பிக் பாஸ் நிகழ்ச்சியில் இந்த முறை மாற்றப்பட்ட விதிமுறை.. இரண்டு வீடு கான்செப்டில் இத்தனை கஷ்டமா?

சென்னை: விஜய் டிவியில் பிக் பாஸ் தமிழ் சீசன் 7 நிகழ்ச்சி இன்னும் ஒரு சில வாரங்களில் ஒளிபரப்பாக இருக்கிறது.

இந்த நிலையில் பிக் பாஸ் நிகழ்ச்சிக்கான முதல் பிரமோ வெளியாகி இருக்கிறது.

அதைத் தொடர்ந்து இந்த முறை பிக் பாஸ் நிகழ்ச்சியில் பல விதிமுறைகள் மாற்றப்பட்டதாக தகவல்கள் வெளியாகி இருக்கிறது. அது குறித்து விரிவாக பார்க்கலாம்.

விஜய் டிவியில் பிக் பாஸ் தமிழ் சீசன் 6 நிகழ்ச்சி சில மாதங்களுக்கு முன்பு முடிவடைந்தது. அதிலிருந்து எப்போது ஏழாவது சீசன் தொடங்கப்படும் என்று எதிர்பார்ப்பு இருக்கிறது. இதுவரைக்கும் இல்லாத வகையில் பிக் பாஸ் தமிழ் சீசன் 6 நிகழ்ச்சி பெரும் பரபரப்பை ஏற்படுத்தியது. ஆரம்பத்தில் இருந்து சர்ச்சைகள் மற்றும் சண்டைகளிலே இந்த சீசன் இருந்த நிலையில் இனி வரும் ஏழாவது சீசனில் எப்படி இருக்க போகுதோ என்ற எதிர்பார்ப்பு அனைவருக்கும் இருக்கத்தான் செய்கிறது.

இந்த நிலையில் அக்டோபர் மாதத்தில் ஏழாவது சீசன் தொடங்கப்படும் என்று செய்திகள் வலம் வருகிறது. அதே நேரத்தில் ஏழாவது சீசனுக்கு முதல் ட்ரைலர் கமல்ஹாசன் நடிப்பில் வெளியாகி இருக்கிறது. அதுவும் இதுவரைக்கும் இல்லாத வகையில் கடலின் நடுவே இருக்கும் பாலத்தில் கமல்ஹாசன் நின்றபடி ஏழாவது சீசன் தொடங்கப்படுவது குறித்து செய்கை மூலமாகவே தெரிவித்து இருந்தார்.

இந்த நிலையில் இந்த சீசனில் யாரெல்லாம் கலந்து கொள்ள போகிறார்கள் என் என்று பல பெயர் பட்டியல்கள் வெளியாகி வருகின்றது. அதே நேரத்தில் இந்த சீசனில் மேலும் சில விதிமுறைகள் மாற்றப்பட்டு இருப்பதாகவும் தகவல்கள் வெளியாகி இருக்கிறது. அதோடு சில அப்டேட்டுகளும் வலம் வருகிறது. அது குறித்து விரிவாக பார்க்கலாம்.

அதாவது வரும் அக்டோபர் 8ஆம் தேதி வரும் ஞாயிற்றுக்கிழமை தொடங்கலாம் என்று எதிர்பார்க்கப்படுகிறது. ஏனென்றால் அக்டோபர் முதல் வாரத்தில் நிகழ்ச்சி தொடங்கி விட்டால் போட்டியாளர்கள் வழக்கம் போல தீபாவளி, வருடப்பிறப்பு மற்றும் பொங்கல் பண்டிகை எல்லாவற்றையுமே பிக் பாஸ் வீட்டில் கொண்டாட இருக்கிறார்கள் என்றும் கூறப்படுகிறது. அதோடு இதுவரைக்கும் இல்லாத வகையில் இந்த முறை பிக் பாஸ் நிகழ்ச்சியில் இரண்டு வீடு கான்செப்ட் தொடங்கப்பட இருக்கிறது.

அதில் ஒரு வீடு எப்போதும் இருப்பது போல பிரம்மாண்டமாக இருக்கும் என்றும் அங்கு சகல வசதிகள் இருக்கும் என்றும் எதிர்பார்க்கப்படுகிறது. அதே நேரத்தில் இன்னொரு வீடு எந்த வசதியும் இருக்காதாம். அங்கு போட்டியாளர்கள் எலிமினேஷன் செய்பவர்கள் தங்கவைக்கப்படலாம் என்று எதிர்பார்க்கப்படுகிறது.

அந்த இரண்டாவது வீட்டில் கடுமையான டாஸ்குகள் இருக்கும் என்று கூறப்படுகிறது. இந்த நிலையில் இந்த இரண்டு வீடு கான்செப்ட் மற்ற மொழிகளில் ஏற்கனவே வந்துவிட்ட நிலையில் இப்போது தமிழில் வர இருப்பதால் சுவாரஸ்யம் கூடுமா? என்று எதிர்பார்க்கப்படுகிறது.

English summary

Bigg Boss Tamil Season 7 is going on air in a few weeks on Vijay TV.At this stage, the first promo of Bigg Boss show has been released. Following this, there are reports that many rules have been changed in the Bigg Boss show this time. Let's see about it in detail.