படிப்பு முக்கியம்! இயக்குனர் குழந்தைகளுக்காக ஐஸ்வர்யா ரஜினிகாந்த் செய்த உதவி! அதுவும் இத்தனை லட்சமா?

Updated: Saturday, September 14, 2024, 10:13 [IST]

Subscribe to Oneindia Tamil

சென்னை: நடிகர் ரஜினிகாந்தின் மகளான ஐஸ்வர்யா ரஜினிகாந்த் இயக்குனர்களின் குழந்தைகளின் படிப்பு செலவுக்காக இயக்குனர் சங்கத்திற்கு ஆண்டுதோறும் ரூபாய் 10 லட்சம் உதவி செய்வதாக அறிவித்திருக்கிறார். அப்போது ஐஸ்வர்யா ரஜினிகாந்த் சில தகவல்களை பகிர்ந்து இருக்கிறார். அது பற்றி பார்க்கலாம்.

நடிகர் ரஜினிகாந்த் மற்றும் பாடகி லதாவின் மூத்த மகளான ஐஸ்வர்யா ரஜினிகாந்த் பின்னணி பாடகி ஆகவும், டப்பிங் ஆர்டிஸ்ட் ஆகவும், இயக்குனராகவும் இருந்து வருகிறார். 3 திரைப்படத்தின் மூலமாக இயக்குனராக அறிமுகமான ஐஸ்வர்யா ரஜினிகாந்த் விஜய் டிவியில் ஒளிபரப்பான ஜோடி நம்பர் ஒன் நிகழ்ச்சியில் மூன்றாவது சீசனில் நடிகர் ஜீவா மற்றும் சங்கீதாவோடு சேர்ந்து இவரும் நடுவராக கலந்து கொண்டார்.

தன்னுடைய கணவர் தனுஷை வைத்து 3 படத்தை இயக்கி இருந்த நிலையில் அந்த திரைப்படம் பெரிய அளவில் வெற்றியடைந்ததை தொடர்ந்து தன்னுடைய தந்தையை வைத்து திரைப்படங்களை இயக்கி வருகிறார். அதே நேரத்தில் சமூக வலைதளத்திலும் செம ஆக்டிவாக ஐஸ்வர்யா இருந்து வருகிறார். அடிக்கடி ஒர்க் அவுட் செய்யும் வீடியோக்களை வெளியிட்டு பலருக்கு முன்மாதிரியாகவும் இருந்து வருகிறார்.

அதே நேரத்தில் இப்போது அவர் செய்த செயலும் பலருடைய பாராட்டை பெற்று வருகிறது. அதாவது சமீபத்தில் அவர் இயக்குனராக பல திரைப்படங்களை இயக்கி வரும் நிலையில் இயக்குனர் சங்கத்தில் முக்கிய பொறுப்பிலும் இருக்கிறார். இந்த நிலையில் நிகழ்ச்சி ஒன்றில் கலந்து கொண்ட ஐஸ்வர்யா ரஜினிகாந்த் இயக்குனர் சங்கத்தில் குழந்தைகளின் படிப்புக்காக தான் வருடத்திற்கு 10 லட்சம் தன்னுடைய சொந்த பணத்திலிருந்து தர போவதாக அறிவித்திருக்கிறார்.

அதற்கு முன்னேற்பாடாக இயக்குனர் சங்கர் தலைவர் ஆர்.வி உதயகுமாரிடம் ஐந்து லட்சம் காசோலையை வழங்கி இருக்கிறார். அப்போது அது பற்றி பேசிய ஐஸ்வர்யா ரஜினிகாந்த் நான் சில திரைப்படங்களில் இயக்கி இருக்கிறேன். என்னைப் போல இயக்குனர்களாக இருக்கும் பலர் அவர்களுடைய குழந்தைகளின் படிப்பு செலவுக்காக ஏதாவது உதவி செய்யலாம் என்று கேட்டு வருகிறார்கள். எனக்கோ அது சரியான விஷயம் என்று தோன்றியது.

என்னால் முடிந்ததை நான் செய்கிறேன். இதுபோன்று தமிழ் இயக்குனர் சங்கத்தில் இருக்கும் இயக்குனர்களின் குழந்தைகளின் படிப்பு செலவுக்காக பலர் உதவ வேண்டும் என்று அந்த பேட்டியில் ஐஸ்வர்யா ரஜினிகாந்த் பேசியிருக்கிறார். இதற்கு பலரும் அவருக்கு வாழ்த்துக்கள் கூறி வருகிறார்கள்.