ராபர்ட் மாஸ்டர் சொன்னது எல்லாம் பொய்யா? ஆதாரத்தை வெளியிட்ட ரசிகர்கள்..இவர் தான் அவருடைய மகளாம்!?

சென்னை: பிக் பாஸ் நிகழ்ச்சியில் இருக்கும் ராபர்ட் மாஸ்டர் இந்த பிக் பாஸ் நிகழ்ச்சிக்கு வருவதற்கு காரணம் தன் மகள் தன்னைப் பற்றி தெரிந்து கொள்ள வேண்டும் என்று கதை சொல்லி இருந்தார். ஆனால் அதைக் குறித்து தற்போது நெட்டிசன்கள் பல ஆதாரங்களை வெளியிட்டு இருக்கின்றனர்.

தன்னுடைய மகளை கடைசியாக 7 வயதில் பார்த்ததாகவும், ஆனால் அவர் அப்போ தன்னை அங்கிள் என்று அழைத்ததாகவும் கூறி வருத்தப்பட்டு இருந்தார். இந்த நிலையில் இவர் ஒரு குழந்தையோடு இருக்கும் வீடியோவிற்கு வெளியிட்ட கேப்ஷன் தான் பலரையும் நெருட செய்திருக்கிறதாம்.

கதை சொல்லும் டாஸ்க்

பிக் பாஸ் நிகழ்ச்சியில் ஒவ்வொரு சீசனிலும் கதை சொல்லும் டாஸ்க் நடைபெற்று வரும். ஆனால் இந்த ஆறாவது சீசனில் ரசிகர்கள் எதிர்பார்த்த அளவில் கதை சொல்லும் டாஸ்க் அந்த அளவிற்கு இழுத்துக் கொண்டு இருக்க வில்லை. போட்டியாளர்களே சக போட்டியாளர்களின் கதைகளை நிராகரித்து விட்டனர். ஒரு சில போட்டியாளர்களின் கதைகள் மட்டும் தான் வெளியே தெரிந்தது. அந்த வகையில் ராபர்ட் மாஸ்டரின் கதையை கேட்டதும் அனைத்து ரசிகர்களுமே அவருக்கு அனுதாபங்களை வெளியிட்டு வந்தனர்.

ராபர்ட் மாஸ்டரின் கதை

போட்டியாளர்களில் மைனா நந்தினி மட்டும்தான் ராபர்ட் மாஸ்டரின் கதையை நிராகரித்து ரெட் பட்டனை அழுத்தி இருந்தார். மீதம் உள்ள போட்டியாளர்கள் அனைவரும் ராபர்ட் மாஸ்டரின் கதையை கேட்டு பீல் பண்ணிக் கொண்டிருந்தனர். ஆரம்ப காலகட்டத்தில் போலியாவால் பாதிக்கப்பட்டிருந்த ராபர்ட் மாஸ்டர் தந்தையின் உதவியால் உடல்நிலை சரியாகி டான்ஸ் மாஸ்டராக மாறிய பிறகு காதலித்து திருமணம் செய்து கொண்டதாகவும், தான் படிக்கவில்லை என்ற காரணத்தினால் மனைவி தன்னை விட்டு பிரிந்து சென்று விட்டதாகவும், அப்போது இவருக்கு ஒரு பெண் குழந்தை இருந்ததாகவும், தற்போது அவருடைய மனைவி இரண்டாவது திருமணம் செய்து விட்டார். அந்த பெண் குழந்தை ஏழு வயதாக இருக்கும்போது கடை தெருவில் ஒருநாள் இவர் பார்த்ததாகவும் கூறியிருந்தார்.

நெருடலான வார்த்தைகள்

கடை தெருவில் பார்க்கும் போது அவருடைய மனைவி குழந்தையிடம் பாய் அங்கிள் சொல்லு என்று சொன்னதாகவும் ,இவருடைய குழந்தையும் பாய் அங்கிள் என்று சொல்லிவிட்டு கிளம்பி விட்டதாகவும் கூறியிருந்தார் .அதற்குப் பிறகு தன்னுடைய மகள் எப்படி இருப்பார் என்று எனக்கு தெரியாது. நான் இறந்த பிறகாவது என்னுடைய மகள் இடம் நான் தான் அப்பா என்று சொல்லுங்கள் என்று கண்ணீர் மல்க கூறி இருந்தார். ஆஜானுபாகுவாக, கம்பீரமான முக அமைப்பில் இருக்கும் இவர் திடீரென்று குழந்தைத்தனமாக அழுவதை பார்த்த ரசிகர்களால் பொறுத்துக் கொள்ள முடியாமல் தான் இருந்து வந்தது இவருக்கு ஆறுதல்களை பலரும் கூறி வந்தனர்.

இவர்தான் மகளாம்

இந்த நிலையில் இவர் தன்னுடைய இன்ஸ்டாகிராம் பக்கத்தில் வெளியிட்ட பழைய வீடியோ ஒன்றை ரசிகர்கள் பகிர்ந்து வருகிறார்கள். அந்த வீடியோவில் இது என்னுடைய மகள் என்று இவர் கேப்ஷன் கொடுத்திருக்கிறார். ஒரு குழந்தையோடு ராபர்ட் மாஸ்டர் எடுத்துக்கொண்ட புகைப்படங்களும் வீடியோவாக அதில் பதிவாகி இருக்கிறது. அந்த குழந்தை ராபர்ட் மாஸ்டரின் குழந்தை தானா? அல்லது அவருடைய உறவினர்களின் குழந்தையா? என்று ஒரு சில ரசிகர்கள் கேள்விகளை எழுப்பி வருகிறார்கள். இன்னும் ஒரு சிலர் ராபர்ட் மாஸ்டர் ஏற்கனவே தான் வீட்டில் கடைசி பையன் தனக்கு முன்பு அண்ணன்கள் இருப்பதாக குறிப்பிட்டதால், அண்ணன் குழந்தையாக இருக்கலாம் அதனால் கூட என்னுடைய மகள் என்று குறிப்பிட்டு இருக்கலாம் என்று கூறி வருகின்றனர். ஆனால் இதுதான் அவருடைய சொந்த மகளாக இருக்குமோ ஆனால் பிக் பாஸ் நிகழ்ச்சிக்காக ராபர்ட் மாஸ்டர் பொய் சொல்லி விட்டாரா? என்று இன்னொரு தரப்பினர் கேள்விகளை எழுப்பி இருக்கின்றனர்.

English summary

Bigg Boss Tamil Season 6 Robert Master, who is in Bigg Boss, told the story that the reason why he came to this Bigg Boss show was that his daughter wanted to know about him. But now the netizens are publishing many evidences about it. He was upset saying that he last saw his daughter when she was 7 years old, but she called him uncle then. In this situation, the caption that he published for the video of him with a child has made many people close.