடிகை வனிதா நடித்திருப்பதாக கூறப்படுகிறது. இந்த நிலையில் இசை வெளியீட்டு விழாவில் பேசிய வனிதா, இந்த படத்தின் போஸ்டர் பார்த்து மிகப்பெரிய பிரபல இயக்குனர் ஆறு பேர் வனிதாவை தொடர்பு கொண்டு வாழ்த்தினார்கள். அது மட்டும் இல்லாமல் அந்தக் காலத்தில் ராதிகாவை பார்த்த மாதிரியே இந்த படத்தில் நீங்கள் நடித்திருக்கிறீங்க.

அடுத்த ராதிகாவாகவே நீங்க வாழ்ந்திருக்கிங்க என்று பாராட்டியதாகவும் அந்த விழாவில் வனிதா கூறி இருக்கிறார். அதோடு விஜயகுமார், சரத்குமார் இருவரும் நடித்த பல படங்கள் வெற்றி அடைந்திருக்கின்றன. அப்படி இந்த படத்தில் விஜயகுமாரையும் சரத்குமாரையும் பார்த்த மாதிரி ஒரு பீல் இருந்தது என்றும் அந்த இயக்குனர்கள் பாராட்டியதாக வனிதா கூறி இருக்கிறார்.

அதோடு அவர்கள் இப்படி பாராட்டியது எனக்கு பெருமையாக இருந்தது. ஏனென்றால் என் அப்பாவின் படங்களில் வரிசையில் என்னுடைய படத்தையும் அந்த இயக்குனர்கள் கூறியது எனக்கு சந்தோஷத்தை ஏற்படுத்தியது என்று வனிதா பேசியிருக்கிறார்.

English summary

Actress Vanitha Vijayakumar participated in the audio launch of the movie "Tandupalayam" with actress Sonia Aggarwal and shared various things. Vanitha has said that after seeing her performance, six directors called her and praised her. This video is going viral on the internet.