Bigg Boss: 20 போட்டியாளர்களுடன் பிக் பாஸ் 9 ஆரம்பம்: வீடு முழுக்க சீரியல், சோஷியல் மீடியா பிரபலங்கள்

சென்னை: விஜய் டிவியில் தமிழ் ரசிகர்களின் ஆரவார வரவேற்புக்கு மத்தியில், 'பிக் பாஸ் தமிழ் சீசன் 9' நிகழ்ச்சி இன்று (அக்டோபர் 5) பிரமாண்டமாகத் தொடங்கியுள்ளது. தொகுப்பாளர் விஜய் சேதுபதி அறிமுகப்படுத்த, மொத்தம் 20 போட்டியாளர்கள் இந்த ஆண்டு பிக் பாஸ் வீட்டுக்குள் அடியெடுத்து வைத்துள்ளனர். வழக்கத்தைவிட அதிக எண்ணிக்கையிலான போட்டியாளர்களுடன் ஆரம்பித்திருக்கும் இந்த சீசன், ஆரம்பம் முதலே விறுவிறுப்புக்குப் பஞ்சமிருக்காது என்பதை உறுதி செய்துள்ளது.

பிக் பாஸ் 9ன் 20 போட்டியாளர்களின் முழு விவரம் இதோ:

இந்த முறை சினிமா, தொலைக்காட்சி, சமூக ஊடகங்கள், மாடலிங் மற்றும் விளையாட்டு எனப் பல்வேறு துறைகளைச் சேர்ந்த திறமைசாலிகள் களமிறங்கியுள்ளனர்.

1. திவாகர்: (வாட்டர்மெலன் ஸ்டார்) சமூக ஊடகங்களில் நகைச்சுவை மூலம் பிரபலமானவர்.

2. அரோரா சின்க்ளேர்: (பலூன் அக்கா) மாடலிங் துறையில் கிளாமர் புகைப்படங்களால் கவனம் ஈர்த்தவர்.
3. எப்.ஜே: (F.J.)
4. பார்வதி: (வி.ஜே. பார்வதி) தொகுப்பாளினி, 'குக் வித் கோமாளி' மற்றும் 'சர்வைவர்' புகழ்.
5. (துஷார்)

6. கனி: குக் வித் கோமாளி டைட்டில் வின்னர் மற்றும் இயக்குனர் அகத்தியனின் மகள்

7. சபரி: (சீரியல் நடிகர் சபரிநாதன்)

8. பிரவீன் காந்தி: (இயக்குநர் பிரவீன் காந்தி) 'ரட்சகன்' , ஜோடி உள்ளிட்ட படங்களை இயக்கியவர்.

9. கெமி: தேசிய அளவில் கூடைப்பந்து வீராங்கனையாக இருந்து, அரசியல் காரணங்களால் விலகி, இப்போது மாடலிங்கில் இருக்கும் பிரபலம்.

10. ஆதிரை: நடிகர் விஜய் நடித்த பிகில் படம் மூலம் பிரபலமானவர்.

11. ரம்யா ஜோ: ஆடலும் பாடலும் மேடை நடனக் கலைஞர். ஆதரவற்றோர் இல்லத்தில் வளர்ந்தவர்.

12. வினோத்: கானா பாடகர் வினோத்

13. வியானா

14. பிரவீன்
15. சுபிக்‌ஷா
16. அப்சரா CJ
17. நந்தினி
18. விக்ரம்
19. கமருதீன் விஜய் டிவியின் 'மகாநதி' சீரியல் நடிகர்.
20. கலையரசன்

இந்த சீசனில் தனித்துவமான பின்னணி

திவாகர், அரோரா போன்றவர்கள் சமூக ஊடகங்களில் இருந்து நேரடியாகப் பிக் பாஸ் வீட்டுக்குள் வந்திருப்பதால், அவர்களின் ஆட்டத்தைப் பார்க்க ரசிகர்கள் ஆர்வமாக உள்ளனர். கூடைப்பந்தைத் துறந்த கெமி மற்றும் மேடை நடனக் கலைஞரான ரம்யா ஜோ போன்றோர், தங்கள் தனிப்பட்ட வாழ்க்கைப் போராட்டங்களை வீட்டில் எப்படி வெளிப்படுத்துவார்கள் என்ற எதிர்பார்ப்பு உள்ளது.

சர்ச்சை ஆளுமை

இயக்குநர் பிரவீன் காந்தி போன்ற வெளிப்படையான பேச்சாளர்கள், வீட்டில் நிச்சயம் பஞ்சாயத்துகளுக்கும், விவாதங்களுக்கும் வழிவகுப்பார்கள். மொத்தத்தில், 20 போட்டியாளர்களுடன், 'ஸ்பேஸ் தீம்' அடிப்படையில் பிரமாண்டமாகத் தொடங்கப்பட்டுள்ள 'பிக் பாஸ் தமிழ் சீசன் 9', இனிவரும் நாட்களில் தமிழக மக்களின் பொழுதுபோக்கு அட்டவணையில் ஆதிக்கம் செலுத்தத் தயாராகிவிட்டது. இந்த 20 பேரில் உங்களுக்கு மிகவும் பிடித்த மற்றும் உங்கள் ஆவலுக்குரிய போட்டியாளர் யார்?

English summary

Bigg Boss Tamil Season 9: Bigg Boss Tamil Season 9, hosted by Vijay Sethupathi, premiered with 20 contestants from diverse fields including social media, modeling, television, cinema, and sports. Highlights include Divakar, the social media comic star; glamorous model Arora Sinclair; outspoken director Praveen Gandhi; former national-level athlete Kemi; stage performer Ramya Jo; and popular actors and TV personalities. Contestants bring a mix of humor, talent, perseverance, and controversy, ensuring drama, emotional stories, and high-energy interactions. With a “Space Theme” and a large, varied cast, the season promises an exciting and engaging experience for viewers.