பாக்யாவிற்காக கோபியை அடிக்க பாய்ந்த செழியன்.. ராதிகா எடுக்கப் போகும் முடிவு? பரபரப்பான தருணம்

Updated: Friday, May 12, 2023, 12:04 [IST]

Subscribe to Oneindia Tamil

சென்னை: பாக்கியலட்சுமி சீரியலில் கோபி பாக்கியா கேரக்டரை பற்றி தவறாக பேச எழில் மற்றும் செழியன் கோபம் அடைகின்றனர்.

பாக்யா யாருக்காக இப்படி அலங்காரம் பண்ணிக்கொண்டு இருக்கிறாய் என்று கோபி கேள்வி கேட்கிறார்.

செழியன் நடவடிக்கையை பார்த்து மொத்த குடும்பமும் அதிர்ச்சி அடைகின்றனர்.

Baakiyalakshmi Serial May 12th and 13th Promo

விஜய் டிவியில் ஒளிபரப்பாகி வரும் பாக்கியலட்சுமி சீரியலில் எதிர்பாராத திருப்பங்கள் நடைபெறுவதற்கான ப்ரோமோ வெளியாகியிருக்கிறது. மே 12 மற்றும் 13ஆம் தேதிக்கான ப்ரோமோவில் ராதிகாவை திட்டிய ஈஸ்வரி இடம் ராதிகாவை கூட்டிக்கொண்டு வந்து கோபி கேள்வி கேட்கிறார்.

எதுக்கு நீங்க ராதிகாவை சும்மா சும்மா திட்டி கிட்டே இருக்கீங்க என்று ராதிகாவுக்கு ஆதரவாக ஈஸ்வரியை திட்டுகிறார் கோபி. பிறகு பாக்கியா பாக்கியா என்று தலையில் தூக்கி வைத்துக் கொண்டே இருக்கிறீங்க. இங்க இவ கிளாசுக்கு போயிட்டு வரேன்னு சொல்லிட்டு எங்கேயோ போயிட்டு வரா.. முடியை கட் பண்ணி கொள்கிறார் அப்படி இப்படின்னு ஏதாவது செஞ்சுக்கிட்டே இருக்கிற எல்லாமே அந்த ஆளு கூட பழகுறதுக்காக தானே இப்படி அலைகிறா என்று பாக்யாவை பார்த்து திட்டுகிறார்.

இதைக் கேட்ட அதிர்ச்சி கோபமான எழில், என்னையா சொல்ற என்று கோபியின் சட்டையை பிடித்து அடிக்க பாய்கிறார். அப்போது செழியன் குறுக்கே வந்து எழிலை பிடித்து தள்ளி கோபியின் சட்டையை பிடித்து அடிக்க கை ஓங்குகிறார். அதோடு இனிமே எங்க அம்மாவ பத்தி தப்பா பேசினீங்க தொலைச்சுருவேன் என்று கோபமாக மிரட்டுகிறார்.

பொறுமையை இழந்து எரிமலையாக வெடித்த செழியன் என தற்போது வெளியாகி இருக்கும் ப்ரோமோ வைரலாகி வருகிறது. இந்த நிலையில் கோபி சொன்ன வார்த்தைகளை கேட்டு அதிர்ச்சியாகி நிற்கும் ராதிகா அடுத்து செழியன் அடிக்க கை ஓங்கி இருக்கும் நிலையில் என்ன முடிவெடுக்க போகிறார் என்ற எதிர்பார்ப்பும் இருக்கிறது.

ஏற்கனவே ராதிகா மீது தனக்கு இருக்கும் நம்பிக்கையும் பாசத்தையும் பாக்யா வெளிப்படுத்தி இருக்கும் நிலையில் பாக்கியாவை பற்றி கோபி தவறாக பேசுவதை தட்டிக் கேட்பாரா? அல்லது கோபியை எப்படி அடிக்கலாம் என கோபிக்கு ஆதரவாக ராதிகா பேச இருக்கிறாரா? என்று பொறுத்திருந்து பார்க்கலாம். அதே நேரத்தில் பாக்யா மற்றும் பழனிச்சாமி குறித்து கோபி பேசும் வார்த்தைகளை கேட்டு ஈஸ்வரி இனி என்ன முடிவு எடுக்கப் போகிறார் என்று எதிர்பார்ப்பும் ரசிகர்களிடம் இருக்கிறது.