கணவரை பிரிந்து விட்டேன்.. ஏ.ஆர். ரஹ்மானிடம் வேலை பார்க்கும் Bassist மோகினி டே திடீர் பதிவு

சென்னை: பாசிஸ்ட் அமைப்பாளர், ஏற்பாட்டாளர் மற்றும் தயாரிப்பாளராக பிரபலமடைந்த மோகினி டே கணவர் மார்க் என்பவரை பிரிந்து விட்டதாக இன்ஸ்டாகிராம் பக்கத்தில் அறிவிப்பு வெளியிட்டு இருக்கிறார். மோகினி டே இசையமைப்பாளர் ஏ ஆர் ரஹ்மானிடம் வேலை பார்ப்பவர்தான்.

சமீப காலமாகவே பல பிரபலங்கள் தொடர்ச்சியாக விவாகரத்து செய்தி வெளியிட்டு ரசிகர்களை அதிர்ச்சி அடைய வைத்திருக்கிறார்கள். நேற்று யாரும் எதிர்பார்க்காத நேரத்தில் இசையமைப்பாளர் ஏ.ஆர் ரகுமானின் மனைவி சாய்ரா பானு தான் ஏ.ஆர் ரகுமானை பிரிவதாக அறிவித்திருந்தார்.

அதை தொடர்ந்து ஏ ஆர். ரஹ்மானும் அந்த செய்தி உண்மை என்பதை அறிவித்திருந்தார். இந்த செய்தி பெரிய அளவில் பரபரப்பாக பேசப்பட்டு வருகிறது. இந்த நிலையில் நேற்று சாய்ரா பதிவு வெளியிடுவதற்கு முன்பே ஏ.ஆர் ரகுமானிடம் வேலை பார்க்கும் மோனிடே என்பவரும் தன் விவாகரத்து செய்தியை அறிவித்து இருக்கிறார்.

மோகினி டேய் பாசிஸ்ட் இசையமைப்பாளராகவும், அந்த நிகழ்ச்சியை ஏற்பாடு செய்தல் மற்றும் தயாரிப்பாளர் பாடகர் என்று பல முகங்களை வைத்திருக்கிறார் சமூக வலைத்தளத்தில் செம ஆக்டிவாக இருக்கிறார். அவரை இன்ஸ்டாகிராம் பக்கத்தில் 522k பாலோவர்ஸ் பின் தொடர்கிறார்கள். தொடர்ச்சியாக தன்னுடைய சமூக வலைதள பக்கங்களில் தான் கச்சேரிகளில் கலந்து கொள்ளும் போது எடுக்கும் புகைப்படங்கள் மற்றும் வீடியோக்களை வெளியிட்டுக் கொண்டிருக்கிறார்.

இந்த நிலையில் அவர் நேற்று தன்னுடைய கணவரை பிரிவதை குறித்து இன்ஸ்டாகிராம் பக்கத்தில் பதிவு வெளியிட்டு இருக்கிறார். அதில் கனத்த இதயத்துடன் இதனை தெரிவித்துக் கொள்கிறோம். மார்க் மற்றும் நானும் பிரிந்து விட்டோம் என்பதை அறிவிக்கிறோம். முதலில் எங்கள் நண்பர்கள் மற்றும் குடும்பத்தினருக்கு சொல்ல விரும்புகிறேன். நாங்கள் இருவரும் பேசி பரஸ்பரமாக இந்த முடிவு எடுத்திருக்கிறோம்.

எங்களுக்கு வாழ்க்கையில் வெவ்வேறு விஷயம் பிடித்திருக்கிறது. அதனால் மனமுவந்து பிரிந்து விடுவது தான் சரி என்ற முடிவுக்கு வந்திருக்கிறோம். இனி நாங்கள் நண்பர்களாக இருப்போம். MaMoGi மற்றும் Mohini day சேர்ந்தே நாங்கள் வேலை செய்வோம். நாங்கள் ஒன்றாக சேர்ந்து வேலை செய்வதில் எப்பொழுதுமே பெருமையாக இருக்கும் எனவே அது தற்போதைக்கு நிற்காது.

உங்களின் அனைவருடைய ஆதரவுக்கு நன்றி நாங்கள் எடுத்த முடிவை தயவு செய்து கௌரவித்து இந்த நேரத்தில் எங்களிடம் பாசிட்டிவாக இருக்க வேண்டுகிறேன். எங்களின் தனிப்பட்ட சுய விருப்பங்களை நீங்கள் மதிக்க வேண்டுகிறேன். நீங்கள் எதையும் தவறாக கணிக்காமல் இருந்தால் நன்றாக இருக்கும் என்று அந்த பதிவில் கூறி இருக்கிறார்.

English summary

Mohini Dey, who became famous as a bassist arranger, arranger and producer, has taken to her Instagram page to announce that she has separated from her husband Mark. Mohini Dey worked under music composer AR Rahman.