பக்தி சூப்பர் சிங்கரில் டைட்டில் வெற்றி பெற்ற பிரபலம்! பக்தி மணம் கமழ, உணர்வுபூர்வமான இசைப் பயணம்!

Updated: Monday, July 28, 2025, 7:38 [IST]

Subscribe to Oneindia Tamil

சென்னை: விஜய் தொலைக்காட்சியில் தெய்வீக இசை மணம் கமழ, பல வாரங்களாகப் பக்தியையும் இசையையும் ஒருசேரப் பரப்பிய 'பக்தி சூப்பர் சிங்கர் சீசன் 1' நிகழ்ச்சி தனது பிரம்மாண்டமான இறுதிப் போட்டியுடன் நேற்று (ஜூலை 27, 2025) கோலாகலமாக முடிவடைந்தது. அக்ஷதா தாஸ் தொகுத்து வழங்கிய இந்த இறுதிச் சுற்றில், ரசிகர்கள் ஆவலோடு எதிர்பார்த்த 'பக்தி சூப்பர் சிங்கர்' பட்டத்தை, தனது விதிவிலக்கான குரல் வளத்தால் "ஷ்ரவன் நாராயண்" தட்டிச் சென்றார்.

இறுதிச்சுற்றில் மின்னிய நட்சத்திரங்கள்

கடும் போட்டி நிறைந்த இந்த இசைப் பயணத்தில், மொத்தம் ஆறு திறமையான பாடகர்கள் இறுதிச் சுற்றுக்குத் தகுதி பெற்று, மேடையை அலங்கரித்தனர். அவர்களில் வெற்றியாளர் பட்டியலை இங்குப் பார்க்கலாம்:

டைட்டில் வின்னர்: ஷ்ரவன் நாராயண்
முதல் ரன்னர் அப்: அலைனா சஜித்
இரண்டாவது ரன்னர் அப்: கார்த்திக் நாராயணன் மற்றும் பவித்ரா

ஒவ்வொரு குரலும் ஒரு கதை சொன்னது

இறுதிப் போட்டிக்குத் தகுதி பெற்ற ஒவ்வொரு போட்டியாளரும் தங்களது தனித்துவமான பாணியால் நடுவர்களையும், ரசிகர்களையும் கவர்ந்தனர்:

பவித்ரா: தனது உணர்வுபூர்வமான பாடல்களாலும், பாரம்பரிய இசையில் தான் கொண்ட நிபுணத்துவத்தாலும் பவித்ரா அனைவரையும் கட்டிப்போட்டார்.

கார்த்திக் நாராயணன்: பாரம்பரிய பக்தி இசைக்கு ஒரு நவீனத்துவத்தைக் கொண்டு வந்து, தனது பாணியால் கார்த்திக் நாராயணன் ரசிகர்களை வெகுவாக ஈர்த்தார்.

ஷ்ரவன் நாராயண்: அற்புதமான குரல் வரம்பு மற்றும் கட்டுப்பாட்டுடன், பாரம்பரிய மற்றும் நவீன இசைக் கூறுகளின் சரியான கலவையால் ஷ்ரவன் ரசிகர்களைக் கவர்ந்து, 'பக்தி சூப்பர் சிங்கர்' வெற்றியாளராக மகுடம் சூட்டப்பட்டார்.

அலைனா சஜித்: தனது தெளிவான குரல் வளத்தாலும், சரியான சுருதியுடனும், பக்திப் பாடல்களில் உண்மையான உணர்வையும், ஆன்மீகத்தையும் வெளிப்படுத்திய விதத்தால் அலைனா சஜித் ரசிகர்களின் மனதைக் கவர்ந்தார்.

மௌஷ்மி: தனது ஒவ்வொரு மேடை நிகழ்ச்சிக்கும் ஒரு தனி அழகையும், நேர்த்தியையும் கொண்டு வந்து, தனது பாரம்பரிய இசைப் பயிற்சியால் ஆழமான ஆன்மீக உணர்வை வெளிப்படுத்தினார்.

அகிலா ரவீந்திரன்: தனது துடிப்பான நிகழ்ச்சிகள் மற்றும் பன்முகப் பாடும் பாணியால் அகிலா ரவீந்திரன் ரசிகர்களின் விருப்பமான போட்டியாளராக விளங்கினார்.

இந்த 'பக்தி சூப்பர் சிங்கர்' சீசன், இளம் தலைமுறையினரிடையே பக்தி இசையின் மீதான ஆர்வத்தை அதிகரித்து, பல திறமையான கலைஞர்களுக்கு ஒரு பெரிய மேடையை அமைத்துக் கொடுத்தது என்றால் அது சற்றும் மிகையாகாது. இந்த நிகழ்ச்சி, ஆன்மீகத்தையும் இசையையும் ஒன்றிணைத்து, ஒவ்வொரு வாரமும் ரசிகர்களுக்கு ஒரு தெய்வீக அனுபவத்தை வழங்கியது.

சர்ச்சை

இந்த நிகழ்ச்சி சில நேரங்களில் சர்ச்சைகளிலும் சிக்கியது. இந்த நிகழ்ச்சியின் ஆரம்பத்திலேயே இதற்கு வந்து விஜய் டிவியில் டைட்டில் வெற்றி பெற்ற போட்டியாளர்கள் கூட இதில் போட்டியாளர்களாக வருகிறார்கள், அப்போது எந்த அனுபவமும் இல்லாத போட்டியாளர்களால் ஏற்கனவே டைட்டில் வெற்றி பெற்றவர்களோடு போட்டு ஜெயிக்க முடியுமா? என்ற கேள்விகளும் எழுந்தது. அதுபோல இந்த நிகழ்ச்சியில் தேவகோட்டை அபிராமி கருப்பசாமி பாடலுக்கு பாடியதை கேட்டு நடுவராக இருக்கும் புஷ்பவனம் குப்புசாமி அருள் வந்து சாமி ஆடியது போல செய்தது பெரிய அளவில் விமர்சனங்களையும் சந்தித்தது. இந்த நிகழ்ச்சிக்கு சில விமர்சனங்கள் சந்தித்தாலும் இப்போது வெற்றிகரமாக பினாலே முடிந்திருக்கிறது.