தொடங்கியது பிக் பாஸ் 7.. இரண்டு வீட்டை அறிமுகப்படுத்த கமல் போட்ட நாடகம்.. இத்தனை உள்குத்துகளா?
சென்னை: பிக் பாஸ் தமிழ் சீசன் 7 பிரமாண்டமாக இப்போது தொடங்கப்பட்டிருக்கிறது. இதுவரைக்கும் இல்லாத வகையில் எந்த முறை இரண்டு வீடு கான்செப்ட் இருக்கும் நிலையில் அது குறித்த விளக்கத்தை நடிகர் கமல்ஹாசன் கொடுத்திருக்கிறார்.
இந்த நிலையில் நிகழ்ச்சியின் ஆரம்பத்தில் கமல் இரட்டை வேடத்தில் பிக் பாஸ் வீட்டை சுற்ற காண்பித்து இருக்கிறார். அது குறித்து பார்க்கலாம்.
அந்த வகையில் அனைவரும் ஆர்வத்தோடு எதிர்பார்த்து இருந்த பிக் பாஸ் சீசன் 7 நிகழ்ச்சி பிரமாண்டமாக தொடங்கப்பட்டிருக்கிறது. இந்த நிலையில் நிகழ்ச்சியின் ஆரம்பத்தில் நடிகர் கமல்ஹாசன் வழக்கம்போல மேடையில் அனைவருக்கும் வணக்கத்தை சொல்லி வரவேற்று விட்டு உள்ளே வீட்டிற்குள் நுழைய முயற்சி செய்யும்போது பிக் பாஸ் மேடையில் அலாரம் அடிக்கிறது.
அதை பார்த்து அதிர்ச்சியான கமல்ஹாசன் என்ன ஆச்சு ஏதேனும் கண்டஸ்டண்ட் உள்ளே போயிட்டாங்களா? என்று குழப்பத்தோடு அகம்டிவி வழியாக உள்ளே பார்க்க அங்கே மெட்ராஸ் பாஸை பேசியபடி இன்னொரு கமல் வீட்டை சுற்றி பார்த்துக் கொண்டிருக்கிறார். இதுவரைக்கும் ஒவ்வொரு சீசனிலும் நடிகர் கமல்தான் வீட்டை முழுக்க சுற்றி காண்பித்து வீட்டில் நடக்கும் கலவரங்களுக்கு முதல் நாளே பில்டப் கொடுத்துக் கொண்டிருப்பார்.
ஆனால் இன்று இரண்டு வீடு கான்செப்ட் என்பது பற்றியும் இரண்டு வீடுகளுக்கு ஒரே வாசல் என்பது பற்றியும் இரண்டு வீட்டிற்கும் ஒரே கிச்சன் என்பது பற்றியும் புது நாடகத்தின் மூலமாக நிகழ்ச்சியை தொடங்கி வைத்திருக்கின்றனர்.
அதே நேரத்தில் ஆரம்பமே இந்த முறை அதிகமான பில்டபோடு இருக்கும் நிலையில் ரசிகர்கள் ஆர்வத்தோடு எதிர்பார்த்து இருந்த மாதிரி வீடு பிரம்மாண்டமாக தான் இருக்கிறது. ஆனாலும் போட்டியாளர்கள் வந்த பிறகு தான் அந்த வீடு பெரிய அளவிற்கு கலவரமாக மாறப்போகிறது என்பது தெரியும். ஆனால் ஆரம்பத்திலேயே இரண்டு வீட்டிற்கும் இரண்டு பாஸ் இருப்பார்கள் என்று கமல் விளக்கம் கொடுத்திருக்கிறார். இன்னும் என்னவெல்லாம் நடக்கப் போகிறது என்று பார்ப்போம்.
Click it and Unblock the Notifications
Sign in with Google