Anushka: 44 வயதில் அனுஷ்காவுக்கு கல்யாணம்.. அதுவும் மாப்பிள்ளை யார் தெரியுமா? லீக்கான தகவல்

Updated: Saturday, March 14, 2026, 9:43 [IST]

Subscribe to Oneindia Tamil

சென்னை: தென்னிந்திய சினிமாவில் பல ஆண்டுகளாக ரசிகர்களின் மனதில் தனி இடம் பிடித்தவர் அனுஷ்கா (Anushka Shetty). பல ஹிட் படங்கள், வித்தியாசமான கதாபாத்திரங்கள், அசத்தலான நடிப்பு - இவையெல்லாம் சேர்ந்து அவரை ரசிகர்கள் "ஸ்வீட்டி" என்று அழைக்கும் அளவுக்கு நேசிக்க வைத்தது.

இப்போது இவரைப் பற்றிய ஒரு செய்தி தான் ரசிகர்களிடம் பெரிய சந்தோஷத்தை ஏற்படுத்தியுள்ளது. அதாவது, அனுஷ்காவுக்கு இந்த வருடம் திருமணம் நடக்கலாம் என்ற தகவல் தெலுங்கு திரையுலக வட்டாரத்தில் பேசப்பட்டு வருகிறது.

உடல் எடை பிரச்சனை

அனுஷ்கா தனது கேரியரில் பல முக்கியமான படங்களில் நடித்துள்ளார். குறிப்பாக பாகுபலி Baahubali போன்ற பெரிய படங்கள் மூலம் உலக அளவிலும் ரசிகர்களை பெற்றார். ஆனால் அதற்கு முன்பு நடித்த இஞ்சி இடுப்பழகி திரைப்படத்திற்காக அவர் உடல் எடையை அதிகரித்தது அனைவருக்கும் தெரிந்த விஷயம்.

அந்த படத்திற்குப் பிறகு உடல் எடையை குறைக்க அனுஷ்கா பல வருடங்களாக சிகிச்சை மற்றும் பயிற்சியில் இருந்ததாக கூறப்பட்டது. அதனால் சில காலம் அவர் படங்களில் அதிகமாக நடிக்கவில்லை என்றும் பேசப்பட்டது.

மீண்டும் பிஸியாகும் அனுஷ்கா

சில வருட இடைவெளிக்குப் பிறகு தற்போது அனுஷ்கா மீண்டும் படங்களில் கவனம் செலுத்தி வருகிறார். நல்ல கதைகள் வந்தால் மட்டும் தான் நடிப்பேன் என்ற நிலைப்பாட்டில் இருப்பதால் அவர் தேர்வு செய்யும் படங்களும் ரசிகர்களிடம் எதிர்பார்ப்பை உருவாக்குகிறது.

பிரபாஸ் - அனுஷ்கா காதல் கிசுகிசு

அனுஷ்கா பற்றி பேசும்போது ஒரு விஷயம் தவறாமல் வரும். அது அவருக்கும் நடிகர் பிரபாஸ்க்கும் இடையே வந்த காதல் கிசுகிசுக்கள் தான். இருவரும் பல படங்களில் சேர்ந்து நடித்ததால் அவர்களுக்குள் காதல் இருக்கலாம் என்ற பேச்சு நீண்ட காலமாக இருந்து வந்தது. குறிப்பாக பாகுபலி காலத்தில் அந்த பேச்சு இன்னும் அதிகமாக பரவியது. ஆனால் இருவரும் பல முறை, "நாங்கள் நல்ல நண்பர்கள் மட்டுமே" என்று விளக்கம் கொடுத்துவிட்டார்கள்.

44 வயதிலும் ரசிகர்களின் கேள்வி

இப்போது 40 வயதைக் கடந்த அனுஷ்காவிடம் ரசிகர்கள் தொடர்ந்து கேட்கும் ஒரு கேள்வி மட்டும் தான் - "உங்களுக்கு எப்போது கல்யாணம்?" என்பதுதான். அந்த கேள்விக்கான பதில் இந்த வருடம் கிடைக்கலாம் போல ஒரு தகவல் வெளியாகி உள்ளது.

தொழிலதிபருடன் திருமணம்?

தெலுங்கு மீடியாவில் வெளியாகியுள்ள தகவல்களின் படி, அனுஷ்காவுக்கு இந்த வருடம் திருமணம் நடக்க வாய்ப்பு இருப்பதாக கூறப்படுகிறது. அவர் ஒரு தொழிலதிபரை திருமணம் செய்ய இருக்கிறார் என்றும், அந்த நபர் அனுஷ்காவின் குடும்பத்திற்கு தூரத்து உறவாக இருப்பதாகவும் செய்திகள் வெளியாகியுள்ளன.

இரு குடும்பங்களும் இந்த விஷயத்தில் பேசி முடிவு செய்யும் கட்டத்தில் இருப்பதாகவும், திருமண ஏற்பாடுகள் குறித்து ஆரம்ப கட்ட ஆலோசனைகள் நடந்து வருவதாகவும் கூறப்படுகிறது.

அதிகாரப்பூர்வ அறிவிப்பு

ஆனால் இந்த தகவல்கள் அனைத்தும் தற்போது வரை வதந்தி மட்டுமே. அனுஷ்கா அல்லது அவரது குடும்பம் இதுகுறித்து எந்த அதிகாரப்பூர்வ அறிவிப்பையும் வெளியிடவில்லை. அதனால் உண்மையில் திருமணம் நடக்கிறதா இல்லையா என்பது குறித்து உறுதி ஆக வேண்டுமெனில், அனுஷ்கா தரப்பிலிருந்து அறிவிப்பு வர வேண்டும் என்பதே ரசிகர்களின் எதிர்பார்ப்பு.

எதுவாக இருந்தாலும், பல ஆண்டுகளாக ரசிகர்களின் மனதில் இடம் பிடித்த அனுஷ்கா (Anushka Shetty) வாழ்க்கையின் அடுத்த கட்டத்திற்கு செல்லப் போகிறாரா என்ற கேள்வி தற்போது திரையுலகில் பெரிய பேசுபொருளாக மாறி உள்ளது. அதற்கான அதிகாரப்பூர்வ தகவல் வந்தால் தான் ரசிகர்களின் காத்திருப்புக்கும் முடிவு கிடைக்கும்.