சமூக வலைத்தளத்தில் அசீமிற்கு மெசேஜ் செய்து திட்டும் நெட்டிசன்கள்.. இது தான் "அறமா” ரசிகர்கள் கேள்வி?

சென்னை: பிக் பாஸ் தமிழ் சீசன் 6 நிகழ்ச்சி சமீபத்தில் முடிவடைந்து இருக்கிறது.

இந்த சீசனில் டைட்டில் வின்னர் ஆக அசீம் தேர்ந்தெடுக்கப்பட்டிருக்கிறார்.

அசீம் வெற்றி பெற்றதை ஏற்றுக் கொள்ள முடியாத ரசிகர்கள் தொடர்ந்து சமூக வலைதளத்தில் அவருக்கு எதிராக கருத்துக்களை வெளியிட்டு வருகிறார்கள்.

அசீம் பல நேரங்களில் மரியாதை இல்லாமல் பிறரிடம் தரம் தாழ்ந்த வார்த்தைகளால் பேசியதை குறித்து அவரை பலர் திட்டி வருகிறார்கள்.

விக்ரமனின் ரசிகர்கள் விக்ரமனுடைய கருத்தை பின்பற்றாமல் அசீமை திட்டி வருவதை குறித்து அசீமுடைய ரசிகர்கள் நீங்கள் செய்வது மட்டும் சரியா என கேள்வி எழுப்புகின்றனர்.

ஆரம்பத்தில் இருந்தே எதிர்ப்பு

பிக் பாஸ் தமிழ் சீசன் 6 நிகழ்ச்சி இதுவரைக்கும் எந்த சீசனிலும் இல்லாத வகையில் கடைசி நேரத்தில் பெரும் பரபரப்பை ஏற்படுத்தி விட்டது. இந்த சீசனில் ஆரம்பத்தில் இருந்து டைட்டில் வின்னர் அசீமிற்கு கிடைக்கக்கூடாது என்று ரசிகர்கள் அதிகமானோர் கருத்து தெரிவித்துக் கொண்டிருந்தனர். அசீமிற்கு டைட்டில் கொடுத்து விட்டால் அது தப்பான முன் உதாரணமாக மாறிவிடும். காரணம் பொதுவெளியில் பல பேர் பார்க்கும் ரியாலிட்டி ஷோவில் இவர் அடுத்தவர்களை மரியாதை இல்லாமல் பேசி, பாடி லாங்குவேஜ் காட்டி, தரக்குறைவாக நடத்தி வருகிறார். இதனால் இவரைப் பாராட்டினால் இவர்களுடைய ரசிகர்களும் இதை தான் செய்வார்கள் என்று பலர் கருத்து தெரிவித்து வந்தனர்.

முடிவில்லாத கருத்து மோதல்

பிக் பாஸ் நிகழ்ச்சியில் அறம் வெல்லும் என்ற ஒரே வார்த்தையை கூறிக்கொண்டு எந்த இடத்திலும் தன்னுடைய நேர்மை தவறாமல், அதே நேரத்தில் பிறரை காயப்படுத்தாமல், தன்னுடைய நிலையில் இருந்து சிறிதும் பிறழாமல் இருந்த ஒரு போட்டியாளர்களில் விக்ரமன் மற்றும் ஷிவின் இருந்தனர். இவர்கள் இருவருக்கும் தான் டைட்டில் கிடைக்க வேண்டும் என்று அதிகமான ரசிகர்கள் கருத்து கூறி வந்தனர். ஆனால் ரசிகர்கள் எதிர்பார்த்தது கிடைக்கவில்லை என்ற ஆதங்கத்தில் நிகழ்ச்சி முடிந்து இரண்டு நாட்களாக சமூக வலைதளத்தில் அதிகமான கருத்துக்களும், கருத்து மோதல்களும் நடைபெற்றுக் கொண்டிருக்கிறது.

திட்டும் ரசிகர்கள்

அதில் அதிகமான ரசிகர்கள் அசீம் பி ஆர் டீம் சப்போர்ட்டோடு ஜெயித்துவிட்டார் என்று குற்றம் சுமத்தி வருகின்றனர். அது மட்டும் அல்லாமல் விக்ரமன் உடைய தோல்வியை ஏற்றுக்கொள்ள முடியாத ரசிகர்கள் பலர் அசீமுடைய ட்விட்டர் மற்றும் இன்ஸ்டாகிராம் பக்கங்களில் நேரடியாக அவருக்கு மெசேஜ் செய்து அதை ஸ்கிரீன்ஷாட் ஆக சமூக வலைத்தளத்தில் பதிவிட்டு வருகின்றனர். இதுவரைக்கும் இல்லாத வகையில் இந்த சீசனில் தான் டைட்டில் ஜெயித்த போட்டியாளரை இவ்வளவு ரசிகர்கள் திட்டி தீர்க்கிறார்கள். இது சமூக வலைதளத்தில் வைரலாக பரவி வருகிறது. ட்விட்டர் பக்கத்தில் இப்ப வரைக்கும் அசீமிற்கு எதிரான வாசகங்கள் தான் ட்ரெண்டிங்கில் இருந்து வருகிறது.

இதுதான் அறமா

இந்த நிலையில் அசீமுடைய ரசிகர்கள் பலர் அசீம் செய்தது தவறு என்று கூறி அதே தவறை தானே நீங்களும் செய்து கொண்டிருக்கிறீர்கள்? பொதுவெளியில் தவறான வார்த்தைகளை பயன்படுத்தி அசீமை திட்டிக்கொண்டு, அதை ஸ்கிரீன்ஷாட் ஆக வெளியிடுகிறீர்கள். இதுதான் விக்ரமன் சொன்ன அறமா? ஒருவரை இப்படியா தரம் தாழ்த்தி பேசுவது. நமக்கு பிடிக்கவில்லை என்றால் என்ன வேணாலும் பேசலாமா? என பல்வேறு கேள்விகளையும் ரசிகர்கள் பலர் கருத்து தெரிவித்த மோசமான கமண்டுகளை ஸ்கிரீன்ஷாட் எடுத்து அதை தங்களுடைய பதிவுகளில் பகிர்ந்து வருகிறார்கள்.

English summary

Bigg Boss Tamil Season 6 has recently come to an end.Azeem has been selected as the title winner this season.Fans who can't accept Azeem victory continue to post comments against him on social media.Azeem has been scolded by many people for often disrespecting others and using low quality words.Vikraman's fans are questioning whether it is right to do what you are doing and not following Vikraman's opinion and insulting Azeem.