"வெளியே போகும்போது காலில் விழுகிறார்கள்! சங்கடமாக இருக்கு!" - டிடி உருக்கமான பேட்டி!

Updated: Tuesday, August 12, 2025, 10:05 [IST]

Subscribe to Oneindia Tamil

சென்னை: தனது திறமையான பேச்சாலும், அழகாலும் ரசிகர்களின் மனதில் இடம்பிடித்தவர் பிரபல தொகுப்பாளினி திவ்யதர்ஷினி (டிடி). சின்னத்திரையில் அவ்வப்போது தோன்றாவிட்டாலும், சமூக வலைதளங்களில் செம ஆக்டிவாக செயல்பட்டு வருகிறார். சினிமா இசை வெளியீட்டு விழாக்கள், முக்கிய நிகழ்ச்சிகள் என சிலவற்றைத் தொகுத்து வழங்கியும் வருகிறார்.

டிடியின் வெற்றிப் பயணம்

கல்லூரி படிக்கும் போதே துணை நடிகையாகத் திரையுலகிற்கு வந்த டிடி, பின்னர் தொலைக்காட்சியில் நிகழ்ச்சிகளைத் தொகுத்து வழங்கி, தொகுப்பாளராக மாறினார். விஜய் டிவியில் ஒளிபரப்பான 'காஃபி வித் டிடி' நிகழ்ச்சி, அவரை மிகப் பெரிய அளவில் பிரபலப்படுத்தியது. அந்த நிகழ்ச்சியின் வெற்றிக்கு, டிடியின் அதிரடியான கேள்விகளும், கலகலப்பான பேச்சும் தான் காரணம் என்று சொல்லலாம்.

விஜய் டிவியின் செல்லப்பிள்ளை

'காஃபி வித் டிடி' நிகழ்ச்சியின் வெற்றிக்குப் பிறகு, விஜய் டிவியின் செல்லப்பிள்ளையாக மாறிய டிடி, பாட்டுப் போட்டி, கேம் ஷோ எனப் பல நிகழ்ச்சிகளைத் தொகுத்து வழங்கினார். 'ஜோடி நம்பர் 1', 'சூப்பர் சிங்கர்' போன்ற பல நிகழ்ச்சிகளை, அவர் திறமையாகத் தொகுத்து வழங்கியுள்ளார். சமீபகாலமாக விஜய் டிவியில் இருந்து நிகழ்ச்சிகளுக்கும் டிடி கலந்து கொள்வதில்லை. அவருக்கு முட்டியில் அறுவை சிகிச்சை செய்தபோது டிடி தொகுப்பாளர்களுக்கு உட்காருவது போன்ற நிகழ்ச்சிகளை தொகுத்து வழங்குவதற்கு ஏற்பாடுகள் செய்து தரும்படி ஒரு பதிவு வெளியிட்டிருந்தார்.

திருமணமும், துயரமும்

2014-ம் ஆண்டு, ஸ்ரீகாந்த் ரவிச்சந்திரன் என்பவரை டிடி திருமணம் செய்துகொண்டார். இந்தத் திருமணத்தில், பல பிரபலங்கள் கலந்துகொண்டனர். விஜய் டிவியும், 'நம்ம வீட்டு பெண் டிடிக்கு நலங்கு வைத்து' திருமணத்தைக் கொண்டாடியது. ஆனால், டிடியின் திருமண வாழ்க்கை, மூன்று ஆண்டுகள் கூட நீடிக்காமல் முடிவுக்கு வந்தது. தனித்து வாழ்ந்து வந்த டிடிக்கு, காலில் வலி ஏற்பட்டு, அறுவை சிகிச்சை செய்தார். ஆனால், அந்த அறுவை சிகிச்சை விபரீதத்தில் முடிய, சில நிமிடங்கள் கூட நிற்க முடியாமல் அவதிப்பட்டார். அந்த வேதனையை, டிடி ஒரு நிகழ்ச்சியில் கண்ணீருடன் பகிர்ந்து கொண்டார். பின்னர், அவருக்கு மூட்டு மாற்று அறுவை சிகிச்சை செய்யப்பட்டது.

திரைப்படங்களில் டிடி

அறுவை சிகிச்சைக்குப் பிறகு, மீண்டும் நிகழ்ச்சிகளைத் தொகுத்து வழங்கத் தொடங்கிய டிடி, தற்போது சில திரைப்படங்களிலும் நடித்து வருகிறார். விஜய் சேதுபதி, ஐஸ்வர்யா ராஜேஷ் ஆகியோர் நடித்த 'நம்ம வீட்டுப் பிள்ளை' படத்தில், ஒரு முக்கியக் கதாபாத்திரத்தில் அவர் நடித்தார். தற்போது, சில புதிய திரைப்படங்களிலும் அவர் நடித்து வருவதாகத் தகவல்கள் வருகின்றன.

டிடியின் உருக்கமான பேட்டி

சமீபத்தில் ஒரு யூடியூப் சேனலுக்குப் பேட்டி அளித்த டிடி, "தமிழ்நாட்டில், எந்த இடத்திற்கும் ஈசியாகச் சென்றுவிட முடியாது. பொது இடங்களில் மக்கள், திடீரெனக் காலில் விழுந்து ஆசீர்வாதம் வாங்குவார்கள். அது எனக்கு ரொம்ப சங்கடமாக இருக்கும். பேருந்து, ஆட்டோ போன்றவற்றில் பயணம் செய்ய ஆசையாக இருந்தாலும், அதைத் தவிர்க்க வேண்டி உள்ளது," என்று உருக்கத்துடன் கூறினார்.

கலா மாஸ்டர்: கலைஞர் தொலைக்காட்சியில், ஒளிபரப்பான ஒரு நடன நிகழ்ச்சியில் நடுவராக இருந்த கலா மாஸ்டர் குறித்துப் பேசிய டிடி, "கலா மாஸ்டர் ரொம்ப ஸ்ட்ரிக்ட் ஆன ஆள். அவர், நான் நிகழ்ச்சிகளைத் தொகுத்து வழங்கும்போது, எந்தத் தவறும் செய்துவிடக் கூடாது என்று எனக்குப் பல விஷயங்களைக் கற்றுக்கொடுத்தார்," என்று கூறினார்.

தனது தனிப்பட்ட வாழ்க்கையில், பல துயரங்களைக் கண்ட டிடி, தனது தன்னம்பிக்கையால், மீண்டும் எழுந்து, தனது கலைப் பயணத்தைத் தொடர்ந்து வருகிறார். இடையில் அவர் சமீபத்தில் பேசிய பேட்டி இணையத்தில் வைரலாகி வருகிறது.