மீண்டும் அப்பாவான மகிழ்ச்சியில் பிக் பாஸ் ஆரி.. “ஒன்பது மாதம்”.. உருக்கமாக வெளியிட்ட பதிவு

சென்னை: பிக் பாஸ் நிகழ்ச்சியின் மூலம் பிரபலம் அடைந்த நடிகர் ஆரி தன்னுடைய twitter பக்கத்தில் மகிழ்ச்சியான செய்தியை பகிர்ந்து இருக்கிறார்.

தனக்கு இரண்டாவது குழந்தை பிறந்து இருக்கிறது என்று ஆரி கூறிய தகவலுக்கு ரசிகர்கள் வாழ்த்துக்களை கூறி வருகின்றனர்.

இந்த நிலையில் குழந்தையை குறித்து உருக்கமாக ஆரி கொடுத்த கேப்ஷன் குறித்து ரசிகர்கள் கமெண்ட் கொடுத்து வருகிறார்கள்.

விஜய் டிவியில் ஒளிபரப்பாகி வரும் பிக் பாஸ் நிகழ்ச்சி பலருடைய வாழ்க்கையில் பெரும் திருப்புமுனையை ஏற்படுத்தியிருக்கிறது. ஒரு சிலர் பெரிய அளவில் பிரபலமாகாமல் இருந்தாலும் இந்த நிகழ்ச்சியில் போய் பட்டி தொட்டி எல்லாம் பிரபலம் அடைந்திருக்கின்றனர். திரைப்படங்களில் நடித்து வாங்காத பெயரை கூட இந்த நிகழ்ச்சியில் கலந்து கொண்டு சிலர் தட்டி இருக்கின்றனர்.

அந்த வகையில் ஒருவர்தான் பிக் பாஸ் ஆரி. பிக் பாஸ் ஆரி இந்த நிகழ்ச்சியில் கலந்து கொள்வதற்கு முன்பு சில திரைப்படங்களில் நடித்திருக்கிறார். ஆனால் அது அந்த அளவிற்கு இவருக்கு பெரிய பெயரை வாங்கி கொடுக்கவில்லை. ஆனால் பிக் பாஸ் தமிழ் சீசன் 4 நிகழ்ச்சியில் கலந்து கொண்டு இவர் அதிகமான ரசிகர்களின் மனதை கவர்ந்திருந்தார். இதுவரைக்கும் ஒளிபரப்பான பிக் பாஸ் நிகழ்ச்சிகளில் நான்காவது சீசன் தான் அதிக அளவில் ரசிகர்களால் பார்க்கப்பட்ட நிகழ்ச்சியாகவும் இருந்து வருகிறது.

இயற்கை விதைகளை பாதுகாத்து விவசாயத்தை வளர்க்க வேண்டும் என்று முயற்சி எடுத்துக் கொண்டிருக்கும் ஆரி பிக் பாஸ் தமிழ் சீசன் 4 நிகழ்ச்சியில் டைட்டில் வின்னராக தேர்ந்தெடுக்கப்பட்டிருந்தார். ஆனால் அதைத் தொடர்ந்து அதிகமான திரைப்படங்களில் இவருக்கு வாய்ப்பு கிடைக்காமல் இருக்கிறது. ஒரு சில திரைப்படங்களில் நடித்தாலும் அதுவும் பெரிய அளவில் வெற்றி பெறவில்லை அது அவருடைய ரசிகர்களுக்கு வருத்தத்தை தான் கொடுத்திருக்கிறது.

பிக் பாஸ் நிகழ்ச்சியில் ஆரி இருக்கும்போது அவருடைய மகள் ஃபேமிலி ரவுண்டில் வந்து பலருடைய மனதையும் கவர்ந்திருந்தார். அதுபோல தன்னுடைய பெண் குழந்தையை குறித்தும் ஆரி பெருமையாக பேசியிருந்தார். இந்த நிலையில் பல வருடங்கள் கழித்து இன்று தனக்கு ஆண் குழந்தை பிறந்திருக்கிறது என்று ஆரி தன்னுடைய twitter பக்கத்தில் பகிர்ந்து இருக்கிறார்.

அதில் அவர் ஒன்பது மாத காத்திருப்பதற்கு பிறகு இன்று என்னுடைய குட்டி இளவரசனை நான் பார்த்திருக்கிறேன் நான் நிம்மதியாகவும் சந்தோஷமாகவும் இருக்கிறேன் என்று அதில் பதிவிட்டு இருக்கிறார். இந்த பதிவிற்கு அதிகமான ரசிகர்கள் தங்களுடைய வாழ்த்துக்களையும், ஆசீர்வாதங்களையும் வழங்கி வருகிறார்கள்.

English summary

Actor Aaari, who rose to fame with the show Bigg Boss, shared the happy news on his Twitter page.Fans are congratulating Arie on the news that she is expecting her second child.At this stage, fans are commenting on Aaari's passionate caption about the baby.