என் காதல் பிரேக் அப் ஆகிட்டு.. வாழ்க்கையில் இப்படி நடக்கும்னு எதிர்பார்க்கல! பிக் பாஸ் கம்ருதீன் ஆதங்கம்

சென்னை: பிக் பாஸ் தமிழ் சீசன் 9 நிகழ்ச்சியில் ரெட் கார்டு வாங்கி வெளியேறிய போட்டியாளர் கம்ருதீன், தற்போது மீண்டும் சோசியல் மீடியாவில் பேசுபொருளாக மாறியுள்ளார். இந்த முறை காரணம், அவர் பிக் பாஸ் நிகழ்ச்சிக்கு செல்லும் முன்பே பேசியிருந்த ஒரு பழைய பேட்டி. அந்த வீடியோ தற்போது மீண்டும் ரீ-போஸ்ட் செய்யப்பட்டு வைரலாகி வருகிறது.

காதல் குறித்த கம்ருதீனின் பார்வை

அந்த பேட்டியில் கம்ருதீன் காதலை மிகவும் நடைமுறை ரீதியாக விளக்கியுள்ளார். காதல் என்றால் இருவருடைய வாழ்க்கையிலும் முன்னேற்றம் இருக்க வேண்டும் என்றும், ஒருவருக்கொருவர் துணையாக இருந்து வளர்ச்சியை நோக்கி செல்ல வேண்டும் என்றும் அவர் கூறியுள்ளார்.

காதலால் வாழ்க்கையில் இழப்புகள் ஏற்பட்டு, தனிப்பட்ட முன்னேற்றம் தடுக்கப்படுகிற நிலையில் அந்த உறவு வாழ்க்கைக்கு பொருத்தமானதா என்ற சந்தேகம் தனக்கு இருப்பதாகவும் அவர் தெரிவித்துள்ளார்.

மேலும், தனது வாழ்க்கையில் ஒரே ஒரு காதல் மட்டுமே இருந்ததாகவும், அதுவும் தற்போது முடிவுக்கு வந்துவிட்டதாகவும் அவர் அந்த பேட்டியில் வெளிப்படையாக பேசினார். அந்த நேரத்தில் அவர் பேசிய வார்த்தைகள் இப்போது நடந்து முடிந்த சம்பவங்களோடு ஒப்பிட்டு பார்க்கப்படுகின்றன.

பிக் பாஸ் வீட்டில் நடந்த மாற்றம்

இந்த பேட்டியில் அவர் இவ்வளவு முதிர்ச்சியாக பேசி இருந்தாலும், பிக் பாஸ் வீட்டிற்குள் கம்ருதீனின் செயல்பாடுகள் பெரும் விமர்சனங்களை சந்தித்தன. ஆரம்பத்தில் பார்வதியுடன் நெருக்கமாக பழகிய அவர், சண்டைகள், கடுமையான வார்த்தைகள் மற்றும் விதிமீறல்கள் என பல சர்ச்சைகளில் சிக்கினார்.

குறிப்பாக, பார்வதிக்கு ஆதரவாக நடந்த சில செயல்கள், சாண்ட்ராவை காரில் இருந்து தள்ளியது மற்றும் ஆபாச பேச்சுகள் ஆகியவை அவருக்கு எதிராக திரும்பின. இதன் முடிவாக பிக் பாஸ் நிர்வாகம் கம்ருதீனுக்கு ரெட் கார்டு கொடுத்து அவரை வெளியேற்றியது.

சீரியல் வாழ்க்கையில் சிக்கல்

பிக் பாஸ் நிகழ்ச்சிக்கு முன்பு கம்ருதீன் விஜய் டிவியில் ஒளிபரப்பாகி வந்த 'மகாநதி' சீரியலில் நடித்துக் கொண்டிருந்தார். அவருக்காக அந்த சீரியலின் கதை கூட மாற்றப்பட்டு, அவர் நடித்த குமரன் கதாபாத்திரம் வெளிநாட்டிற்கு செல்லும் வகையில் திரைக்கதை நகர்த்தப்பட்டது.

ஆனால், பிக் பாஸ் நிகழ்ச்சியில் ஏற்பட்ட சர்ச்சைகளால் அவர் மீண்டும் அந்த சீரியலில் திரும்புவாரா என்ற கேள்வி எழுந்துள்ளது. அதேபோல், விஜய் டிவியின் மற்ற நிகழ்ச்சிகளிலும் அவருக்கு வாய்ப்புகள் கிடைப்பது சந்தேகமாகவே பார்க்கப்படுகிறது.

நெட்டிசன்களின் கருத்துகள்

சோசியல் மீடியாவில் ரசிகர்கள் இந்த சம்பவத்தை அவரது பழைய பேட்டியோடு இணைத்து பேச ஆரம்பித்துள்ளனர். காதல் முன்னேற்றத்தை தர வேண்டும் என்று பேசிய கம்ருதீனின் வாழ்க்கையில், காதல் மற்றும் பிக் பாஸ் சம்பவங்களால் அவருடைய கனவுகள் பாதிக்கப்பட்டதாக பலரும் கருத்து தெரிவித்து வருகின்றனர்.

ஒருகாலத்தில் கம்ருதீன் சொன்ன "முன்னேற்றத்தை தடுக்கிற காதல் வாழ்க்கைக்கு தேவையா?" என்ற கேள்வியே, இன்று அவரது வாழ்க்கையை புரட்டி போட்டு இருக்கிறது. பிக் பாஸ் நிகழ்ச்சி அவருக்கு புகழை கொடுத்ததோ இல்லையோ, வாழ்க்கை குறித்த ஒரு கடுமையான பாடத்தை கொடுத்துள்ளது என்பதே ரசிகர்களின் பொதுவான கருத்தாக இருக்கிறது.

English summary

Bigg Boss Tamil 9: Former Bigg Boss Tamil Season 9 contestant Kamrudeen, who was evicted from the show with a Red Card following multiple controversies, has once again become a topic of discussion on social media. This time, the attention stems from an old interview he gave before entering the Bigg Boss house, which has now resurfaced and gone viral. In the interview, Kamrudeen spoke about love from a practical perspective, stating that a relationship should contribute to personal growth and mutual progress rather than hinder one’s life ambitions. He also revealed that he had experienced only one relationship in his life, which had already ended. However, his mature views expressed in the interview contrast sharply with his behaviour inside the Bigg Boss house, where his actions, including conflicts, use of abusive language, rule violations, and physical aggression, attracted heavy criticism. His association with fellow contestant Parvathi and incidents involving Sandra ultimately led to his Red Card eviction. The controversies have also raised questions about his professional future, particularly his possible return to the Vijay TV serial Mahanadhi, where his character arc was previously altered for his Bigg Boss participation. Netizens are now drawing ironic parallels between his past statements about love hindering progress and the current situation in his own life, with many suggesting that Bigg Boss has become a turning point that taught him a harsh life lesson.