யாருங்க இது? அறந்தாங்கி நிஷாவா! ஆளே அடையாளம் தெரியாம மாறிட்டாங்களே!
சென்னை: 14 கிலோ வரை ஆளே அடையாளம் தெரியாமல் மாறி போயிருக்கிறார் அறந்தாங்கி நிஷா! அவருக்கு என்ன ஆனது, எப்படி உடல் எடையை குறைத்தார்?
நகைச்சுவையில் மனோரமா, கோவை சரளா, உள்ளிட்டோரை தவிர யாராலும் சாதிக்க முடியாது என இருந்த போது என்னால் முடியும் என அறங்தாங்கியில் இருந்து வந்தவர்தான் நிஷா.
இவருடைய தமிழ் உச்சரிப்பு நன்றாக இருக்கும். இவர் கருப்பாகவும் சற்று குண்டாகவும் காணப்படுவார். ஆனால் திறமையில் இவரை யாராலும் அடித்துக் கொள்ள முடியாது. அந்த அளவுக்கு ஸ்டான்ட் அப் காமெடியில் கலக்கினார்.
கலக்க போவது யாரு நிகழ்ச்சியில் பழனி, நிஷா காம்பினேஷன் நன்றாக இருக்கும். அது போல் ராமருடன் இணைந்தும் நிஷா நிறைய ஷோக்களை செய்துள்ளார். தற்போது விஜய் டிவியின் ஒரு அங்கமாகவே மாறிவிட்டார். இவர் ராமர் வீடு, மிஸ்டர் அன்ட் மிஸஸ் சின்னத்திரை, குக் வித் கோமாளி உள்ளிட்ட நிகழ்ச்சிகளை தொகுத்து வழங்கினார்.
அது போல் பிக்பாஸ் நிகழ்ச்சியிலும் இவர் கலந்து கொண்டார். சின்னத்திரையில் அனைவரையும் வயிறு குலுங்க சிரிக்க வைத்த இவர், மாரி 2, ஆண் தேவதை, கோலமாவு கோகிலா, திருச்சிற்றம்பலம், ஜெயிலர் உள்ளிட்ட படங்களில் நடித்துள்ளார். அது போல் ராயனிலும் நடித்துள்ளார்.
நிஷா நடித்தோம், சம்பாதித்தோம் என இல்லாமல் சமூக சேவைகளையும் செய்து வருகிறார். மிக்ஜாம் புயலின் போது நிஷா நிறைய பேருக்கு உதவிகளை செய்துள்ளார். சினிமா பின்னணியே இல்லாமல் கஷ்டப்பட்டு முன்னுக்கு வந்துள்ளார் நிஷா. இவர் விஜய் டிவியில் நிகழ்ச்சியை தொகுத்தும் வழங்கி வருகிறார்.
கலக்க போவது யாரு சீசன் 10 நிகழ்ச்சியை இவர்தான் தொகுத்து வழங்கி வருகிறார். இவர் தற்போது அதிக உடல் எடை கூடி காணப்படுகிறார். இந்த நிலையில் கடுமையான டயட்டில் இருந்து 50 நாட்களில் 14 கிலோ வரை உடல் எடையை குறைத்துள்ளார். அவர் பழைய புகைப்படத்தையும் உடல் எடை குறைத்தவுடன் இருக்கும் புகைப்படத்தையும் போட்டு ஒப்பிட்டு காட்டியுள்ளார். ஏதோ ஒரு அகாதெமியில் சேர்ந்து இவர் தனது உடல் எடையை டயட் மற்றும் எளிய உடற்பயிற்சிகள் மூலம் குறைத்துள்ளார்.
Click it and Unblock the Notifications
Sign in with Google