Amaran Ott: “அமரன்” ஓடிடியில் ரிலீஸ்.. எப்போது, எதில் பார்க்கலாம்? வெளியான அப்டேட்

சென்னை: நடிகர் சிவகார்த்திகேயன் மற்றும் சாய் பல்லவி நடித்த அமரன் திரைப்படம் ஓடிடியில் எப்போது வெளியாக போகிறது என்று அதிகாரப்பூர்வமான அறிவிப்பு வெளியாகி இருக்கிறது. கடந்த தீபாவளி அன்று திரையரங்குகளில் வெளியான இந்த திரைப்படம் குறித்த லேட்டஸ்ட் அப்டேட் பார்க்கலாம்.

ராஜ்குமார் பெரியசாமி இயக்கத்தில் சிவகார்த்திகேயன் நடித்து தீபாவளி அன்று வெளியான அமரன் திரைப்படத்தை ராஜ்கமல் பிலிம்ஸ் தயாரித்து இருந்தனர். இந்த படத்திற்கு ஜிவி பிரகாஷ் இசை அமைத்திருந்தார். இந்த திரைப்படத்தில் இடம் பெற்ற மின்னலே பாடல் பலருடைய ரீல்ஸ்களில் இடம் பிடித்து கொண்டிருக்கிறது.

மறைந்த முன்னாள் ராணுவ வீரர் மேஜர் முகுந்தின் வாழ்க்கையை தழுவி இந்த படம் உருவாகி உள்ளது. இதில் சிவகார்த்திகேயன் முகுந்த் கேரக்டரிலும், முகுந்தின் மனைவி இந்துவாக நடிகை சாய் பல்லவி நடித்து இருந்தனர்.

உலக அளவில் சுமார் 900க்கு மேற்பட்ட திரையரங்குகளில் இந்த திரைப்படம் வெளியானது. இப்படத்தில் இடம்பெற்ற சண்டை மற்றும் காதல் காட்சிகள் ரசிகர்களை கவர்ந்து உள்ளது. அதனாலயே திரையரங்குகளில் தொடர்ந்து மக்களின் ஆதரவை பெற்று வருகிறது. இந்த நிலையில் முதல் நாளில் இந்த திரைப்படம் 42.3 கோடியை வசூலித்ததாகவும் தயாரிப்பு நிறுவன அதிகாரப்பூர்வமாக அறிவித்தது.

சிவகார்த்திகேயன் நடித்த படங்களிலேயே முதல் நாளில் பெரிய வசூலை பெற்ற திரைப்படம் இதுதான். தொடர்ந்து ரசிகர்களிடம் கிடைத்த வரவேற்பால் உலக அளவில் 300 கோடிக்கு மேல் வசூலித்ததாக கூறப்படுகிறது.

ரசிகர்கள் மட்டுமல்லாமல் பல பிரபலங்களும் இது திரைப்படத்தை பாராட்டி வருகின்றனர். இதற்கிடையில் இந்த படத்தின் ஓடிடி ரிலீஸ் குறித்த அப்டேட் வெளியாகியிருக்கிறது. ஒரு திரைப்படம் தியேட்டரில் வெளியாகிய எட்டு வாரங்களுக்கு பிறகு ஓடிடியில் வெளியாகலாம். ஆனால் அமரன் திரைப்படம் தியேட்டரில் நல்ல வரவேற்பு பெற்று வரும் நிலையில் ஓடிடியில் வெளியிடுவதை தள்ளி வைக்க வேண்டும் என்று தியேட்டர் உரிமையாளர்கள் வேண்டுகோள் வைத்திருந்தனர்.

அதனாலேயே இந்த திரைப்படம் ஓடிடியில் வெளியாவது தள்ளி போயிருந்தது. இந்த நிலையில் இந்த படம் டிசம்பர் ஐந்தாம் தேதி அல்லது 11-ம் தேதி வெளியாகும் என்று எதிர்பார்க்கப்படுகிறது. படத்தில் உரிமையை netflix 60 கோடி கொடுத்து வாங்கியுள்ளது குறிப்பிடத்தக்கது.

அதுபோல தமிழில் மட்டுமல்லாமல் தெலுங்கு, கன்னடம், மலையாளம் மற்றும் ஹிந்தி உட்பட பல மொழிகளில் இந்த திரைப்படம் வெளியாகிறது. தமிழ் சினிமாவில் பல வருடங்களுக்குப் பிறகு தேசிய உணர்வு ஊட்டும் வகையில் அமரன் திரைப்படம் வெளியாகி இருக்கும் நிலையில் இந்த திரைப்படத்தை காண ரெடியா இருக்கீங்களா மக்களே!

English summary

Actor Sivakarthikeyan and Sai Pallavi starrer Amaran has been officially announced when it will be released in OTD. Check out the latest update on this movie which was released in theaters last Diwali.