கோபி வெளியிட்ட அந்த வீடியோவால் அசிங்கப்படுத்திய ரசிகர்கள்.. காரணம் அது தானாம்..மனிதாபிமானம் பெருசு!

Updated: Wednesday, April 12, 2023, 17:01 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வரும் பாக்கியலட்சுமி சீரியலில் நடிகர் சதீஷ், கோபி கேரக்டரில் நடித்து வருகிறார்.

சமூக வலைதளத்தில் தான் நாய்களுக்கு உணவு வழங்கும் வீடியோக்களை வெளியிடுவதால் பலர் திட்டி வருவதாக கூறியிருக்கிறார்.

உடல்நிலை சரியில்லாத நாய்களை தெருவில் விட்டு விடாதீர்கள் என்று உருக்கமாக சதீஷ் ரசிகர்களிடம் வேண்டுகோள் வைத்து இருக்கிறார்.

Baakiyalakshmi serial Gobi has said that some have criticized the video of her feeding the dogs

பொதுவாக வில்லனாக நடிப்பவர்களை வில்லனாகவே ரசிகர்கள் மனதில் பதிய வைத்து விடுகிறார்கள். ஹீரோவாக நடித்தால் அவர்தான் உண்மையான ஹீரோ என்று நினைத்து கொண்டிருக்கிறார்கள். அந்த மாதிரி தான் தற்போது விஜய் டிவியில் ஒளிபரப்பாகி வரும் பாக்கியலட்சுமி சீரியலில் கோபி கேரக்டரும் ரசிகர்களின் மனதில் பதிந்து இருக்கிறார். இவர் இந்த சீரியலில் பாக்கியாவை விவாகரத்து செய்து விட்டு தனக்கு மனதிற்கு பிடித்த ராதிகாவை இரண்டாவதாக திருமணம் செய்து இருக்கிறார்.

முதலில் இவரை அதிகமான ரசிகர்கள் திட்டி வருகின்றனர். ஒரு பக்கம் இவர் படும் பாடை பார்த்து இவருக்கு ரசிகர்கள் அதிகரித்துக் கொண்டு இருந்தாலும், இவர் தன்னை திட்டும் ரசிகர்களுக்கு அடிக்கடி விளக்கம் கொடுத்து வீடியோக்களையும் வெளியிட்டு வருகிறார். தினமும் குட் மார்னிங் ஃபிரண்ட்ஸ் என்று ரசிகர்களுக்கு வாழ்த்து கூறி அன்றைய தத்துவம் அல்லது தன்னுடைய வாழ்க்கையில் நடந்த நிகழ்வுகளை ரசிகர்களோடு பகிர்ந்து கொண்டிருக்கிறார்.

இந்த மாதிரி தான் சமீபத்தில் கூட ஒரு வீடியோ ஒன்றை வெளியிட்டு இருக்கிறார் அதில் வீட்டில் பாசமாக வளர்க்கும் நாய்கள் நோய்வாய்ப்பட்ட பிறகு அவைகளை ஒரு குறிப்பிட்ட இடத்தில் கொண்டு போய் விடுவது நல்ல விஷயம் அல்ல. அது ஒரு தவறு. அதோடு ஒரு நாயை வளர்த்தால் அதற்கு அம்மா அப்பா நாம் தான். அதனால் நாய்களுக்கு ஏதாவது நோய் வந்தால் அதற்கு உரிய மருத்துவம் வழங்குமாறு அந்த வீடியோவில் வேண்டுகோள் வைத்து இருக்கிறார்.

இது போன்ற நாய்களுக்கு உணவளித்து அதனை வீடியோவாக பதிவேற்றும் இப்போது பலர் என்னை பார்த்து ஆரம்பத்தில் காரி துப்புவார்கள் என்றும் தெரிவித்திருக்கிறார். தற்போது இந்த வீடியோ சமூக வலைத்தளத்தில் வெளியான நிலையில், என்னது கோபிக்கு இந்த நிலைமையா? நாய்களுக்கு உணவு வைத்தாலும் திட்டுவார்களா? என்று பலர் கருத்துக்களில் கேள்வி கேட்டு வருகிறார்கள்.