பாக்கியலட்சுமி சீரியல் ஜெனி காதலிக்கிறாரா? அதுவும் அந்த நடிகரா? இது புது ட்விஸ்ட்
சென்னை: விஜய் டிவியில் ஒளிபரப்பாகி வரும் பாக்கியலட்சுமி சீரியலில் ஜெனி கேரக்டரில் நடிகை திவ்யா கணேஷ் நடித்து வருகிறார். அவர் அந்த சீரியலில் அவரோடு நடிக்கும் நடிகரை காதலித்து வருவதாக செய்திகள் வலம் வருகிறது. இது பற்றி பார்க்கலாம்.
சீரியல் ஆக இருந்தாலும் சரி சினிமாவாக இருந்தாலும் சரி ஒன்றாக நடிப்பவர்கள் காதலித்து திருமணம் செய்து கொள்வது ஒன்றும் புதிய செய்தி கிடைத்தது. இது பல காலமாக நடக்கிறது. சமீபத்தில் கூட சின்னத்திரையில் அடுத்தடுத்து பல ஜோடிகள் தங்களுடைய காதலை அறிவித்து வருகிறார்கள். சமீபத்தில் சிறகடிக்க ஆசை சீரியலில் முத்து கேரக்டரில் நடித்து வரும் நடிகர் வெற்றி வசந்த் தான் விஜய் டிவியில் பொன்னி சீரியலில் நடிக்கும் வைஷ்ணவியை காதலிப்பதாக அறிவித்திருந்தார்.
அதைத் தொடர்ந்து அடுத்த வாரமே தங்களுக்கு எங்கேஜ்மென்ட் என்று சொல்லி இருந்தார். அதுபோல கடந்த ஞாயிற்றுக்கிழமை இவர்களுடைய எங்கேஜ்மென்ட் எளிமையாக நடைபெற்றது. அதை தொடர்ந்து இப்போது இன்னொரு புதிய செய்தி ஒன்று வலம் வருகிறது. அதாவது பாக்கியலட்சுமி சீரியலில் ஜெனி கேரக்டரில் நடிக்கும் நடிகை திவ்யா கணேஷ் அந்த சீரியலில் அவருக்கு ஜோடியாக செழியன் கேரக்டரில் நடிக்கும் நடிகர் விகாஷ் சம்பத் என்பவரை காதலிப்பதாக செய்திகள் வலம் வருகிறது.
பாக்கியலட்சுமி சீரியலில் ஆரம்பத்தில் செழியன் கேரக்டரில் நடிகர் ஆரியன் நடித்து வந்தார். அவர் நடிகை ஷபானாவை காதலித்து திருமணம் செய்து கொண்ட பிறகு சில மாதங்களில் இந்த சீரியலில் இருந்து விலகி விட்டார். பிறகு ஜீ தமிழில் மீனாட்சி பொண்ணுங்க சீரியலில் கதாநாயகனாக நடித்திருந்தார். அதே நேரத்தில் விகாஸ் சம்பத் பாக்கியலட்சுமி சீரியலில் ஆரியனுக்கு பதிலாக தொடர்ந்து நடித்து வருகிறார்.
இந்த நிலையில் திவ்யா கணேஷ் மற்றும் விகாஸ் இருவரும் காதலிப்பதாக இணையத்தில் செய்திகள் வெளியாகி வருகிறது. திவ்யா கணேஷுக்கு ஏற்கனவே நடிகர் மற்றும் தயாரிப்பாளரான ஆர்கே சுரேஷ் உடன் எங்கேஜ்மென்ட் நடைபெற்றது. பிறகு சில காரணங்களால் திருமணம் நடக்கவில்லை. ஆர்கே சுரேஷ்க்கு வேறு ஒரு பெண்ணோடு திருமணம் நடைபெற்று அவருக்கு இப்போது குழந்தைகளும் இருக்கிறது.
ஆனால் திவ்யா கணேஷ் இப்ப வரைக்கும் சிங்கிளாக தான் இருந்து வருகிறார். இந்த நிலையில் அவர் விகாஷை காதலிப்பதாக செய்திகள் பரவுகிறது ஆனால் இந்த செய்தியை திவ்யாவோ அல்லது விகாஷோ இன்னும் அறிவிக்கவில்லை. விகாஷுக்கு ஏற்கனவே திருமணம் ஆகி விட்டது. அவர் தன்னுடைய இன்ஸ்டாகிராம் பக்கத்தில் கடந்த 2020 ஆம் ஆண்டு தன்னுடைய முதலாவது திருமண நாளை கொண்டாடி தன்னுடைய மனைவியோடு எடுத்த புகைப்படத்தை பகிர்ந்து இருக்கிறார்.
அவருடைய மனைவியின் பெயர் அம்ருதா என்று அதில் குறிப்பிட்டு இருக்கிறார். அந்த புகைப்படங்கள் கூட இப்போதும் அவருடைய இன்ஸ்டாகிராம் பக்கத்தில் இருக்கும் நிலையில் தற்போது அவர் திவ்யா கணேஷை காதலிப்பதாக செய்திகள் வலம் வருகிறது. இது குறித்து திவ்யா கணேஷ் விரைவில் விளக்கம் கொடுப்பார் என்று எதிர்பார்க்கப்படுகிறது.
Click it and Unblock the Notifications
Sign in with Google