“தன்மானம்”.. CWCயில் மணிமேகலை சொன்ன குற்றச்சாட்டு.. பிரியங்கா முதல் முறை வெளியிட்ட பதிவு
சென்னை: விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியில் இருந்து விலகிய மணிமேகலை பிரியங்கா மீது பல குற்றச்சாட்டுகள் வைத்திருந்தார். இந்த நிலையில் இதற்கு இதுவரைக்கும் விளக்கம் கொடுக்காமல் இருந்த பிரியங்கா முதல் முறையாக தன்னுடைய இன்ஸ்டாகிராமில் ஸ்டோரி ஒன்று பகிர்ந்திருக்கிறார். இந்த வீடியோ இணையத்தில் வைரல் ஆகி வருகிறது.
கடந்த சில வாரங்களாக சின்னத்திரை ரசிகர்கள் பிரபலங்கள் பலரும் பேசிக்கொண்டிருந்த விஷயம் என்றால் அது குக் வித் கோமாளி நிகழ்ச்சி பற்றியதுதான். அந்த நிகழ்ச்சியில் தொகுப்பாளராக இருந்த மணிமேகலை தான் விலகப் போறேன் என்று ஒரு போஸ்ட்டை தட்டி விட்டிருந்தார். அதுதான் இணையத்தில் பெரும் தீயாக பரவி வந்தது.
தான் விலகியதற்கு காரணம் பிரியங்கா தான் என்று அவர் பெயரை சொல்லாமலேயே குறிப்பிட்டு இருந்தார். அதோடு நான் வாங்கும் சம்பளத்துக்கு 100% வேலை செய்ய வேண்டும் என்று நினைக்கிறேன். ஆனால் என்னுடைய வேலையை செய்ய விடாமல் போட்டியாளராக வந்த தொகுப்பாளர் தடுக்கிறார். அவரை எதிர்த்து கேள்வி கேட்டால் அவர்தான் இந்த சேனலில் பெரியவர் என்பது போன்று அவர் பேசிக் கொண்டிருக்கிறார்.
அவரிடம் என்னை மன்னிப்பு கேட்க சொன்னார்கள். எனக்கு தன்மானம் இருக்கிறது அதனால் நான் அந்த நிகழ்ச்சியில் இருந்து வந்து விட்டேன் என்று அதில் குறிப்பிட்டு இருந்தார். அதற்கு ரசிகர்கள் மணிமேகலைக்கு ஆதரவாக பிரியங்காவை திட்டி வந்தனர். முதல் சில நாட்கள் அமைதியாக இருந்த விஜய் டிவி பிரபலங்கள் பிரியங்காவிற்கு ஆதரவாக பிறகு வீடியோ போட தொடங்கி விட்டார்கள்.
அதோடு இணையத்திலும் இதுகுறித்து பல வீடியோக்கள், மீம்ஸ்கள் பரவி வந்தது. அதிலும் பலர் பிரியங்காவின் வேலையை மட்டுமல்லாமல் அவருடைய பர்சனல் வாழ்க்கை குறித்தும் பேசி வந்தனர். அப்போது இரண்டாவது வாரமே அடுத்த வீடியோ வெளியிட்ட மணிமேகலை பிரியங்காவின் பர்சனல் வாழ்க்கையைப் பற்றி யாரும் பேச வேண்டாம் என்று குறிப்பிட்டு பிரியங்காவிற்கு சப்போர்ட் செய்தவர்களை சொம்பு என்று கிண்டல் சேர்ந்திருந்தார்.
அதற்கு விஜய் டிவி மாகாபா, குரேஷி உட்பட பலர் செருப்பு, துடைப்பம் போன்றவற்றை இன்ஸ்டாகிராம் ஸ்டோரியில் பதிலாக கொடுத்து வந்தனர். இந்த பிரச்சனைகளுக்கு இடையே பிரியங்கா எந்த ஒரு பதிவோ விளக்கமோ கொடுக்காமல் அமைதியாக இருந்தார். இந்த நிலையில் பிரியங்கா இதுபற்றி என்ன செல்ல போகிறார் என்று எதிர்பார்ப்பில் ரசிகர்கள் இருக்கும் நிலையில் நேற்று இரவு தன்னுடைய இன்ஸ்டாகிராம் ஸ்டோரியில் ஒரு வீடியோவை பகிர்ந்து இருக்கிறார்.
அதில் அவர் "back to the grind" என்ற கேப்ஷனோடு கடற்கரையில் அவர் ஜாலியாக அலைகளோடு விளையாடிக் கொண்டிருக்கும் வீடியோவை பகிர்ந்து இருக்கிறார். எத்தனை பிரச்சனைகள் எனக்கு வந்தாலும் அதில் நான் கூலாக இருப்பேன் என்று இவர் சொல்லாமல் சொல்கிறாரா என்று ரசிகர்கள் கேள்வி எழுப்பி வருகிறார்கள்.
Click it and Unblock the Notifications
Sign in with Google