பாக்கியலட்சுமி சீரியல் செல்வியின் மகன் இந்த பிரபலமா? வெளிவந்த பல தகவல்கள்.. இதை கவனிச்சீங்களா?

Updated: Thursday, May 11, 2023, 15:49 [IST]

Subscribe to Oneindia Tamil

சென்னை: பாக்கியலட்சுமி சீரியலில் செல்வி கேரக்டரில் கம்பம் மீனா நடித்து வருகிறார்.

இவர் சீரியலில் மட்டுமல்லாமல் திரைப்படங்களிலும் சில ஷார்ட் பிலிம்களிலும் நடித்துக் கொண்டிருக்கிறார்.

இந்த நிலையில் அவருடைய குடும்ப புகைப்படத்தை தற்போது சமூக வலைத்தளத்தில் பதிவிட்டிருக்கிறார்.

விஜய் டிவியில் ஒளிபரப்பாகி வரும் பாக்கியலட்சுமி சீரியல் ரசிகர்களின் மத்தியில் நல்ல வரவேற்பை பெற்று வருகிறது. இந்த சீரியலில் நடிக்கும் நடிகர்கள் அந்த கேரக்டர்களின் படியே பிரபலமடைந்து வருகின்றனர். அதில் கதாநாயகியாக பாக்கியா இருந்தாலும் கதாநாயகிக்கு துணையாக இருந்து வரும் செல்வி கேரக்டரும் அதிகமாக இப்போது ரசிகர்களிடம் பிரபலம் அடைந்து இருக்கிறார்.

Baakiyalakshmi Serial selvi character plays Kambam Meena Family photos

இந்த வகையில் பாக்கியலட்சுமி செல்வியாக நடிக்கும் கம்பம் மீனா இந்த சீரியலில் இதே விஜய் டிவியில் ஒளிபரப்பாகி வரும் பாண்டியன் ஸ்டோர் சீரியலில் ஐஸ்வர்யாவின் சித்தி ஆகவும் குடும்பத்திற்குள் பிரச்சினையை செய்து குழப்பத்தை ஏற்படுத்தும் நபராகவும் நடித்து வருகிறார். அதுபோல ஜீ தமிழில் ஒளிபரப்பாகி வரும் சீதாராமன் சீரியலிலும் நடித்துக் கொண்டிருக்கிறார்.

ஆரம்பத்தில் இவர் பாக்கியலட்சுமி சீரியலில் அறிமுகமாகும் போது இவருடைய குரலை வைத்தும், இவருடைய உடல் மொழியை வைத்து பலர் கலாய்த்து வந்தனர். ஆனால் இப்போது அதிகமானோர் இவருடைய கேரக்டரை பாராட்டி வருகின்றனர். தன்னுடைய நடிப்பால் பலரையும் கவர்ந்திருக்கிறார் இவர் சீரியல் மட்டும் அல்லாமல் சில திரைப்படங்களிலும் நடித்திருக்கிறார்

கம்பம் மீனா பத்தாம் வகுப்பு படித்துக் கொண்டிருக்கும் போது திருமணம் செய்து வைத்து விட்டார்களாம்.பிறகு இரண்டு குழந்தைகளுக்கு தாயாகி இருக்கிறார். பிறகு குடும்ப சூழ்நிலையால் இவர் எல்ஐசி ஏஜெண்டாக வேலைக்கு செய்து இருக்கிறார். அப்போதுதான் இவருக்கு பாரதிராஜா இயக்கத்தில் வெளியான தெக்கத்தி பொண்ணு எனும் சீரியலில் நடிக்க வாய்ப்பு கிடைத்திருக்கிறது. அந்த சீரியலின் மூலமாக இவர் பிரபலமடைந்திருக்கிறார்.

அதற்குப் பிறகு தமிழில் 75க்கும் மேற்பட்ட திரைப்படங்களில் நடித்திருக்கிறார். அதில் சிலம்பாட்டம், வெடிகுண்டு முருகேசன், மாயாண்டி குடும்பத்தார், முண்டாசுப்பட்டி, களவாணி, சகுனி போன்ற திரைப்படங்களும் இருக்கிறது. இந்த நிலையில் வெள்ளி திரையிலும் சின்ன திரையிலும் கிடைக்கும் வாய்ப்புகளில் எல்லாம் நடித்து வரும் கம்பம் மீனா தன்னுடைய குடும்ப புகைப்படத்தையும் அடிக்கடி இணையதளத்தில் வெளியிட்டு வருகிறார்.

இந்த நிலையில் அவருடைய மகனுக்கு திருமணம் முடிந்த புகைப்படங்களும், மருமகள் கர்ப்பமாக இருக்கும் புகைப்படங்களும் வெளியிட்டு ரசிகர்களுக்கு அதிர்ச்சி கொடுத்திருக்கிறார். இவருக்கு இவ்வளவு பெரிய பிள்ளைகள் இருக்கிறார்களா? என்று கேள்வி எழுப்பி வருகிறார்கள். கம்பம் மீனாவின் மகன் பிசினஸ் செய்து வருவதாகவும், சினிமா வாய்ப்புக்காக முயற்சி செய்து கொண்டிருப்பதாகவும் கூறியிருந்தார்.

சமீபத்தில் இயக்குனர் ரவீந்தர் தன்னுடைய சமூக வலைத்தள பக்கத்தில் லைவில் ரசிகர்களோடு பேசிக் கொண்டிருக்கும்போது அதில் கலந்து கொண்ட கம்பம் மீனாவின் மகன் தன்னை பற்றி பல தகவல்களையும் அதில் தெரிவித்து இருந்தார்.