இப்படியா அசிங்கப்படுத்துவீங்க? புகழால் விஜய் டிவி நிகழ்ச்சியில் இருந்து கோபமாக வெளியேறிய சௌந்தர்யா

Updated: Friday, February 21, 2025, 8:55 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வரும் கலக்கப்போவது யாரு சீசன் 10 நிகழ்ச்சியில் சிறப்பு விருந்தினராக, பிக் பாஸ் நிகழ்ச்சியில் ரன்னராக தேர்வான சௌந்தர்யா கலந்து கொண்டிருக்கிறார். அப்போது புகழ் செய்த செயலால் சௌந்தர்யா கோபப்பட்டு நிகழ்ச்சியில் இருந்து வெளியேறி இருக்கிறார். இந்த ப்ரோமோ இணையத்தில் வைரலாகி வருகிறது.

விஜய் டிவியில் பல ரியாலிட்டி நிகழ்ச்சிகள் ஒளிபரப்பாகி வருகிறது. அதில் விஜய் டிவி பிரபலங்கள் தான் அதிகமாக கலந்து கொள்கிறார்கள். வார இறுதியில் ஒளிபரப்பாகும் நிகழ்ச்சிகளில் வாரம் முழுக்க மக்கள் முன்பு வரும் சீரியல் நடிகர்கள், நடிகைகள் கலந்து கொள்வார்கள்.

அதிலும் அண்டகாகசம், கலக்கப்போவது யாரு, கம்பெனி, ஸ்டார் மியூசிக் என்று புதிய புதிய பெயரில் விஜய் டிவியில் பல நிகழ்ச்சிகள் ஒளிபரப்பாகி வரும் நிலையில் அதில் எல்லாம் விஜய் டிவி பிரபலங்கள் கலந்து கொண்டு வருகிறார்கள். அதுபோல சமீபத்தில் முடிவுக்கு வந்த பிக்பாஸ் தமிழ் சீசன் எட்டாவது நிகழ்ச்சியில் ரன்னராக வந்து பல இளம் ரசிகர்களுக்கு கவர்ந்த சௌந்தர்யாவை விஜய் டிவியில் பல நிகழ்ச்சிகளில் சில வாரங்களாகவே பார்க்க முடிகிறது.

வரும் ஞாயிற்றுக்கிழமை ஒளிபரப்பாக இருக்கும் கலக்கப்போவது யாரு சீசன் 10 நிகழ்ச்சியிலும் சௌந்தர்யா மற்றும் ரயான் சிறப்பு விருந்தினராக கலந்து கொண்டு இருக்கிறார்கள். அப்போது கலக்கப்போவது யாரு நிகழ்ச்சியில் புகழ் போட்டியாளராக கலந்து கொண்டு சிறப்பு விருந்தினராக வந்த சௌந்தர்யாவிடம் காதல் ப்ரபோஸ் செய்வது போல நடித்து இருக்கிறார்.

அந்த நேரத்தில் புகழ் பேசுவதை பார்த்து நடுவர்களாக இருக்கும் மதுரை முத்து, அமுதவாணன் மற்றும் ராமர் மூன்று பேரும் கிண்டல் செய்து கொண்டிருக்கிறார்கள். அப்போது புகழ் கோபமாகி சௌந்தர்யா பக்கத்தில் இருந்த சேரை எட்டி உதைக்க அதை பார்த்து சௌந்தர்யா கடுப்பாகி, "என்னை என்ன சொல்லி இந்த நிகழ்ச்சிக்கு கூப்பிட்டீங்க? சிறப்பு விருந்தினராக வந்தா போதும் என்று கூப்பிட்டு என்ன பண்ணிட்டு இருக்கீங்க" என்று கோபித்துக் கொண்டு ரயானை கூப்பிட்டுக் கொண்டு கிளம்பி விடுகிறார்.

இந்த ப்ரோமோ இணையத்தில் வைரலாகி வருகிறது. இது நிஜத்தில் சௌந்தர்யா புகழ் செய்த செயலால் கோபமாகி நிகழ்ச்சியில் இருந்து வெளியேறி விட்டாரா அல்லது புகழை பிராங் செய்கிறாரா என்று பொறுத்திருந்து பார்க்கலாம்.