மைண்ட்வாய்ஸ்னு நாம சத்தமா பேசினதை கமல் கேட்டுட்டாரோ?
ரம்யா வெளியேற்றத்தின் போது அதிக சஸ்பென்ஸ் வைக்காமல் டக்கென போட்டுடைத்தார் கமல்.
சென்னை : பிக் பாஸ் வீட்டை விட்டு வெளியேறும் போட்டியாளர் யார் என்பதை அதிக நேரம் எடுத்துக் கொள்ளாமல் இம்முறை டக்கென்று போட்டுடைத்தார் கமல்.
பிக் பாஸ் வீட்டில் இருந்து வாரந்தோறும் ஒவ்வொரு போட்டியாளர் வெளியேறி வருகின்றனர். இது மக்கள் வாக்குகளின் அடிப்படையில் நடைபெறவில்லை என்ற பெரிய குற்றச்சாட்டு உள்ளது.
இது ஒருபுறம் இருக்க ஒவ்வொரு வாரமும் வீட்டை விட்டு வெளியேறப் போகிறவர் யார் என்பதை தெரிவிக்க ஓவர் பில்டப் கொடுத்து அதிக நேரம் எடுத்துக் கொள்கிறார் கமல் என்ற மற்றொரு குற்றச்சாட்டும் உள்ளது.
நிகழ்ச்சியில் பங்கேற்பவர்கள் தான் மொக்கை போடுகிறார்கள் என்றாலும், நீங்களுமா கமல் சார் என்ற ஆதங்கத்தை சமூகவலைதளத்தில் அதிகம் பார்க்க முடிந்தது. நாமும் இது குறித்து செய்தி ஒன்றை வெளியிட்டோம்.
கமல் பார்வைக்கும் இது சென்றடைந்து விட்டது போல, நேற்று டக்கென ரம்யா தான் வீட்டை விட்டு வெளியேறப் போகும் போட்டியாளர் என்பதைப் போட்டுடைத்தார் கமல். அப்போது மக்கள் இது பற்றி பேசுவதாகவும் அவர் குறிப்பிட்டார்.
மக்களுக்குப் பிடிக்கவில்லை என்றதும் கமல் எப்படி டக்கென தனது ஸ்டைலை மாற்றிக் கொண்டாரோ அதேபோல், பிக் பாஸும் மக்களுக்குப் பிடிக்காத அம்சங்களை மாற்றி, நிகழ்ச்சியை நிஜமாகவே விறுவிறுப்பாக்கினால் இன்னும் பார்வையாளர்களின் எண்ணிக்கை கூடும். யோசிப்பீங்களா பிக் பாஸ்?
Click it and Unblock the Notifications
Sign in with Google