பாலாஜியின் புது அவதாரம்...இப்படி ஒரு கேப்ஷனா!!??
சென்னை: லைகர் மூவி வைபில் விஜய் தேவரகொண்டா ரேஞ்ச்க்கு, பாக்ஸர் ஆக மாறி மிரட்டி உள்ள பாலாஜி முருகதாஸின் மிரட்டல் போஸ்கள் சமூக வலைதளங்களில் பாலாஜி முருகதாஸ் ரசிகர்களால் கொண்டாடப்பட்டு வருகிறது.
பாலாஜி முருகதாஸின் போட்டோக்களை விடவும் அவர் வெளியிட்ட போட்டோக்களுக்கு அவர் கொடுத்த கேப்ஷன் தான் யாரை சொல்கிறார் என்று ஒரு நிமிடம் வலைத்தளவாசிகளை யோசிக்க வைக்கிறது.
உள்ளதும் போச்சு.. குலாம் நபி ஆசாத்துக்கு ஆதரவாக காஷ்மீரில் 20 காங்கிரஸ் தலைவர்கள் விலகல்
பிக் பாஸில் அறிமுகம்
விஜய் டிவியின் பிரபல ரியாலிட்டி ஷோவான பிக் பாஸ் மூலம் புகழ் வெளிச்சத்திற்கு வந்தவர் பாலாஜி முருகதாஸ்.பிக் பாஸ் நிகழ்ச்சியில் இவரது நடவடிக்கைகள் எல்லாம் சற்று முரட்டுத்தனமாகவே இருந்ததாக அனைவரும் அந்த நேரத்தில் கருத்து தெரிவித்து வந்தனர். இருந்தாலும் இவரது முரட்டுத்தனத்திற்கென்று ஒரு ரசிகர் கூட்டம் அப்பொழுது உருவானது .போதாத குறைக்கு அந்த சீசனில் டைட்டில் வின்னரான ஆரியுடன் தொடர்ந்து அந்த சீசன் முழுவதும் இவர் மோதல் போக்கையே பின்பற்றி வந்ததால் அந்த சீசனின் ரன்னராகவும் மிகவும் பிரபலமடைந்தார்.
பிரபலமான மாடல்
சின்னத்திரை அளவில் பெரிய நட்பு வட்டாரத்தில் இருக்கும் பாலாஜி முருகதாஸ், மாடலிங் துறையில் பெரிய அளவில் கலக்கி வருகிறார். இதனால் அவ்வப்போது பல வித்தியாசமான போட்டோக்களை இணையத்தில் உலவ விட்டு தனக்கென ஒரு ரசிகர்,ரசிகைகள் கூட்டத்தையும் உருவாக்கி வைத்துள்ளார். தற்பொழுது லைகர் படத்தில் வரும் விஜய் தேவரகொண்டா போல் பாக்ஸர் ஆக மாறி இவர் கொடுத்துள்ள ஸ்டில்களை பார்த்த ரசிகர்கள், "தலைவா நீங்க மாடலிங் துறைக்கு வந்ததுக்கு பதிலா, பாக்சிங் ஃபீல்டுக்கு போயிருக்கலாம் என்று உசுப்பேத்தி வருகின்றனர்.
ஆரியோடு சண்டை
பிக் பாஸ் நிகழ்ச்சியின் போது ஆரிக்கும் இவருக்கும் இடையே இருந்த உரசல் அந்த நிகழ்ச்சிக்கு பின்னரும் பலமுறை பல சமயங்களில் வெளிப்பட்டிருக்கிறது. ஆரியை குறி வைத்து சமூக வலைதளங்களில் பாலாஜி முருகதாஸ் ஏதாவது பதிவிடுவதும் அதற்கு ஆரி ரசிகர்கள் பாலாஜி முருகதாஸ் ரசிகர்களும் சில சமயங்களில் கருத்து சண்டைகள் நடந்து வந்திருக்கிறது. தற்பொழுது இவர் பதிவிட்டுள்ள புகைப்படத்திற்கு கொடுத்துள்ள கேப்ஷன் யாரையும் தாக்கி கொடுத்துள்ளாரோ..!? என்று அவரது ரசிகர்களே விவாதம் செய்து வருகின்றனர்.
என்ன அர்த்தமாக இருக்கும்
மற்றவர்கள் உங்களை கேலி செய்தாலும்,புறக்கணித்தாலும், உங்களுடன் சண்டையிட்டாலும் நீங்கள் தான் வெற்றி பெறுவீர்கள் என்று,மோட்டிவேஷன் காக கூறியுள்ளாரா..!? இல்லை ஏதேனும் பழைய பகையாக இருக்குமோ..!?என்று ஒரு சில சமூக வலைத்தள வாசிகள் யோசித்து வருகின்றனர்.அதுமட்டுமல்லாமல் என்ன செய்தாலும் பாலாஜி முருகதாஸுக்கு லைக்குகள் மட்டும் மலை போல உயர்ந்து வருகிறது.