இந்தப் புகழ் எல்லாம் அடுத்த சீசன் வரைக்கும் தான்? அசீம்,தனாவை மறைமுகமாக கலாய்த்த போட்டியாளர்!?

இந்த பிக் பாஸ் புகழ் எல்லாம் அடுத்த சீசன் வரைக்கும் தான். அதனால் பேட்டியில் மற்றவர்களை தரம் தாழ்த்த வேண்டாம் என்று ஏடிகே பதிவு வெளியிட்டு இருக்கிறார்.

Published: Thursday, February 9, 2023, 19:15 [IST]

Subscribe to Oneindia Tamil

சென்னை: பிக் பாஸ் தமிழ் சீசன் 6 நிகழ்ச்சி முடிவடைந்த பிறகு ஏடிகே சக போட்டியாளர்களுக்கு அறிவுரை கூறும் வகையில் பதிவு ஒன்றை வெளியிட்டு இருக்கிறார்.

ஏற்கனவே அசீம் மற்றும் தனா இருவரும் பிக் பாஸ் போட்டியாளர்களை பற்றி குறை கூறி வீடியோ வெளியிட்டதை தொடர்ந்து ஏடிகே இந்த பதிவு வெளியிட்டிருக்கிறாரா என்று ரசிகர்கள் கேள்வி எழுப்புகின்றனர்.

யாருக்காக பதிவு வெளியிடுகிறார் என்பதை கூறாமல் மறைமுகமாக ஏடிகே கருத்து கூறியிருக்கிறார்.

முடிவடையாத பிரச்சனை

பிக் பாஸ் தமிழ் சீசன் 6 முடிவடைந்த பிறகும் ஒரு சில போட்டியாளர்கள் மாறி மாறி பேட்டி கொடுத்து தங்களுக்கு பிடித்த பிடிக்காத விஷயங்களை சமூக வலைத்தளத்தில் கொட்டி வருகின்றனர். அந்த வகையில் பிக் பாஸ் வீட்டிற்குள் மட்டும் தான் இவர்களுக்கு சண்டை என்று நினைத்துக் கொண்டிருந்த ரசிகர்களுக்கு ஐயோ போதுமடா சாமி என்று இணையத்தையே கட் செய்யும் அளவிற்கு சமூக வலைதளத்தில் இந்த சீசன் போட்டியாளர்களின் சண்டை முடிவடையாமல் இருக்கிறது.

முடிவடையாத கருத்து மோதல்கள்

விக்ரமன், அசீமிற்க்கு டைட்டில் கொடுத்தது தவறான உதாரணமாக மாறி விட கூடாது என்று நான் நினைத்தேன். அதனால் தான் அசீமிற்கு டைட்டில் கிடைக்கக் கூடாது என்று கூறினேன் என்று தன்னுடைய கருத்தை கூற, அதற்கு அசீம் நான் அப்படி என்ன தவறாக செய்து விட்டேன் என்று கேள்வி எழுப்ப, அதற்கு விக்ரமன் ரசிகர்கள் அவர் பெண்களிடம் தவறாக வார்த்தைகளை பயன்படுத்தினால் தரகுறைவாக பேசினார் என்று எல்லாம் கூற, சமூக வலைத்தளத்தில் விக்ரமன் மற்றும் அசீம் ரசிகர்கள் இடையே கருத்து மோதல்கள் அதிகமாக நடைபெற்று வருகிறது.

தனலட்சுமி கேள்வி

இந்த நிலையில் விக்ரமன் அசீமிற்க்கு ஆதரவாக தனலட்சுமி எப்படி அப்யூஸர் என்றால் என்னவென்று விளக்கம் கேட்டு, வீடியோ வெளியிட்டு அசீம் அப்யூஸர் என்றால் விக்ரமனும் அப்படித்தான் என்னிடம் அப்படித்தான் நடந்து கொண்டார். ஏடிகே என்னுடைய ஆடையை கிழித்த போது கூட அவரோடு பக்கத்தில் தானே விக்ரமன் நின்று கொண்டிருந்தார். அப்போது அவருடைய நியாயம் எல்லாம் எங்கே போனது என்று பல்வேறு கேள்வி எழுப்ப, தற்போது சமூக வலைத்தளம் திறந்ததும் இவர்களுடைய வீடியோக்கள் தான் அதிகமாக பகிரப்பட்டு வருகிறது.

ஏடிகே அறிவுரை

இந்த நிலையில் இதுவரைக்கும் ஏடிகே விக்கிரமனோடும், அசீமோடும் புகைப்படங்களை எடுத்து வெளியிட்டு இருவரும் என்னுடைய நண்பர்கள் தான் அசீம் கோபப்படுவார் ஆனால் நல்லவன் என்று சர்டிபிகேட் கொடுத்திருந்தார்.விக்ரமன் ஜெயிக்க வேண்டும் என்று நான் நினைத்தேன் என்றும் தன்னுடைய கருத்தை கூறி இருந்தார். இந்த நிலையில் தனலட்சுமி வெளியிட்ட வீடியோவை பார்த்து தற்போது தன்னுடைய twitter பக்கத்தில், இந்த பிக் பாஸ் புகழ் எல்லாம் அடுத்த சீசன் வரைக்கும் தான் அதனால் பேட்டிகளில் மற்றவர்களை தரம் தாழ்த்த வேண்டாம். சக போட்டியாளர்களை பற்றி வன்மத்தை கக்குவதை விட்டுவிட்டு தங்கள் அடுத்த வேலைக்கான மீடியாவை பயன்படுத்துங்கள். இந்த ஷோ முடிந்துவிட்டது நிஜ வாழ்க்கைக்கு திரும்புங்கள் என்று அறிவுரை கூறியிருக்கிறார்.

Published On February 9, 2023